काठमाडौँ । नेपाल टेलिकमले ल्यायो क्रिकेट धमाका ‘एनटी क्रिकेट धमाका प्याक’ ४९९ रूपैयाँमा १५० जीबी र ६९९ रूपैयाँमा ३०० जीबी डेटा
नेपाल प्रिमियर लिगलाई लक्षित गर्दै नेपाल टेलिकमले एनटी क्रिकेट धमाका प्याक ल्याएको छ । सरकारी स्वामित्वको दूरसञ्चार कम्पनी नेपाल टेलिकमले नेपाल प्रिमियर लिग (एनपीएल) क्रिकेट प्रतियोगितालाई लक्षित गर्दै ‘एनटी क्रिकेट धमाका प्याक’ सार्वजनिक गरेको छ । क्रिकेट धमाका प्याक अन्तर्गत ४९९ रूपैयाँमा १५० जीबी (प्रतिदिन ५ जीबी) र ६९९ रूपैयाँमा ३०० जीबी (प्रतिदिन १० जीबी) डेटा पाइने बताइएको छ ।
प्रतिदिन ५ जीबी डेटा लिमिट पूरा भएपछि २ एमबीपीएस स्पीडको गतिमा चल्ने छ भने १० जीबीको लिमिट पुरा भएपछि ३ जीबीकोन स्पीडमा डेटा चल्ने छ । मोबाइलमा *1415*11#डायल गरी वा नेपाल टेलिकमको मोबाइल एपमार्फत एनटी क्रिकेट धमाका प्याक एक्टिभेट गर्न सकिने कम्पनीले जनाएको छ ।
