बारा । आदर्श कोतवाल गाउँपालिका ६ लौकाहा चोकस्थित सडकमा सिम्रौनगढबाट रौतहटतर्फ जाँदै गरेको ना ४६ प ६२७१ नम्बरको मोटरसाइकलको ठक्करबाट पैदलयात्रीको मृत्यु भएको छ ।

सोही गाउँपालिका ३ भटिनिया बस्ने ७२ वर्षीया पनौती देवीको शुक्रबार दिउँसो मृत्यु भएको हो । मोटरसाइकलको ठक्करबाट गम्भीर घाइते भएकी उनको नेशनल मेडिकल कलेज वीरगंजमा उपचारको क्रममा मृत्यु भएको हो ।

मोटरसाइकल चालकलाई प्रहरीले नियन्त्रणमा लिएको छ । यस सम्बन्धमा प्रहरीले थप अनुसन्धान गरिरहेको जनाएको छ ।