मुम्बई । शाहरुख खान र सलमान खान स्टारर फिल्म ‘करण अर्जुन’ को अभिनेत्री ममता कुलकर्णी धेरै वर्षसम्म गुमनाम थिइन् । उनी कहाँ थिइन ? भन्न बारेमा जान्नका लागि फ्यानहरू निकै आतुर थिए ।
अन्ततः २५ वर्षपछि फ्यानले अभिनेत्रीको झलक पाउन सफल भएका छन, उनी हालैै फर्किएकी छन्। यसको जानकारी ममताले आफैंले आफ्नो इन्स्टाग्राममा एक भिडियो शेयर गरेर दिएकी छिन् ।
ममता कुलकर्णीले सेयर गरेको भिडियोमा उनले २५ वर्षपछि भारत फर्केको भन्दै आफ्नो भावना व्यक्त गरेकी छिन् । भिडियोमा उनी भन्छिन्, ‘म ममता कुलकर्णी हुँ र २५ वर्षपछि भारत, मुम्बई र आमची मुम्बई आएको छु । उनले आफू सन् २००४ मा भारत आएको र अहिले सन् २०२४ मा फेरि यहाँ आएको बताइन् ।
करण अर्जुन अभिनेत्रीले २४ वर्षपछि पहिलो पटक आफ्नो देश माथिबाट देखेपछि उडान अवतरण गर्ने क्रममा आफू भावुक भएको बताइन् । अन्तराष्ट्रिय मुम्बई एयरपोर्टबाट निस्कने क्रममा उनको आँखामा आँसु थियो र उनी फर्किदा निकै छोएको महसुस गरिरहेकी थिइन् ।
ममताले आफ्नो पोस्टमा आफू एक विशेष कारणले भारत आएको बताएकी छिन् । अभिनेत्रीले क्याप्सनमा लेखेकी छिन्, ‘२५ वर्षपछि मातृभूमिमा फर्किएँ, १२ वर्षको तपस्यापछि २०१२ को कुम्भ मेलामा सहभागी भएँ र ठीक १२ वर्षपछि अर्को महाकुम्भ २०२५ मा फर्कदै छु ।’
ममता कुलकर्णीले आफ्नो करियरमा अक्षय कुमारदेखि सलमान खानसम्म धेरै ठूला स्टारसँग काम गरिसकेकी छिन् । उनका फिल्मको सूचीमा ‘वक्त हमारा है’, करण अर्जुन, सब से बडा खिलाडी, आन्दोलन र बाजीलगायत सुपरहिट चलचित्र दिएकी थिइन् ।
ममताको पछिल्लो फिल्म सन् २००० मा रिलिज भएको थियो । ममता कुलकर्णीसँग पनि धेरै विवादहरु जोडिएका थिए । उनीमाथि लागुऔषध तस्करीको आरोप लागेको थियो । यसमा उनका श्रीमानको नाम पनि देखियो । यो घटनापछि अभिनेत्री बलिउडबाट टाढा भइन् । जो २५ बर्ष पछि मुम्बइमा देखा परिन् ।
