भुजुङ्ग हाइड्रोपावरको आईपीओमा आजदेखि आवेदन दिन सकिने

जानकारी केन्द्र — Mon, 26 Jan 2026 05:46:31 +0000

काठमाडौं । भुजुङ्ग हाइड्रोपावर लिमिटेडले आजदेखि सर्वसाधारणका लागि साधारण सेयर (आईपीओ) निष्कासन गरेको छ । कम्पनीले जारी पुँजी १ अर्ब रुपैयाँको २० प्रतिशत अर्थात २० करोड रुपैयाँ बराबरको २० लाख कित्ता सेयर निष्कासन गरेको हो ।
यसमध्ये १० लाख कित्ता आयोजना प्रभावित क्षेत्रका स्थानीयका लागि, १ लाख कित्ता साधारण समूहका लागि छुट्याइएको छ ।यस्तै, कम्पनीका कर्मचारीका लागि २० हजार कित्ता र सामूहिक लगानी कोषका लागि ५० हजार कित्ता सेयर निष्कासन गरिएको छ । बाँकी ८ करोड ३० लाख रुपैयाँ बराबरको ८ लाख ३० हजार कित्ता सेयर सर्वसाधारणका लागि खुला गरिएको हो ।
आईपीओमा न्यूनतम १० कित्तादेखि अधिकतम ५० हजार कित्तासम्म आवेदन दिन सकिनेछ । आवेदन माघ १५ गतेसम्म दिन सकिने र सो अवधिमा माग अनुसार आवेदन नपरेमा माघ २६ गतेसम्म म्याद थपिने कम्पनीले जनाएको छ ।
आईपीओ निष्कासन तथा बिक्री प्रबन्धक कुमारी क्यापिटल लिमिटेड रहेको छ । लगानीकर्ताले धितोपत्र बोर्डबाट अनुमति प्राप्त सी–आश्वा सदस्य बैंक तथा वित्तीय संस्था र ‘मेरो सेयर’ प्रणालीमार्फत आवेदन दिन सक्नेछन् ।

The post भुजुङ्ग हाइड्रोपावरको आईपीओमा आजदेखि आवेदन दिन सकिने appeared first on Jankari Kendra.

भुजुङ्ग हाइड्रोपावरको आईपीओ आजदेखि खुला

जानकारी केन्द्र — Thu, 18 Dec 2025 06:42:47 +0000

काठमाडौं । भुजुङ्ग हाइड्रोपावर कम्पनी लिमिटेडले आजदेखि साधारण सेयर (आईपीओ) निष्कासन गरेको छ। कम्पनीले पहिलो चरणमा आयोजना प्रभावित क्षेत्रका स्थानीय बासिन्दा तथा श्रम स्वीकृति लिएर वैदेशिक रोजगारीमा रहेका नेपालीका लागि आईपीओ खुला गरेको हो।
कम्पनीले जारी पुँजी १ अर्ब रुपैयाँको २० प्रतिशत अर्थात २० करोड रुपैयाँ बराबरको २० लाख कित्ता सेयर निष्कासन गर्न लागेको छ। प्रतिकित्ता १०० रुपैयाँका दरले १० करोड रुपैयाँ बराबरको १० लाख कित्ता सेयर आयोजना प्रभावित क्षेत्रका स्थानीयका लागि छुट्याइएको छ।
स्थानीयतर्फ छुट्याइएको सेयरमध्ये ६० प्रतिशत अर्थात ६ लाख कित्ता प्रत्यक्ष प्रभावित लमजुङ जिल्लाको क्व्होलासोथार गाउँपालिका–४ का बासिन्दाका लागि राखिएको छ भने बाँकी ४० प्रतिशत अर्थात ४ लाख कित्ता अप्रत्यक्ष प्रभावित सोही गाउँपालिकाका वडा नं. १, २, ३, ५, ६, ७, ८ र ९ का स्थानीयका लागि छुट्याइएको छ।
यस्तै, सर्वसाधारण समूहअन्तर्गत श्रम स्वीकृति लिएर वैदेशिक रोजगारीमा रहेका नेपालीका लागि प्रतिकित्ता १०० रुपैयाँका दरले १ करोड रुपैयाँ बराबरको १ लाख कित्ता साधारण सेयर निष्कासन गरिएको छ।
आईपीओमा न्यूनतम १० कित्तादेखि अधिकतम ५० हजार कित्तासम्म आवेदन दिन सकिनेछ। आयोजना प्रभावित क्षेत्रका स्थानीयले पुस १७ गतेसम्म आवेदन दिन सक्नेछन्। सो अवधिमा मागअनुसार आवेदन नपरेको खण्डमा माघ २ गतेसम्म म्याद थप गरिनेछ।
वैदेशिक रोजगारीमा रहेका नेपालीले पुस ७ गतेसम्म आवेदन दिन सक्नेछन्। सो अवधिमा माग पूरा नभएमा पुस १७ गतेसम्म आवेदन खुला रहनेछ।
आईपीओका लागि स्थानीय आवेदकले क्व्होलासोथार गाउँपालिका–४ को कार्यालय, गाउँपालिकाको केन्द्रीय कार्यालय, कुमारी बैंक, सानिमा बैंक, प्रभु बैंक, माछापुच्छ्रे बैंकको बेसीशहर शाखा तथा भुजुङ्ग हाइड्रोपावरको सामाखुशी, काठमाडौँस्थित रजिस्टर्ड कार्यालयबाट आवेदन दिन सक्नेछन्।
यस्तै, वैदेशिक रोजगारीमा रहेका नेपालीले नेपाल धितोपत्र बोर्डबाट सी–आश्वा सदस्यता लिएका बैंक तथा वित्तीय संस्था र ‘मेरो सेयर’ प्रणालीमार्फत आवेदन दिन सक्नेछन्। कम्पनीको आईपीओ बिक्री प्रबन्धक कुमारी क्यापिटल लिमिटेड रहेको छ।

The post भुजुङ्ग हाइड्रोपावरको आईपीओ आजदेखि खुला appeared first on Jankari Kendra.

भुजुङ्ग हाइड्रोपावर Archives - Jankari Kendra

भुजुङ्ग हाइड्रोपावरको आईपीओमा आजदेखि आवेदन दिन सकिने

भुजुङ्ग हाइड्रोपावरको आईपीओ आजदेखि खुला