हरेक कक्षाकोठामा सिर्जनशीलताको प्रयोग : अंग्रेजी भाषा शिक्षणको भविष्यबारे क्षेत्रीय संवाद आयोजना

जानकारी केन्द्र — Wed, 22 Jul 2026 10:27:06 +0000

काठमाडौं । ब्रिटिस काउन्सिलको आयोजनामा हुन लागेको अनलाइन सम्मेलनमा सिर्जनशीलता, समावेशिता र प्रविधिमार्फत विद्यार्थीहरुलाई बदलिदो विश्व परिवेशमा कसरी सक्षम बनाउन सकिन्छ भन्ने बिषयमा सम्वादका लागि दक्षिण एसियाका विभिन्न देशमा शिक्षाको क्षेत्र काम गरिरहेका अग्रणी व्यक्तित्वहरुलाई एकै मञ्चमा सहभागी गराइदैछ । सम्मेलनमा निशुल्क रुपमा सहभागी हुने व्यवस्था गरिएको बताइएको छ ।
ब्रिटिस काउन्सिलले ‘साउथ एसिया टिचिङ इङलिस अनलाइन कन्फ्रेन्स २०२६’ आयोजना गर्ने भएको छ । तीन दिनसम्म सञ्चालन हुने यस अनलाइन सम्मेलनमा दक्षिण एसियाका शिक्षक, अनुसन्धानकर्ता तथा शिक्षा क्षेत्रका विज्ञहरुको सहभागितामा विश्व परिवेशमा विद्यार्थीलाई सफलतापूर्वक अघि बढ्न उनीहरुलाई चाहिने सिर्जनशीलता, त्यसका लागि आवश्यक क्षमता तथा प्रभावकारी सञ्चार सीपलाई विद्यालयहरुले कसरी विकास गर्न सक्छन् भन्ने अहिलेको एक अहम् सवालमा बहस गर्न लागिएको हो ।
सम्मेलन २३–२५ जुलाई २०२६ मा हुँदैछ । दक्षिण एसियाका शैक्षिक प्रणालीले पाठ्यक्रमका अपेक्षा, प्रभावकारी मूल्याङ्कनको महत्व तथा विद्यार्थीको बदलिँदो आवश्यकताबीच सन्तुलन कायम गर्नुपर्ने चुनौतीको पृष्ठभूमिमा सम्मेलन गर्न लागिएको जनाइएको छ ।
अझै पनि शैक्षिक र प्राज्ञिक तथा व्यवसायिक अवसरमा अंग्रेजी भाषा पहुँचको महत्वपूर्ण माध्यम भएपनि शिक्षा क्षेत्रमा क्रियाशील व्यक्ति र संस्थाहरु भाषाको सिकाइमा मात्र सीमित नभई आलोचनात्मक सोच, आपसी सहकार्य, विद्यार्थीको स्वःक्षमता (एजेन्सी) र सहभागिता तथा सिकाइप्रतिको स्वामित्व विकास गर्ने शैक्षिक पद्धतिलाई अपनाउनेतर्फ अग्रसर छन् ।
यस्तो पृष्ठभूमिमा सम्मेलनले बंगलादेश, भारत, नेपाल, पाकिस्तान र श्रीलंकाका विज्ञहरुलाई एकै थलोमा भेला गरेर सिर्जनशीलतालाई प्रभावकारी सिकाइको एक मुख्य आधारका रुपमा कसरी प्रयोग गर्न सकिन्छ भन्ने विषयमा अन्तरक्रिया गराउन लागेको बताइएको छ ।
विविध भाषिक पृष्ठभूमिका विद्यार्थी अध्ययनरत कक्षाकोठालाई थप समावेशी कसरी बनाउन सकिन्छ, नवप्रवर्तनमुखी शिक्षण पद्धतिमार्फत उनीहरुको आवाजलाई कसरी सशक्त बनाउन सकिन्छ तथा कृत्रिम बुद्धिमत्ता एआई जस्ता नवीनतम प्रविधिलाई मानव केन्द्रित शिक्षण विधिको विकल्प भन्दा पूरकका रुपमा कसरी उपयोग गर्न सकिन्छ भन्ने विषय लगायत सवालमा केन्द्रित रहेर सम्वाद हुनेछ ।
सम्मेलनका क्रममा मुख्य प्रस्तुति, प्रचलित अभ्यासमा आधारित छलफल तथा कक्षाकोठाका अनुभवसहितको सन्दर्भ सामाग्री र असल अभ्यासमार्फत सहभागीहरुले दक्षिण एसियाको साझा चुनौतीलाई आफ्नो स्थानीय सन्दर्भ अनुसार शिक्षा क्षेत्रका ...

The post हरेक कक्षाकोठामा सिर्जनशीलताको प्रयोग : अंग्रेजी भाषा शिक्षणको भविष्यबारे क्षेत्रीय संवाद आयोजना appeared first on Jankari Kendra.

साउथ एसिया टिचिङ इङलिस अनलाइन कन्फ्रेन्स २०२६ Archives - Jankari Kendra

हरेक कक्षाकोठामा सिर्जनशीलताको प्रयोग : अंग्रेजी भाषा शिक्षणको भविष्यबारे क्षेत्रीय संवाद आयोजना