बारा । बाराको प्रसौनी गाउँपालिका २ स्थित दुधौरा पुलमा मोटरसाइकल दुर्घटना हुँदा दुई जनाको मृत्यु भएको छ । शुक्रबार राति भएको दुर्घटनामा दुई जनाको निधन भएको हो ।
कलैया उपमहानगरपालिका १३ बलिरामपुरका २३ वर्षीय कुन्दन मेहता र कलैया उपमहानगरपालिका १२ शितलपुरका २२ वर्षीय अभिमनु कुशवाहाको मृत्यु भएको हो । कुन्दन वडाध्यक्ष राजेश मेहताका छोरा हुन् ।
कलैयाबाट वीरगन्जतर्फ जाँदै गरेको म प्र ०३-०३० प ४३९८ नम्बरको मोटरसाइकल करिब १२ बजे पुलमा ठोक्किएर दुर्घटना भएको बारा प्रहरीले जनाएको छ ।
प्रहरीका अनुसार कुन्दनको एलएस न्युरो अस्पताल र अभिमनुको नेशनल मेडिकल कलेजमा उपचारको क्रममा मृत्यु भएको हो ।
