झापा । गौरादह नगरपालिका-५ स्कुलचौनस्थित जनहित सहकारी संस्थाबाट नगद ५ लाख रूपैयाँ, सोही नगरपालिका-५ चप्रामारीस्थित कोहवरा सानाकिसान महिला कृषि सहकारी संस्थाबाट नगद ५४ हजार ४ सय १५ रूपैयाँ र महारानीझोडा बचत तथा ऋण सहकारी संस्थाबाट नगद ८२ हजार ९१ रूपैयाँ गएराति चोरी भएको नेपाल प्रहरीले बताएको छ। प्रहरीले चोरीमा संलग्न हाल फरार व्यक्तिहरूको खोजी गर्नुको साथै यस सम्बन्धमा थप अनुसन्धान गरिरहेको बताइएको छ ।