प्रहरी चौकी कनरीबाट खटिएको टोलीले नेपाली १ हजार दरको जाली नोट १ सय ३ थान सहित ४ जनालाई पक्राउ गरेको छ ।
पक्राउ पर्नेहरुमा मसुरीया–३ मटकौना बस्ने २२ बर्षीय राम प्रसाद चौधरी, प्रतापपुर–५ हरदानी बस्ने २३ बर्षीय गोविन्द चौधरी, मुसरीया–४ बडैपुर बस्ने २२ बर्षीय रमेश चौधरी र टिकापुर नगरपालिका–४ बागमारा बस्ने २१ बर्षीय सुरेश चौधरी रहेका छन् ।
धनगढी उपमहानगरपालिका–७ बेली स्थित हुलाकी सडक खण्डमा शंकास्पद अवस्थामा रहेका उनीहरुलाई मंगलबार प्रहरी टोलीले चेकजाँच गर्दा राम प्रसाद चौधरीको साथबाट हेर्दा जाली जस्तो देखिने र नोटहरुमा नम्वर समेत एक आपसमा मेल खाने अवस्थामा उक्त नोट बरामद भएको प्रहरीले जनाएको छ ।
यस सम्बन्धमा प्रहरीले आवश्यक अनुसन्धान गरिरहेको नेपाल प्रहरीले जानकारी केन्द्र लाइ बताएको छ ।