काठमाडौं । काठमाडौं महानगरपालिकाले भोलि बिहिबार र पर्सि शुक्रबार काठमाडौंका विभिन्न क्षेत्रमा सवारी आवागमन निषेध गर्ने भएको छ । महानगरले सूचना जारी गर्दै निषेध गर्ने जनाएको हो ।
बिहिवार गाईजात्रा र शुक्रबार गुँलागा दुतिया मनाउने भएकाले काठमाडौंका विभिन्न सडकमा सवारी साधन सञ्चालन गर्न नदिइने काठमाडौं महानगरले जनाएको छ ।
महानगरका अनुसार असन–केलटोल–इन्द्रचोक मखन–जैशिदेवल ज्याबहाल–लगन चोक–हनुमानढोका दरबार परिसर–गोफल–ब्रम्हटोल–गोफल ब्रम्हटोल–मरू टोल लगायत सडकमार्गमा सवारी साधन प्रवेश गराउन पाइने छैन ।
