प्रधानमन्त्री केपी शर्मा ओली पुग्ने एमाले सभा बिथोल्न मधेसी मोर्चाले प्रदर्शन सुरु गरेपछि भएको प्रहरी र मधेसी मोर्चाबीचको झडपमा एक जना महिलाको मृत्यु भएको छ ।

एमाले आमसभा स्थलभन्दा केही पर प्रहरीको गोली लागेर ति महिलाको मृत्यु भएको हो । उनको सनाखत हुन भने सकेको छैन । ति महिलाको शव प्रहरीले कोशी अञ्चल अस्पताल लागेको छ ।

एमाले सभा बिथोल्ने क्रममा मधेसी मोर्चाले बल प्रयोग गरेको कारण प्रहरीले अश्रुग्यास तथा हवाइ फायर गरेको छ । युवा संघ मोरङले आयोजना गरेको उक्त सभामा प्रधानमन्त्री केपी शर्मा ओली जाने भनेपनि उनको सट्टा एमाले महासचिव इश्वर पोखरेल त्यहाँ पुगेका थिए ।

सम्भावित घटनाबारे बुधबारनै आंकलन गरिएपनि मधेसी मोर्चा र युवासंघ सम्यमित नहुँदा रंगेली घटना घटेको स्थानीयहरुले जनाएका छन् । मधेसी मोर्चाले र युवा संघले एकै दिन एउटै समयमा सभा आयोजना गरेपछि मोरङको पुरानो सदरमुकाम रंगेलीमा बुधबारदेखि नै झडपको स्थिति देखिएको थियो । युवा संघको कार्यक्रममा प्रधानमन्त्री केपी शर्मा ओली आउने प्रचार भएपछि मधेसी दल थप आक्रोशित बनेका थिए