मलेसियाले अवैधानिक रुपमा बसिरहेको अभियोगमा २६ सय नेपाली कामदारलाई स्वदेश फिर्ता पठाएको छ । मलेसियाले बिगत ४ महिनादेखि हालसम्म २६ सय नेपालीलाई पक्राउ गर्दै घर पठाइएको हो ।

अवैधानिक कामदारहरुलाई मात्र मलेसियाले पक्राउ गरी आ-आफ्नो देश फिर्ता पठाएको हो । मलेसियाले गत फेब्रुअरीदेखि अवैध कामदारलाई वैधानिक हुन अवसर समेत दिएको थियो । तर, आफूलाई वैध बनाउन अटेर गरेकाहरुलाई पक्राउ गर्दै मलेसियाले फिर्ता पठाइरहेको हो ।

यसरी मलेसियाबाट चार महिनायता ४० हजार विदेशी कामदार निष्काशित भइसकेका छन् । जसमा सबैभन्दा बढी इन्डोनेसियन रहेका छन्, मलेसियाले २० हजार इन्डोनेसियनहरुलाई फिर्ता पठाएको छ त्यस्तै ४९ सय बर्मेली, ३९ सय बंगलादेशी, २७ सय भारतीय कामदारलाई मलेसियाले फिर्ता पठाएको छ ।

अहिले मलेसियामा सरकारले पुनः दर्ता र डिपोर्टको प्रक्रिया चलाईरहेको छ, यही कारण २०१६ पछी मलेसियाले नयाँ विदेशी कामदार लिन बन्द समेत गरेको छ ।