विगत २९ बर्षदेखि ज्यान सम्बन्धी मुद्दाका फरार अभियुक्त भद्रबास गाबिस–८ बस्ने ६५ वर्षीय बिष्णुबहादुर थापालाई सोही ठाउँबाट केन्द्रीय अनुसन्धान ब्यूरोको प्रहरी टोलीले सोमबार पक्राउ गरेको छ ।
थापासँग भएको ज्यान सम्बन्धी मुद्दामा पुनरावेदन अदालत पाटनको २०५० बैशाख २७ गतेको फैसलाले थापालाई २ बर्ष २ महिना १२ दिन कैद र ५ सय ५० रुपैयाँ जरीवाना भएको थियो । ज्यान सम्बन्धी घटना भएको मिति २०४३ भदौ १२ गते देखि थापा फरार रहेका थिए ।
थापालाई काठमाडौं जिल्ला अदालतमा पेश गरिएकोमा अदालतको आदेशले कैद भुक्तानको लागि केन्द्रीय कारागार जगन्नाथदेवल सुनधारा पठाइएको नेपाल प्रहरीले जानकारी केन्द्रलाइ बताएको छ ।