काठमाडौं,

नेपाल प्रहरीले जानकारी केन्द्रलाइ बताए अनुशार शंखरापुर नगरपालिका–१४ साँखु ईन्द्रायणी चोकबाट काठमाडौं असन बस्ने काभ्रे शिसाखानी–५ का ३० वर्षीय विनोद दंगाललाई भिओआइपी कल वाइपासका सामानहरु अवैध रुपमा ओसारपसार गरिरहेको अवस्थामा आइतबार प्रहरीले पक्राउ गरेको छ ।
उनले बा.१ ज ७५५६ नम्बरको भाडाको ट्याक्सीमा लुकाइछिपाई लैजाँदै गरेको भिओआइपी कल वाईपासका सामानहरु सिम राख्ने पोर्ट २ थान, टि.पि. लिङकको राउटर १ थान, इन्भर्टर १ थान, क्राउन मार्क लेखेको मनिटर १ थान, माइक्रो स्मार्ट किवोर्ड १ थान, माइक्रो स्मार्ट लेखेको सिपीयु १ थान, व्याट्री १ थान, मोडेम २ थान, पेनड्राईभ १ थान, मोबाईल ३ थान, प्रयोग नभएको एनसेल सिम ३ थान, प्रयोग भएका एनसेल सिम २ थान र नगद १ लाख फेला पारी उनले चलाएको बा.३७ प ७३०५ नम्बरको मोटरसाइकल सहित उनलाई प्रहरीले पक्राउ गरेको हो ।