तनहुँ । आफ्नै श्रीमती ३६ वर्षीया सुन माया कुमालको हत्या गरेको अभियोगमा ब्यास नगरपालिका-५ सेरा चापाटार बस्ने ४० वर्षीय जित बहादुर कुमाललाई शनिबार दिउँसो प्रहरीले पक्राउ गरेको नेपाल प्रहरीले बताएको छ । प्रहरीका अनुसार जित बहादुरले धारिलो हतियार दाउले प्रहार गर्दा सुन मायाको घटनास्थलमै मृत्यु भएको भन्ने खबर प्राप्त हुनासाथ जिल्ला प्रहरी कार्यालय तनहुँबाट खटिएको प्रहरीले उनलाई पक्राउ गरेको छ । यस सम्बन्धमा प्रहरीले आवश्यक अनुसन्धान गरिरहेको बताइएको छ ।