निर्वाचन अवधिभर मदिरा बिक्रिमा रोक

जानकारी केन्द्र — Thu, 26 Feb 2026 07:21:30 +0000

काठमाडौँ । सरकारले फागुन २१ गते हुने मतदानलाई लक्षित गर्दै आजदेखि निर्वाचन अवधिभर मदिरा बिक्रि वितरण तथा सेवनमा प्रतिबन्ध लगाएको छ । उच्चस्तरिय निर्वाचन सुरक्षा समितिको निर्णयअनुसार मतदान मितिभन्दा सात दिनअघि लागू हुने व्यवस्था बमोजिम यो रोक अन्तिम मतपरिणाम सार्वजनिक नभएसम्म कायम रहनेछ ।
निर्वाचनलाई स्वच्छ,निष्पक्ष र भयरहित वातावरणमा सम्पन्न गर्न यस्तो निर्णय गरिएको जनाइएको छ । फागुन १८ गते राति १२ बजेदेखि चुनावी प्रचारप्रसार पूर्ण रुपमा बन्द गरिने बताइएको छ भने आचारसंहिता कडाइका साथ लागू हुनेछ ।
त्यस्तै,फागुन २० गते १२ बजेदेखि मतदान सम्पन्न नभएसम्म अत्यावश्यक सेवा तथा पास प्राप्त सवारीसाधनबाहेक अन्य सार्वजनिक र निजी सवारी सञ्चालनमा रोक लगाइने जनाइएको छ । एम्बुलेन्स,दमकल,शववाहन,सुरक्षा निकाय,विद्युत,खानेपानी र दूरसञ्चार मर्मतका सवारीसाधनलाई भने सञ्चालन अनुमति दिइने सरकारले बताएको छ ।
सरकारले आम नागरिकलाई नियमको पालना गर्दै शान्तिपूर्ण रुपमा मतदानमा सहभागी हुन आग्रह गरेको छ ।

The post निर्वाचन अवधिभर मदिरा बिक्रिमा रोक appeared first on Jankari Kendra.

निर्वाचन अवधि Archives - Jankari Kendra

निर्वाचन अवधिभर मदिरा बिक्रिमा रोक