बाँके । बाँकेको कोहलपुर नगरपालिका १२ मा करेन्ट लागेर एक किशोरको मृत्यु भएको छ । मंगलबार दिउँसो रक्षा मध्यवती सामुदायिक वनमा रूखमा घाँस काट्ने क्रममा करेन्ट लाग्दा १४ वर्षीय किशोरको मृत्यु भएको हो ।
विद्युतको हाइटेन्सन लाइनबाट करेन्ट लाग्दा सोही ठाउँका सन्तोष प्रसाद अर्यालका १४ वर्षीय छोरा सन्दिप अर्याल गम्भीर घाइते भएका थिए ।
उनलाई उपचारका लागि मेडिकल कलेज, कोहलपुर लगिएको थियो, तर उपचारका क्रममा उनको मृत्यु भएको प्रहरीले जनाएको छ । प्रहरीले घटना सम्बन्धी आवश्यक अनुसन्धान जारी राखेको जनाएको छ ।
