बारा । बाराको कलैयास्थित राजाराम क्याम्पसका प्रमुख हरी भूषण कुशवाहाको हत्यामा संलग्न रहेको आशंकामा प्रहरीले दुई जनालाई पक्राउ गरेको छ । पक्राउ परेकाहरुको परिचय अहिले बारा प्रहरीले खुलाएको छैन । उनीहरुलाई अनुसन्धानका लागि घटनामा संलग्न रहेको आशंकामा नियन्त्रणमा लिएको बताइएको छ ।

आदर्श कोतावाल निवासी क्याम्पस प्रमुख कुशवाहा माथि शुक्रबार साढे ५ बजे आदर्शकोतवाल गाउँपालिका ३ बतरामा अज्ञात समूहद्वारा गोलि प्रहार भएको थियो । घटनाका सम्बन्धमा थप अनुसन्धान भइरहेको बारा प्रहरीले जनाएको छ ।