जितेन्द्र यादव नवलपरासी, असोज १०

नवलपरासीको मध्यविन्दु नगरपालिका ७ चोरमारा जंगलमा सोमबार दिउंसो भएको सवारी दुर्घटनामा एक जनाको ज्यान गएको छ भने ६ गम्भीर घाइते भएका छन् । पूर्वबाट पश्चिम जाँदै गरेको लु १ ख ६९३३ नम्बरको बस अनियन्त्रित भई रोकिराखेको ना ४ ख ५०१० नम्बरको ट्रकसँग ठक्कर खाएको हो । दुर्घटनामा बारा जिल्लाको तेराकट्टी बस्ने २५ बर्षीय संदिप शर्माको घटना स्थलमा नै मृत्यु भएको ईलाका प्रहरी कार्यालय कावासोतीले जानकारी दिएको छ । दुर्घटनामा परि घाईते हुनेहरुमा वेनिमणिपुर सर्दी निवासी ६ बर्षीय खेमबहादुर चौधरी, दुम्किबास ५ निवासी ४८ बर्षीय रपा परियार, अर्घाखाँचीका २५ बर्षीय दिनेश मरासिनी, चितवनको भरतपुर उप महानगरपालिका निवासी २६ बर्षीय सलिना गरुङ र रुपन्देहीको खैरहनी निवासी ३१ बर्षीय अनिता सुनार रहेका छन् । घाईतेहरुको भरतपुरमा उपचार भईरहेको छ । बस र ट्रक चालक प्रहरी नियन्त्रणमा रहेको छ ।