काठमाडौँ । अल्लु अर्जुनको फिल्म ‘पुष्पा २: द रुल’ ले रिलिज हुने बित्तिकै बक्स अफिसमा राज गर्न थालेको छ । पहिलो दिन फिल्मले ठूलो पर्दामा ल्याएको सुनामीका करण बलिवुडका अहिलेसम्मका सबै रेकर्ड ध्वस्त भएका छन् । ‘पुष्पा २’ ले पहिलो दिनमै भारतीय बक्स अफिसमा १७५ करोड कमाई गरेको छ । सुकुमार निर्देशित ‘पुष्पा २’ ले साउथ सिनेमामा मात्रै नभई देशकै सबैभन्दा धेरै ओपनिङ गर्ने फिल्मको कीर्तिमान बनाएको छ ।

बुधबार अबेर राति प्रिमियर भएको फिल्मले करिब १०.१ करोड कमाएको थियो । त्यसपछि बिहीबार भारतका सिनेमा हलमा फिल्म रिलिज भयो, जसका कारण ‘पुष्पा २’ ले १६५ करोड भारु कमाएको छ ।

यो १६५ करोडमध्ये ‘पुष्पा २’ ले हिन्दीमा ६७ करोड कमाएको छ, जसमा हरेक हिन्दी फिल्मको ओपनिङ कलेक्सनलाई पछि पारेको छ । योसँगै यसले तेलुगुमा ८५ करोड, तमिलमा ७ करोड, कन्नडमा १ करोड र मलायालममा ५ करोड रुपैयाँको ठूलो कलेक्सन गरेको छ । योसँगै ‘पुष्पा २’ को ओपनिङ बक्स अफिस कलेक्सन १७५.१ करोड पुगेको छ ।

१७५.१ करोडको कलेक्सनसँगै ‘पुष्पा २’ भारतमा अहिलेसम्मकै सबैभन्दा ठूलो ओपनिङ गर्ने फिल्म बनेको छ । यसले यसअघि आरआरआरको १३३ करोड, ‘कल्की २८९८ एडी’ ११४ करोड, ‘बाहुबली २’ को १२१ करोड र ‘केजीएफ २’ को १३४.५ करोडलाई पछि पारेको छ । सुकुमारको फिल्म पहिलो दिन १५० करोड कमाउने पहिलो भारतीय फिल्म पनि हो ।

साथै, ‘पुष्पा २’ पहिलो फिल्म हो जसले हिन्दी  (६७ करोड)  र तेलुगु (८५ करोड) दुवैमा ५० करोडभन्दा बढी कमाएको छ । योसँगै ६७ करोड रुपैयाँमा ‘पुष्पा २’ ले हिन्दी भाषामा पनि सबैभन्दा ठूलो ओपनिङ गर्ने कीर्तिमान बनाएको छ । यसले ‘जवान’ को ओपनिङ ६५।५ करोडले पछाडी पारेको थियो ।