काठमाडौँ । नेपालमा चाङगान गाडिको आधिकारिक वितरक एमएडब्लु वृद्धि अटोकर्पले भित्राएको दिपाल एस ०७ इलेक्ट्रिक कार सिङगल भेरियन्टमा उपलब्ध रहेको छ ।
यस कारको डिमेन्सन् ४७५०* १९३०*१६२५ र ह्विलवेस २९०० एम.एम पाउन सकिन्छ । कारमा म्याक्स पावर १३४ पि.एस र म्याक्स टर्क ३२० एन.एम रहेको छ । यस कारको टप स्पिड प्रति घण्टा १८५ किलोमिटर रहनुका साथै ग्राउन्ड क्लियरेन्स १७५ एम.एम रहेको कम्पनिको दाबि छ । ६६.०८ ब्याट्रि क्षमता भएको यस कारमा लिथियम ब्याट्रि पाउन सकिने र कारले ४१० कि.मि रेन्ज दिने बताइएको छ ।
दिपाल एस ०७ इलेक्ट्रिक कार ३ किलोवाट ए.सि चार्ज भएको ब्याट्रिमा फुल चार्ज हुन २२ घण्टा लाग्ने यस्तै ७ किलोवाट ए.सि चार्जर भएको ब्याट्रिमा ९ देखि १० घण्टा र फास्ट चार्जरबाट ३०% बाट ८०% चार्ज हुन ३५ मिनेट लाग्ने छ । एमएडब्लु वृद्धि अटोकर्पले भित्राएको दिपाल एस ०७ कारको टायर साइज २५५/४५ आर २० रहेको छ ।
पाँच सिटिङ् क्यापासिटि रहेको यस दिपाल एस ०७ इलेक्ट्रिक कारको मुल्य रु.७४,९९,००० कम्पनिले तोकेको छ । फरक डिजाइनमा उपलब्ध यस गाडिको फ्रंकमा १२५ लिटर र ट्रंकमा ४४५ लिटर भण्डारण क्षमता पाउन सकिनेछ साथै कारको तौल २०३५ केजी रहेको छ ।
यस कारको सेफ्टि सिस्टमको कुरा गर्दा एन्टि लक ब्रेकिङ् सिस्टम,ईलेक्ट्रिोनिक स्ट्याबिलिटि कन्ट्रोल, टायर प्रेसर मोनिटरिङ् सिस्टम र एच.ए.सि पाउन सकिन्छ । यो इलेक्ट्रिक कार कोस्मिक सेतो, नेबुला हरियो, लुनार ग्रे, ग्रहण कालो, सन्सेट ओरेन्ज र कस्मिक पहेंलो कलरमा पाउन सकिन्छ ।
