fresh news Archives - Jankari Kendra

सुनको मूल्यले नयाँ ऐतिहासिक रेकर्ड कायम, एकैदिन तोलामा १० हजार ४०० रुपैयाँले वृद्धि

जानकारी केन्द्र — Wed, 21 Jan 2026 06:17:40 +0000

काठमाडौं । नेपाली बजारमा आज सुनको मूल्यले नयाँ ऐतिहासिक रेकर्ड कायम गरेको छ। नेपाल सुनचाँदी व्यवसायी महासंघका अनुसार बुधबार छापावाल सुन तोलामा १० हजार ४ सय रुपैयाँले बढेर २ लाख ९५ हजार १०० रुपैयाँमा कारोबार भईरहेको छ । यो मूल्य हालसम्मकै उच्च हो । मंगलबार छापावाल सुन तोलामा २ लाख ८४ हजार ७ सय रुपैयाँ कारोबार भएको थियो।
यस्तै बुधबार चाँदीको मूल्य पनि बढेको छ । मंगलबार तोलामा ५ हजार ८ सय ८० रुपैयाँ कायम भएको चाँदीको मूल्य बुधबार बढेर ५ हजार ९ सय २० रुपैयाँ कायम भएको महासंघको भनाइ छ । महासंघका अनुसार बुधबार प्रति १० ग्राम सुनको मूल्य २ लाख ५३ हजार रुपैयाँ र प्रति १० ग्राम चाँदीको मूल्य ५ हजार ७६ रुपैयाँमा कारोबार भईरहेको छ ।

The post सुनको मूल्यले नयाँ ऐतिहासिक रेकर्ड कायम, एकैदिन तोलामा १० हजार ४०० रुपैयाँले वृद्धि appeared first on Jankari Kendra.

काठमाडौं महानगरको मेयरबाट बालेनले दिए राजीनामा

जानकारी केन्द्र — Sun, 18 Jan 2026 09:58:14 +0000

काठमाडौं । काठमाडौं महानगरपालिका प्रमुख बालेन्द्र शाहले पदबाट राजीनामा दिएका छन् । बालेनले आज पदबाट राजीनामा दिएका हुन् ।
राष्ट्रिय स्वतन्त्र पार्टी (रास्वपा) का वरिष्ठ नेतासमेत रहेका बालेन आज (आइतबार) औपचारिक रुपमा पार्टी प्रवेश गर्ने कार्यक्रम रहेको छ । रास्वपाको केन्द्रीय कार्यालय घण्टीघरमा बालेनको लागि कार्यकक्ष तयार भएको पनि स्रोतले बतायो ।
आसन्न फागुन २१ गते हुन लागेको प्रतिनिधिसभा सदस्य निर्वाचनमा बालेनले झापा–५ बाट उम्मेदवारी दिने तयारी गरेका छन् । प्रतिनिधिसभा सदस्य निर्वाचनको उम्मेदवार बन्नका लागि उनले मेयर पदबाट राजीनामा दिएका हुन् ।

The post काठमाडौं महानगरको मेयरबाट बालेनले दिए राजीनामा appeared first on Jankari Kendra.

