मेष ( चु, चे, चो, ला, लि, लु, ले, लो, अ )
साताको प्रारम्भमा कार्यक्षेत्रमा संघर्ष गर्नुपर्ला । नयाँ कार्य पाउन गाह्रो हुनेछ । शत्रुहरू बढ्नेछन् । साताको मध्यमा आर्थिक पक्ष सबल रहनुको साथै नयाँ कार्य प्रारम्भ हुनेछ । साझेदारी व्यापारबाट लाभ मिल्ला । जीवन साथीको साथ र सहयोग मिल्नेछ । साताको अन्तिममा आध्यात्मिक क्षेत्रतिर झुकाव रहनेछ । आकस्मिक धन हानिका योग छन् । स्वास्थ्यलाई लिएर चिन्ता रहनेछ । विद्यार्थीहरूलाई पठन पाठनमा मन लाग्नेछ ।

वृष ( इ, उ, ए, ओ, वा, वि, वु, वे, वो )
साताको प्रारम्भमा सन्तान पक्षबाट शुभ सूचना मिल्नेछ । कार्य क्षेत्रमा भावनामा बगेर निर्णय नलिनुहोला । साताको मध्यमा प्रतियोगी परीक्षामा सफलता मिल्नेछ । राज्य पक्षबाट सहयोग मिल्नेछ । पेटको समस्याले सताउन सक्छ । साताको अन्तिममा व्यापार व्यवसायमा लाभ रहनेछ । जीवन साथीसँग मनोरञ्जनात्मक पल बित्नेछ । विद्यार्थीहरूलाई कला वा साहित्यको क्षेत्रमा सफलता मिल्नेछ ।

मिथुन ( का, कि, कु, घ, ङ, छ, के, को, हा )
साताको प्रारम्भ आफन्तहरूको साथमा रमाइलो समय बित्नेछ । माताको स्वास्थ्यलाई लिएर चिन्ता रहनेछ । नयाँ कामको थालनीमा उपयुक्त समयको परीक्षा गर्नुहोला । साताको मध्यमा कार्यक्षेत्रमा अप्ठ्यारा कार्यहरू सुल्झाउनमा सफलता मिल्नेछ । आयस्रोत बढ्नेछ । शिक्षाको क्षेत्रमा नयाँ कीर्तिमान प्राप्त गराउन सकिनेछ । साताको अन्तिममा राज्यपक्ष र प्रशासनिक क्षेत्रमा भनेजस्तो सफलता हात नलाग्ला । नयाँ नोकरीमा सफलता मिल्नेछ । विश्वास पात्रबाट धोका मिल्न सक्छ ।

कर्कट ( हि, हु, हे, हो, डा, डि, डु, डे, डो )
साताको प्रारम्भमा परिस्थितिले गर्दा अध्ययनमा बाधा आउनेछ । बोलीको प्रभावले कार्यक्षेत्रमा विपरीत परिस्थितिलाई सम्हाल्न सक्नुहुनेछ । साताको मध्यमा आत्मविश्वासमा वृद्धि हुनेछ । घर परिवारमा आफूभन्दा सानाको सहयोग मिल्नेछ । रोकिएका काम बन्नाले नयाँ कामतर्फ अग्रसर हुन सक्नुहुनेछ । साताको अन्तिममा नोकरी वा पेशामा चुनौतीपूर्ण कार्यको वहन गर्नुपर्ला । आयस्रोत बढ्नुको साथै खर्च पनि बढ्नेछ । खानपानमा विशेष ध्यान राख्नुहोला ।

सिंह ( मा, मि, मु, मे, मो, टा, टि, टु, टे )
साताको प्रारम्भमा सामाजिक मान सम्मान बढ्नेछ । कार्य क्षेत्रमा नयाँ कार्य मिल्नेछ । व्यापार व्यवसायमा मनग्य लाभ मिल्नेछ । साताको मध्यमा पुरानो कुरालाई लिएर घरपरिवारमा मनमुटाव हुन सक्ला । बोलीले गर्दा बनिरहेको काममा बाधा आउनेछ । सन्तानको प्रगतिको चिन्ता रहनेछ । साताको अन्तिममा नयाँ कार्य थालनीको लागि उपयुक्त समय रहेको छ । कार्य क्षेत्रमा मेहनतको मूल्यांकन मिल्नेछ । धैर्य र पराक्रमा वृद्धि हुनेछ ।

कन्या ( टो, पा, पि, पु, ष, ण, ठ, पे, पो )
साताको प्रारम्भमा मानसिक परेशानी रहनेछ । शत्रुहरू हावी हुनेछन् । आफूलाई मौसमी बिमारीदेखि बचाउनुहोस् । साताको मध्यमा धर्म कर्ममा रुचि बढ्नेछ । गृहणिहरूले सौन्दर्य सामानमा धन खर्च गर्नेछन् । सामाजिक दायित्व निर्वहन सफलतापूर्वक गर्नाले प्रतिष्ठित व्यक्तिहरूबाट प्रशंसा पाइनेछ । साताको अन्तिममा सञ्चित धनमा वृद्धि हुनुको साथै आयस्रोत बढाउनको लागि नयाँ अवसरहरू मिल्नेछन् । विद्यार्थीहरूलाई अध्ययन अध्यापनमा राम्रो सफलता मिल्नेछ ।

