आईसीसी टी–२० विश्वकप : सुपर–८ मा आज दुई महत्वपूर्ण खेल हुँदै

जानकारी केन्द्र — Sun, 22 Feb 2026 03:38:32 +0000

काठमाडौं । आईसीसी टी–२० विश्वकप क्रिकेटअन्तर्गत सुपर–८ चरणका दुई रोमाञ्चक खेल आज हुँदैछन्।
पहिलो खेलमा श्रीलंका र इंग्ल्यान्ड आमनेसामने हुनेछन्। इंग्ल्यान्ड समूह ‘सी’बाट तीन जित र एक हारसहित उपविजेता बन्दै सुपर–८ मा प्रवेश गरेका हुन् । यस्तै, श्रीलंका समूह ‘बी’बाट समान तीन जित र एक हारका साथ उपविजेता बन्दै अघिल्लो चरण पार गरेको हो। दुवै टोलीबीचको खेल दिउँसो ३:१५ बजे सुरु हुनेछ।
आजै हुने दोस्रो खेलमा साविक विजेता भारत र अघिल्लो संस्करणको उपविजेता दक्षिण अफ्रिका बीच प्रतिस्पर्धा हुनेछ। यो खेल साँझ ७:१५ बजे सुरु हुनेछ। भारत समूह ‘ए’को विजेता बनेको हो भने दक्षिण अफ्रिका समूह ‘डी’को शीर्ष स्थानमा रहँदै सुपर–८ मा पुगेको हो। दुवै टोली समूह चरणमा अपराजित रहन सफल भएका थिए।
शनिबारदेखि सुरु भएको सुपर–८ चरणको पहिलो खेल वर्षाले प्रभावित बनेको थियो। उक्त खेलमा न्युजिल्याण्ड र पाकिस्तानले अंक बाँडेका थिए।
२० राष्ट्र सहभागी प्रतियोगिताबाट आयोजक भारत र श्रीलंकासहित जिम्बावे, वेस्ट इन्डिज, दक्षिण अफ्रिका, पाकिस्तान, इंग्ल्यान्ड र न्युजिल्यान्ड सुपर–८ मा पुगेका छन्।
सुपर–८ को समूह विभाजनअनुसार समूह ‘१’ मा भारत, दक्षिण अफ्रिका, वेस्ट इन्डिज र जिम्बावे रहेका छन् भने समूह ‘२’ मा इंग्ल्यान्ड, न्युजिल्यान्ड, पाकिस्तान र श्रीलंका रहेका छन्।

The post आईसीसी टी–२० विश्वकप : सुपर–८ मा आज दुई महत्वपूर्ण खेल हुँदै appeared first on Jankari Kendra.

आईसीसी टी–२० विश्वकप Archives - Jankari Kendra

आईसीसी टी–२० विश्वकप : सुपर–८ मा आज दुई महत्वपूर्ण खेल हुँदै