काठमाडौंका विभिन्न स्थानमा आज ३ घण्टा विद्युत् अबरुद्ध हुने

जानकारी केन्द्र — Sat, 17 Jan 2026 03:05:16 +0000

काठमाडौं । नेपाल विद्युत् प्राधिकरणले आज काठमाडौंका विभिन्न स्थानमा बिजुली कटौती गर्ने भएको छ। प्राधिकरणका अनुसार महाराजगञ्ज वितरण केन्द्र मातहतका क्षेत्रमा बिहान ११ बजेदेखि अपराह्न २ बजेसम्म बिजुली आपूर्ति बन्द रहनेछ।
काठमाडौं उपत्यका मध्य तथा उत्तर वितरण प्रणाली सुदृढीकरण आयोजनाअन्तर्गत राष्ट्रपति भवन शितल निवासको वितरण प्रणाली भूमिगत गर्ने कार्य भइरहेको र भूमिगत केबलमा प्राविधिक उपकरण जडान गर्नुपर्ने भएकाले बिजुली कटौती गर्न लागिएको प्राधिकरणले जनाएको छ।
पानीपोखरी फिडर अन्तर्गत साङ्ग्रिला होटल अगाडि, लाजिम्पाट, पानीपोखरीका विभिन्न क्षेत्र, महाराजगञ्ज तथा त्रिभुवन विश्वविद्यालय शिक्षण अस्पताल आसपासका क्षेत्रमा सो अवधिमा बिजुली कटौती हुनेछ।
यस्तै, राष्ट्रपति भवन, नेपाल प्रहरीको केन्द्रीय अनुसन्धान ब्यूरो, नेपाल प्रहरी अस्पताल, बालुवाटार, चुनदेवी र पञ्चकन्या आसपासका क्षेत्रमा पनि बिहान ११ बजेदेखि अपराह्न २ बजेसम्म बिजुली नआउने प्राधिकरणले जनाएको छ।
प्राधिकरणले बिजुली कटौतीबाट पर्न सक्ने असुविधाप्रति क्षमा माग्दै तोकिएको कार्य समयअगावै सम्पन्न भएमा निर्धारित समयभन्दा पहिले नै बिजुली आपूर्ति हुन सक्ने स्पष्ट पारेको छ।

The post काठमाडौंका विभिन्न स्थानमा आज ३ घण्टा विद्युत् अबरुद्ध हुने appeared first on Jankari Kendra.

नेपालमा कन्टेन्ट खोज्ने प्रमुख प्लेटफर्मको रूपमा लोकप्रिय बन्दै टिकटक

जानकारी केन्द्र — Fri, 09 Jan 2026 07:55:58 +0000

काठमाडौं । आज टिकटकको ‘सर्च’ फिचर कन्टेन्टहरू खोज्ने एक प्रभावशाली माध्यमका रूपमा स्थापित हुँदै गएको छ। यसमार्फत नयाँ आइडियाहरू खोज्न, व्यवहारिक सीपहरू सिक्न, प्रेरणाहरू लिन तथा आफ्नै संस्कृति, भाषा र दैनिक जीवनसँग सम्बन्धित सामग्रीसँग जोडिन लाखौँ प्रयोगकर्ताहरू टिकटक प्रयोग गरिरहेका छन्।
आजभोलि प्रयोगकर्ताहरू टिकटकलाई कुनै विषय छिटो र दृश्यात्मक रूपमा बुझ्न भिडियो–फर्स्ट सर्च इञ्जिनका रूपमा प्रयोग गर्न थालेका छन्। परीक्षाको तयारीदेखि यात्रा योजना बनाउने, ताजा समाचार बुझ्ने वा नयाँ सीप सिक्ने जस्ता विषयमा छोटा भिडियोमार्फत वास्तविक समयमै जानकारी खोज्न टिकटक प्रयोग भइरहेको छ। यसले प्रयोगकर्ताको क्रियटरहरूले बनाउने वास्तविक अनुभवमा आधारित र बुझ्न सजिलो कन्टेन्टहरूप्रति बढ्दो रुचिलाई झल्काउँछ।
नेपालमा टिकटक अब केवल मनोरञ्जनको प्लेटफर्म मात्र रहेन। ‘सर्च’ फिचरमार्फत टिकटक जिज्ञासा र व्यवहारिक उपयोगमा आधारित एक गतिशील, दृश्यात्मक खोज अनुभव बनेको छ। पछिल्लो एक वर्षमा शिक्षा, संस्कृति, खाना, यात्रा, सौन्दर्य, जीवनशैली, ब्रेकिंग न्युजको व्याख्या तथा दैनिक जीवनमा आइपर्ने विषयहरूमा “हाउ टु” जस्ता सर्चहरू उल्लेखनीय रूपमा बढेको छ। यसले मानिसहरू टिकटकलाई सिक्न, बुझ्न र आपसमा सम्बन्ध बढाउन प्रयोग गरिरहेका छन् भन्ने देखाउँछ।
नेपालको टिकटक कम्युनिटीले वास्तविक जीवनसँग सम्बन्धित प्रश्नहरूको उत्तर खोज्ने कार्य अभूतपूर्व गतिमा बढाइरहेको छ। पछिल्लो वर्ष #LearnOnTikTok, #TravelTok, #BookTok, #FoodTok लगायतका लोकप्रिय ह्यासट्यागसँग सम्बन्धित सर्चहरू उल्लेखनीय रूपमा बढेका छन्। नेपाली प्रयोगकर्ताहरू आफ्ना रुचि र जिज्ञासासँग मेल खाने सामग्री खोज्न टिकटकतर्फ झन् आकर्षित हुँदै गएका छन्।
“नेपालमा हाम्रो कम्युनिटीले कुनै पनि विषयले के-कसरी काम गर्छ भनेर बुझ्न, छिटो जानकारी पाउन वा वास्तविक मानिसहरूबाट प्रेरणा लिन टिकटक ‘सर्च’लाई स्वाभाविक सुरुवाती बिन्दुका रूपमा प्रयोग गरिरहेको छ,” टिकटक दक्षिण एशियाका कन्टेन्ट अपरेशन्स लिड उमैस नवीदले भने। “टिकटकलाई विशेष बनाउने कुरा यसको समुदायको प्रामाणिकता पनि हो। यहाँको सामग्री मानवीय, व्यवहारिक र वास्तविक अनुभवमा आधारित हुन्छ, जसले ‘सर्च’लाई जानकारी मात्र होइन, विश्वासिलो दृष्टिकोणसँग जोडिने स्थान पनि बनाएको छ।”
सुरक्षासहितको खोज अनुभव: टिकटकका सर्च इन्टरभेन्सनहरू
टिकटक ‘सर्च’को प्रयोग बढ्दै जाँदा, टिकटकले प्रयोगकर्ताहरूले सुरक्षित र जिम्मेवार तरिकाले कन्टेन्ट खोज्न सकून् भन्ने आफ्नो प्रतिबद्धतालाई थप मजबुत ...

