तरलता नियन्त्रण गर्न राष्ट्र बैँकले १ खर्ब २५ अर्ब रुपैँया निक्षेप संकलन गर्ने

जानकारी केन्द्र — Fri, 10 Apr 2026 08:24:19 +0000

काठमाडौँ । नेपाल राष्ट्र बैँकले वित्तीय प्रणालीमा देखिएको उच्च तरलता व्यवस्थापन गर्न आज १ खर्ब रुपैँया बराबरको निक्षेप उठाउने भएको छ । केन्द्रीय बैँकले निक्षेप संकलन उपकरणमार्फत बजारबाट रकम तान्ने योजना अघि सारेको हो ।
हाल बैँक तथा वित्तिय संस्थामा पर्याप्त निक्षेप रहे पनि कर्जा प्रवाह भने उल्लेखनीय रुपमा बढ्न सकेको छैन । आर्थिक गतिविधि अपेक्षा अनुसार नबढ्दा बजारमा नगद मौज्दात उच्च नै रहेको देखिएको छ ।
बोलकबोल प्रक्रियामा ‘क’ ‘ख’ र ग वर्गका बैँक तथा वित्तीय संस्थालाई मात्र सहभागी हुन दिइनेछ । प्रस्तावित ब्याजदर मध्ये कम प्रस्ताव गर्ने संस्थालाई प्राथमिकतामा राखेर रकम बाँडफाँड गरिने राष्ट्र बैँकले जनाएको छ ।
यो प्रक्रिया अनलाइनमार्फत सञ्चालन हुनेछ र संकलित रकमको सावाँ तथा ब्याज २०८३ वैशाख २ गते भुक्तानी गरिनेछ । न्यूनतम बोल रकम १० करोड रुपैयाँ तोकिएको छ भने अधिकतम सीम ५ करोड रुपैँयाका गुणकमा कायम गरिएको छ ।

The post तरलता नियन्त्रण गर्न राष्ट्र बैँकले १ खर्ब २५ अर्ब रुपैँया निक्षेप संकलन गर्ने appeared first on Jankari Kendra.

अधिक तरलता व्यवस्थापन गर्न राष्ट्र बैंकले ३० अर्ब रुपैयाँ तान्दै

जानकारी केन्द्र — Sun, 22 Feb 2026 06:21:59 +0000

काठमाडौं । नेपाल राष्ट्र बैंकले बैंकिङ प्रणालीमा देखिएको अधिक तरलता व्यवस्थापन गर्न आज ३० अर्ब रुपैयाँ बजारबाट झिक्ने भएको छ। केन्द्रीय बैंकले ‘निक्षेप संकलन’ नामक अल्पकालीन उपकरणमार्फत ८७ दिनका लागि उक्त रकम तान्न लागेको जनाएको छ।
राष्ट्र बैंकका अनुसार अनलाइन बिडिङ प्रणालीमार्फत आज मध्यान्ह ३ बजेसम्म बोलकबोल गर्न सकिनेछ। बैंक तथा वित्तीय संस्थाले प्रतिस्पर्धात्मक ब्याजदर उल्लेख गर्दै आवेदन दिन सक्नेछन्।
इच्छुक संस्थाले न्यूनतम १० करोड रुपैयाँदेखि अधिकतम आह्वान गरिएको कुल रकमसम्म आवेदन दिन पाउनेछन्। आवेदन रकम ५ करोड रुपैयाँले भाग गर्दा निःशेष भाग जाने गरी हुनुपर्ने व्यवस्था गरिएको छ।
यस निक्षेप संकलन उपकरणको साँवा तथा ब्याज भुक्तानी २०८३ जेठ ६ गते गरिनेछ। राष्ट्र बैंकले तरलता तान्दा अल्पकालीन ब्याजदर स्थिर राख्न र वित्तीय प्रणालीमा सन्तुलन कायम गर्न सहयोग पुग्ने अपेक्षा गरेको छ।
राष्ट्र बैंकबाट इजाजत प्राप्त ‘क’, ‘ख’ र ‘ग’ वर्गका बैंक तथा वित्तीय संस्थाले मात्र उक्त प्रक्रियामा सहभागिता जनाउन सक्नेछन्। हाल बैंकिङ प्रणालीमा अधिक तरलता देखिएकाले केन्द्रीय बैंकले नियमित रूपमा यस्ता उपकरण प्रयोग गर्दै आएको छ।

The post अधिक तरलता व्यवस्थापन गर्न राष्ट्र बैंकले ३० अर्ब रुपैयाँ तान्दै appeared first on Jankari Kendra.

नेपाल राष्ट्र बैंक Archives - Jankari Kendra

तरलता नियन्त्रण गर्न राष्ट्र बैँकले १ खर्ब २५ अर्ब रुपैँया निक्षेप संकलन गर्ने

अधिक तरलता व्यवस्थापन गर्न राष्ट्र बैंकले ३० अर्ब रुपैयाँ तान्दै