भक्तपुर । भक्तपुरमा घरायसी विवादको क्रममा बुबाले चक्कु प्रहार गर्दा छोराको मृत्यु भएको छ । भक्तपुर नगरपालिका २ सहिद स्मृति खेल मैदान नजिकै अछाम कमलनगर नगरपालिका ६ हात्तिबाचका ३१ वर्षीय नरेन्द्र बहादुर शाहीलाई उनका ६३ वर्षीय बुबा दिप बहादुर शाहीले तरकारी काट्ने चक्कुले प्रहार गरेका थिए ।
गएराति भएको घटनामा नरेन्द्र गम्भीर घाइते भएका थिए । घाइते नरेन्द्रलाई उपचारका लागि भक्तपुर अस्पताल लगिएको थियो । तर, उपचारकै क्रममा उनको गएराति मृत्यु भएको भक्तपुर जिल्ला प्रहरी परिसरले जनाएको छ । मृतकको शव पोष्टमार्टमका लागि काठमाडौं मेडिकल कलेज दुवाकोटमा राखिएको छ ।
प्रहरीले घटनामा संलग्न उनका बुबा दिप बहादुरलाई नियन्त्रणमा लिई थप अनुसन्धान गरिरहेको जानकारी दिएको छ । अपराधको कारण पारिवारिक विवाद रहेको अनुमान गरिएपनि घटना सम्बन्धमा विस्तृत अनुसन्धान जारी छ ।
