सर्लाही । बिपी राजमार्ग अन्तर्गत काभ्रेको पनौती नगरपालिका ५ सुन्दरबस्तीमा गाडी दुर्घटना हुँदा ९ जना घाइते भएका छन् । इलेक्ट्रोनिक गाडी अनियन्त्रित भई सडकबाट करिब ४० मिटर तल खसेको हो ।
सर्लाहीबाट काठमाडौं जाँदै गरेको वागमती प्रदेश ०४-००१ ज ००११ नम्बरको इलेक्ट्रोनिक गाडी आइतबार साँझ ६ बजेतिर बीपी राजमार्ग सडकखण्ड अन्तर्गत पनौती ५ सुन्दरबस्तीमा अनियन्त्रित भई खसेको हो।
प्रहरीका अनुसार दुर्घटनामा ३ महिला र ६ जना पुरुष घाइते भएका छन् । घाइतेहरुको धुलिखेल अस्पतालमा उपचार भइरहेको छ ।
