एजेन्सी । शक्तिको महान् पर्व नवरात्रि बुधबारदेखि सुरु हुँदैछ । यो माता दुर्गाको ध्यान र आराधना गर्ने पर्व हो, यो पर्वमा अपनाइएका केही उपायले संसारकै धनी व्यक्ति बन्न सक्ने विश्वास गरिन्छ ।

यदि तपाई पनि आर्थिक अभावले हैरान हुनुहुन्छ र देवी दुर्गाको शक्तिको यो महान् पर्व नवरात्रिले तपाईको जीवनमा सुख र आर्थिक समृद्धि ल्याओस् भन्ने सोचिरहनुभएको छ भने केहि उपाय अपनाउनु पर्छ ।

यी हुन् केही प्रभावकारी एवम् अचूक उपायहरू
यी नौ दिनमा अखण्ड दियो बाल्न नसके बिहान बेलुका घ्यूको दियो अवश्य बाल्नुहोस् । यो ध्यानमा राख्नुहोस् कि हरेक अवस्थामा नौ दिन बिहान र बेलुका दियो बाल्नु पर्छ। यस बत्तीमा ४ लौंग राख्नुहोस् । नौ दिनसम्म यसो गर्नुहोस् ।

नवरात्रिका यी दिनहरूमा रातो चुुनरीमा पाँच प्रकारका सुक्खा फलहरू राखेर माता दुर्गालाई अर्पण गर्नुहोस् । नवरात्रिको नौ दिनमा हरेक दिन हनुमान जीलाई सुपारी चढाउनुपर्छ । नवरात्रिमा नौ दिनसम्म माता दुर्गालाई ७ वटा अलैंची र चिनी चढाउनुपर्छ ।

नवरात्रिका यी नौ दिनहरूमा जुनसुकै बेला देवी माताको मन्दिरमा रातो रंगको झण्डा चढाउनुहोस् । नवरात्रिमा देवी मातालाई ताजा सुपारी र सिक्का चढाउनुहोस् । मखानामा सिक्का राखेर देवीलाई अर्पण गर्नुहोस् र त्यसपछि यो सामग्री गरीबहरूमा बाँड्नुहोस् ।

सानो पर्समा दक्षिणा राख्नुहोस् र साना केटीहरूलाई रातो रंगको उपहार दिनुहोस् । नवरात्रिको समयमा आफ्नो घरमा स्वस्तिक, ओम, श्री, हात्ती, कलश, दीपक, गरुडघण्टी, पत्र, कमल, श्रीयंत्र, आचमणी, मुकुट, त्रिशूल आदि जस्ता शुभ सुन वा चाँदीका वस्तुहरू किनेर देवीको चरणमा राख्नुहोस् र पूजा गर्नुहोस् ।

त्यसपछि नवरात्रिको अन्तिम दिनमा त्यो सामग्रीलाई गुलाबी रेशमी कपडामा बाँधेर भल्ट वा जहाँ पैसा राख्नुहुन्छ, त्यसमा राख्नुहोस् । यसबाट अचम्मको धनमा वृद्धि हुने विश्वास गरिन्छ ।