काठमाडौं । बालाजु चोक नजिकैको माछापुच्छ्रे बैंकको एटीएम मेसिन तोडफोड गरिएको छ । तोडफोडमा संलग्न रहेको आरोपमा कलंकीमा बस्दै आएका रौतहटका १८ वर्षीय राधेश्याम बैठा समातिएका छन्।

आज बिहान पौने ३ बजेको समयमा बालाजु चोकस्थित माछापुच्छ्रे बैंकको एटीएम मेसिन फुटाउँदै गरेको अवस्थामा प्रहरीले उनलाई नियन्त्रणमा लिएको थियो ।

उनको साथबाट फलामको रड एक थान बरामद गरिएको छ । बैठामाथि प्रहरी वृत्त बालाजुले थप अनुसन्धान गरिरहेको बताइएको छ ।