तुला ( रा, रि, रु, रे, रो, ता, ति, तु, ते )
साताको प्रारम्भ सफलतादायक रहनेछ । आकस्मिक धन लाभ हुनेछ । नोकरी वा पेशामा उच्च पदस्थ अधिकारीहरूको सहायता मिल्नाले अप्ठ्यारो काम समयमा सम्पादन हुनेछ । साताको मध्यमा वैदेशिक रोजगारबाट लाभ मिल्नेछ । विद्यार्थीहरूलाई उच्च शिक्षाको लागि नयाँ अवसरहरू मिल्नेछ । साताको अन्तिममा कार्य क्षेत्रमा हजुरको निर्णयको प्रशंसा हुनेछ । उद्योग र व्यापारमा थप लगानीबाट लाभ पाउन सकिनेछ । पुलिस प्रशासनिक क्षेत्रमा पदोन्नतिका योग छन्।

वृश्चिक ( तो, ना, नि, नु, ने, नो, या, यि, यु )
साताको प्रारम्भ लाभदायक रहनेछ । पिताको साथ सहयोगले नयाँ कार्य प्रारम्भ गर्नमा सफलता मिल्नेछ । आँटेको कार्य सम्पादन हुनेछ । साताको मध्यमा शेयर बजारबाट मनग्य लाभ मिल्ला । रोकिएको धन लिन सफल भइएला । भविष्यको लागि विशेष जग बसाउन सकिनेछ । साताको अन्तिममा विद्यार्थीहरूलाई आफ्नो प्रतिभाको प्रदर्शन गर्ने अवसर मिल्नेछ । शिक्षाको क्षेत्रमा शिक्षकको साथ मिल्नेछ । वैदेशिक यात्राको अवसर मिल्नेछ ।

धनु ( ये, यो, भा, भि, भु, धा, फा, ढा, भे )
साताको प्रारम्भमा आध्यात्मिक क्षेत्रबाट लाभ मिल्नेछ । कार्य क्षेत्रमा भविष्यलाई लिएर नयाँ रूपरेखा कोरिनेछ । व्यापार व्यवसायमा लाभ रहनेछ । साताको मध्यमा नोकरी वा पेशामा अधिकारीहरूबाट साथ सहयोग मिल्नेछ । कार्य क्षेत्रमा नयाँ कार्य प्रारम्भ हुनेछ। व्यवसायिक दृष्टिकोणले समय अनुकुल रहेको छ । साताको अन्तिममा सामाजिक कामको जिम्मेवारी प्राप्त हुनेछ आर्थिक दृष्टिमा सुधार हुनेछ । घरमा सुख समृद्धि बढ्नेछ ।

मकर ( भो,जा,जि,जु,जे,जो,ख,खि,खु,खे,खो,गा,गि )
साताको प्रारम्भ अलि कष्टदायी रहनेछ। स्वास्थ्यलाई लिएर चिन्ता रहनेछ । यात्रा कष्टदायी रहनेछ । विदेशतिर बसोबास गर्नेहरूबाट कुनै शुभ सूचना सुन्न मिल्ला । साताको मध्यमा उर्जाले भरपुर रहनु हुनेछ । पुराना इष्टमित्रसँगको भेटघाट एवं प्रसन्नताले मन उत्साहित रहनेछ । विद्यार्थीहरूलाई ज्ञानमा वृद्धि हुनेछ । साताको अन्तिममा कार्यक्षेत्रमा राम्रो सफलता मिल्नेछ । व्यापार व्यवसायमा लाभ रहनुको साथै प्रतिष्ठित कार्य प्रारम्भ गर्नमा सफलता पाइनेछ ।

कुम्भ ( गु, गे, गो, सा, सि, सु, से, सो, दा )
कुम्भ राशिहरूको लागि साताको प्रारम्भ लाभदायी रहनेछ । व्यापार व्यवसायमा लाभ मिल्नेछ साथै नयाँ मित्रहरूबाट रोकिएको कार्य प्रारम्भ हुनेछ । साताको मध्यमा चिताएको कार्य समयमा सम्पादन गर्नमा बाधा आउनेछ । अवसरवादीहरूबाट सावधान रहनुहोस् । कार्य क्षेत्रमा लगनशीलताको परिचय दिनुहोस् । साताको अन्तिममा स्वास्थ्यलाई लिएर चिन्तामुक्त रहनुहुनेछ । मठ मन्दिर वा देवालयमा भ्रमणका योग छन् । भगवान सूर्यलाई अर्र्घ्य दिएर दिनको प्रारम्भ गर्नुहोस् सकारात्मक ऊर्जा प्राप्त हुनेछ ।

मीन ( दि, दु, थ, झ, ञ, दे, दो, चा, चि )
साताको प्रारम्भमा कार्यक्षेत्रमा संघर्ष अनुरूप फलको प्राप्ति नहोला । पैसाको लेनदेन गर्नमा जोगीनुहोस् । परीक्षाहरूमा सफलता पाइनेछ । साताको मध्यमा उद्योग जगतबाट नँया कीर्तिमान स्थापित गर्न सकिनेछ । आयआर्जनका स्रोतहरू बढ्नेछन् । साताको अन्तिममा सवारी साधनमा धन खर्चका योग छन् । चिसोबाट जोगीनुहोस् । रोग प्रतिरोधात्मक क्षमता बढाउनको लागि पौष्टिक भोजनको सेवन गर्नुहोस् ।