काठमाडौं । अहिले सामाजिक सञ्जालमा एउटा फोटोले सबैको ध्यान तानेको छ । पूर्व कराँते खेलाडी रवीन्द्र दाहाल जोगीको भेषमा हिँडिरहेको अवस्थामा अर्का खेलकर्मीले तस्बिर सार्वजनिक गरेपछि सबैको ध्यान तानेको छ ।

सामाजिक सञ्जाल प्रयोगकर्ताले नेपाली खेलकुदले पदक विजेता खेलाडीहरूलाई ध्यान दिन नसक्दा जोगी बनेर हिँड्नु परेको प्रतिक्रिया दिइरहेका छन् । दाहाल तीन वटा दक्षिण एसियाली खेलकुद सागका कांस्य पदक विजेता खेलाडी हुन् ।

उनले ८ औँ देखि १० औँ सागमा लगातार प्रतिस्पर्धा गरेका थिए । यस्तै १६ औँ एसियाली खेलकुदमा पनि उनले प्रतिस्पर्धा गरेका थिए । उनी केही वर्षयता साधु बनेर हिँडिरहेका छन् ।

उनी धेरै पटक राष्ट्रिय च्याम्पियन पनि बनेको थिए । उनले राष्ट्रिय खेलकुद परिषद् ९राखेप० कै एक कर्मचारीसँग विवाह गरेपनि सम्बन्ध लामो समय टिक्न सकेको थिएन । उनी प्रहरीमा जागिरे थिए तर पछि जागिर छाडेको थिए भने श्रीमतीसँग सम्बन्ध विच्छेद भएको थियो ।