The post नेपालमा कन्टेन्ट खोज्ने प्रमुख प्लेटफर्मको रूपमा लोकप्रिय बन्दै टिकटक appeared first on Jankari Kendra.

सुनको मुल्य प्रतितोला दुई हजार एक सयले बढ्यो ,कतिमा हुँदैछ कारोबार ?

जानकारी केन्द्र — Fri, 09 Jan 2026 05:38:55 +0000

काठमाडौं । शुक्रबार सुनको मुल्य प्रतितोला दुई हजार एक सय रुपैयाँले बढेको छ । नेपाल सुनचाँदी व्यवसायी महासंघका अनुसार सुनको मुल्य प्रतितोला २ लाख ६७ हजार ८ सय रुपैयाँमा कारोबार भईरहेको छ । बिहिबार प्रतितोला २ लाख ६५ हजार ७ सय रुपैयाँमा कारोबार भएको थियो ।
यता, चाँदीको मुल्य भने घटेको छ । प्रतितोला ५५ रुपैयाँले चाँदीको मुल्य घटेको हो । बिहिबार प्रतितोला ४ हजार ८ सय ३५ रुपैयाँमा कारोबार भएको चाँदीको मुल्य आज ४ हजार ७ सय ८० रुपैयाँमा कारोबार भईरहेको महासंघले जनाएको छ ।

The post सुनको मुल्य प्रतितोला दुई हजार एक सयले बढ्यो ,कतिमा हुँदैछ कारोबार ? appeared first on Jankari Kendra.

सुनको मूल्यमा गिरावट,चाँदीको मूल्य भने हालसम्मकै उच्च : कतिमा हुँदैछ कारोबार ?

जानकारी केन्द्र — Wed, 07 Jan 2026 07:40:37 +0000

काठमाडौं । नेपाली बजारमा बुधबार सुनको मूल्य घटेको छ । नेपाल सुनचाँदी व्यवसायी महासंघका अनुसार आज छापावाला सुन तोलाको ४ सय रुपैयाँले घटेर २ लाख ६७ हजार ७ सय रुपैयाँमा कारोबार भईरहेको छ । मंगलबार सुन तोलाको २ लाख ६८ हजार १०० रुपैयाँमा कारोबार भएको थियो ।
त्यस्तै, चाँदीको मूल्य भने बढेको छ । मंगलबार तोलाको ४ हजार ८ सय ८० रुपैयाँमा कारोबार भएको चाँदी बुधबार बढेर ४ हजार ९ सय ३५ रुपैयाँ पुगेको महासंघले जनाएको छ । चाँदीको मूल्य यो हालसम्मकै उच्च हो । महासंघका अनुसार बुधबार प्रति १० ग्राम सुनको मूल्य २ लाख २९ हजार ५१० रुपैयाँ र प्रति १० ग्राम चाँदीको मूल्य ४ हजार २३१ रुपैयाँमा कारोबार भईरहेको छ ।

The post सुनको मूल्यमा गिरावट,चाँदीको मूल्य भने हालसम्मकै उच्च : कतिमा हुँदैछ कारोबार ? appeared first on Jankari Kendra.

