काठमाडौं । मुस्ताङको लोमन्थाङ गाउँपालिकाले आज सार्वजनिक बिदा दिएको छ ।
गाउँपालिकाले मुस्ताङ्गी राजा झिग्मी सिङ्गी पलवर विष्टका छोरा (राजकुमार) झिग्मी धिण्डुप फुन्छोक पलवर विष्टको विवाहका लागि भन्दै सोमबारसार्वजनिक बिदा दिएको हो ।
गाउँपालिकाको कार्यालय, यस मातहतका सम्पूर्ण कार्यालय तथा शिक्षण संस्थामा आज सार्वजनिक बिदा दिने निर्णय गरिएको विज्ञप्तिमा उल्लेख गरिएको छ ।
