सरकारले सरकारले स्वास्थ्य तथा जनसंख्या मन्त्रालयलाई फुटाएर दुई वटा बनाएको तीन महिना भैसकेको छ । गत पुस ९ गतेको मन्त्रीपरिषद् बैठकले स्वास्थ्य तथा जनसंख्या मन्त्रालयबाट जनसंख्यालाई टुक्राएको हो । स्वास्थ्य मन्त्रालयबाट झिकिएको जनसंख्यालाई वातावरण मिलाएर नयाँ जनसंख्या तथा वातावरण मन्त्रालय बनाइएको छ । जनसंख्या झिकेपछि अहिले स्वास्थ्य मन्त्रालय भएको छ । तर, मन्त्रालय अन्तर्गतको आपूर्ती व्यवस्था महाशाखालाई भने अझै पनि आफ्नो मन्त्रालयको नाम थाहा छैन । महाशाखाले शुक्रबार सार्वजनिक गरेको एक सुचनामा अझै पनि स्वास्थ्य तथा जनसंख्या मन्त्रालय नै लेखिएको छ । मन्त्रालय टुक्राइएको तीन महिना भैसक्दा पनि आफ्नै मन्त्रालयको नाम याद नहुनु हास्यास्पद रहेको मन्त्रालयकै कर्मचारीहरु बताउँछन् ।

-स्वास्थ्य खबरपत्रिका बाट