नेपाल टेलिकमले सुरु गर्यो जीएसएम प्रिपेड ग्राहकहरुका लागि अनलाइन केवाईसी अपडेट परीक्षण

जानकारी केन्द्र — Wed, 07 Jan 2026 07:16:43 +0000

काठमाडौं । नेपाल टेलिकमले जीएसएम प्रिपेड सिमकार्ड प्रयोगकर्ता ग्राहकहरुको कम्पनीमा रहेको ग्राहक विवरण क्युआर कोडबाट लिंक प्राप्त गरी अपडेट गर्न सकिने कार्यको परीक्षण शुभारम्भ गरेको छ । हाल दूरसञ्चार कार्यालय, सुन्धाराबाट यसको परीक्षण सुरु गरिएको हो ।
सो सम्बन्धी परीक्षण कार्यको शुभारम्भ नेपाल टेलिकमका प्रमुख व्यावसायिक अधिकृत गंगा सागर मातन्छे र प्रादेशिक निर्देशनालय काठमाडौं, बागमती प्रदेशका निर्देशक इन्दल यादवले संयुक्त रुपमा गरे । सो अवसरमा प्रमुख व्यावसायिक अधिकृत मातन्छेले नेपाल टेलिकमको सेवालाई ग्राहकमैत्री बनाउनमा यसले भुमिका खेल्ने अपेक्षा गरे ।
प्रादेशिक निर्देशनालय काठमाडौं, बागमती प्रदेशका निर्देशक इन्दल यादवले थोरै समयमा धेरै कार्य सम्पन्न हुन गई कम्पनीको उत्पादकत्वमा समेत प्रभाव पर्ने विश्वास व्यक्त गरे भने दूरसञ्चार कार्यालय, सुन्धाराका कार्यालय प्रमुख निर्मल चटौतले डिजिटल रुपान्तरण, पेपरलेस वर्क र डाटा अद्यावधिक कार्य गर्नका लागि यसले सहयोग पुग्ने अपेक्षा गरे ।
यस अनुसार हाल आफ्नो नाम वा अन्य विवरण सच्याउनु पर्ने अवस्था भएका ग्राहकहरुले ग्राहक सेवा केन्द्रमा रहेको क्युआर कोड स्क्यान गरी आवश्यक विवरण भर्न सक्नेछन् । सो विवरणको आधारमा नेपाल टेलिकमको सिस्टमले ग्राहकको विवरण प्रमाणित गरी अद्यावधिक गर्नेछ ।
हाल पहिलो चरणको परीक्षणको क्रममा क्युआर कोडबाट स्क्यान गर्न सकिने अवस्था भएको र भविष्यमा नेपाल टेलिकमको वेबसाइट वा एपबाट समेत ग्राहक विवरण भर्न सकिने व्यवस्था हुनेछ ।
पहिलो चरणमा दूरसञ्चार कार्यालय, सुन्धाराबाट परीक्षण प्रारम्भ गरिएको र सो परीक्षणको सफलता पश्चात क्रमशः काठमाडौं उपत्यकाका अन्य कार्यालय र उपत्यका वाहिरका कार्यालयहरुमा समेत यो सुविधा उपलब्ध हुनेछ ।

The post नेपाल टेलिकमले सुरु गर्यो जीएसएम प्रिपेड ग्राहकहरुका लागि अनलाइन केवाईसी अपडेट परीक्षण appeared first on Jankari Kendra.

