५ लाख १३ हजार भारतीय रुपैयाँ सहित पक्राउ

अवैध रुपमा ल्याएको ५ लाख १३ हजार भारतीय रुपैयाँ सहित फुलगामा–८ हंसपटी टोल वस्ने २४ वर्षीय अजय कुमार महतो र २३ बर्षीय सुरेन्द्र कुमार महतोलाई प्रहरीले पक्राउ गरेको छ ।
जनकपुर उपमहानगरपालिका–१२ स्थित एयरपोर्ट जाने चोकमा शंकास्पद अवस्थामा रहेका उनीहरुलाई शनिबार प्रहरीले चेकजाँच गर्दा अजय कुमार महतोले पछाडी पिठयूमा भिरेको झोला भित्र अबैध रुपमा लिई आएको बिभिन्न दरको उक्त भारतीय नोटहरु बरामद भएको थियो । प्रहरीले उनको साथबाट नेपाल एसबिआई बैंक लिमिटेडको १ थान एटिएम कार्ड , मेगा बैंक नेपाल लिमिटेडको २ थान एटीएम कार्ड , नेपाल ईन्भेष्टमेन्ट बैंक लिमिटेडको २ थान एटीएम कार्ड र एभरेष्ट बैंक लिमिटेडको ४ थान एटीएम कार्ड समेत बरामद गरेको नेपाल प्रहरीले जानकारी केन्द्र बताएको छ ।
उनीहरु दुबै जनालाई आवश्यक अनुसन्धानको लागि राजश्व अनुसन्धान विभाग,हरिहरभवन ललितपुरमा पठाएको पनि प्रहरीले बताएको छ ।