राष्ट्रियसभा सदस्यको उम्मेदवारी मनोनयन आज

जानकारी केन्द्र — Wed, 07 Jan 2026 04:14:24 +0000

काठमाडौं । राष्ट्रियसभा सदस्य निर्वाचनका लागि आज देशभर उम्मेदवारहरुको मनोनयन हुने भएको छ । निर्वाचन आयोगले आगामी माघ ११ गतेका लागि राष्ट्रियसभा सदस्य निर्वाचन गर्दैछ । राष्ट्रियसभामा रिक्त हुने कूल १८ सदस्यका लागि निर्वाचन हुन लागेको हो ।
आयोगले यसअघि यही पुस १९ गते मतदाता नामावली प्रकाशन गरिसकेको छ । यस्तै, मङ्गलबार मतदाता नामावलीमा कुनै दावी विरोध भए नभएको यकिन गरी अन्तिम मतदाता नामावली पनि सार्वजनिक गरिसकेको छ । आज बिहान १० बजेदेखि दिउँसो ३ बजेसम्म उम्मेदवारको मनोनयन पत्र दर्ता गर्ने कार्यक्रम रहेको आयोगले जनाएको छ ।
आयोगका अनुसार यही पुस २४ गते उम्मेदवारको विरोधमा उजुरी दिने, पुस २७ गते उम्मेदवारले चाहेमा नाम फिर्ता लिने र सोही दिन दिउँसो अन्तिम नामावली प्रकाशन गर्ने कार्यक्रम छ ।
साथै यही पुस २८ गते उम्मेदवारलाई निर्वाचन चिन्ह प्रदान गरिनेछ । आगामी माघ ११ गते बिहान ९ बजेदेखि दिउँसो ३ बजेसम्म मतदान हुने गरी तोकिएको छ । राष्ट्रियसभामा आगामी फागुन २० गतेदेखि १८ सदस्यको पद रिक्त हुँदैछ । आयोगले राष्ट्रिय जनगणना, २०७८ अनुसार मतदाता र मतभार सार्वजनिक गरिसकेको छ । राष्ट्रियसभा सदस्य निर्वाचनमा प्रदेशसभा र स्थानीय तहका प्रमुख एवम् उपप्रमुख, अध्यक्ष र उपाध्यक्ष मतदाता छन् ।

The post राष्ट्रियसभा सदस्यको उम्मेदवारी मनोनयन आज appeared first on Jankari Kendra.

अब नेपालीले विदेशमा २० हजार डलरसम्म लगानी गर्न पाउने

जानकारी केन्द्र — Wed, 07 Jan 2026 04:04:04 +0000

काठमाडौं । नेपाल राष्ट्र बैंकले ‘विदेशी लगानी तथा विदेशी ऋण व्यवस्थापन विनियमावली, २०७८’ मा संशोधन गर्दै नेपाली व्यक्ति, फर्म तथा कम्पनीलाई विदेशमा अमेरिकी डलर २० हजारसम्म लगानी गर्न अनुमति दिएको छ ।
केन्द्रीय बैंकले मंगलबार संशोधित विनियमावली लागू गर्न सूचना जारी गरेसँगै यो व्यवस्था कार्यान्वयनमा आएको हो । नयाँ व्यवस्था अनुसार २० हजार डलरसम्मको लगानीका लागि यसअघिका कडा प्रक्रियागत व्यवस्थाले बाधा नपुर्‍याउने उल्लेख गरिएको छ ।
यस संशोधनले विदेशी लगानी भित्र्याउने प्रक्रिया पनि सरल बनाएको छ । अब विदेशी लगानीअघि गरिने सम्भाव्यता अध्ययन तथा पूर्व सञ्चालन खर्च (चुक्ता पुँजीको ३ प्रतिशतसम्म) का लागि राष्ट्र बैंकको पूर्वस्वीकृति आवश्यक पर्ने छैन ।
यस्तै, सूचना प्रविधि (आईटी) क्षेत्रका उद्योगहरूले आफ्नो निर्यात आम्दानीको आधारमा १० लाख डलरसम्म विदेशमा लगानी गर्न सटही सुविधा पाउने विशेष व्यवस्था समेत गरिएको छ ।
राष्ट्र बैंकका अनुसार विदेशी मुद्रा भित्र्याउने र बाहिर लैजाने प्रक्रियामा रहेका कानुनी जटिलता हटाई आर्थिक गतिविधि सहज बनाउने उद्देश्यले यो व्यवस्था गरिएको हो । यससँगै साना तथा मध्यम स्तरका नेपाली लगानीकर्ताहरूलाई विदेशमा व्यवसाय तथा लगानी विस्तार गर्ने अवसर खुलेको छ ।

The post अब नेपालीले विदेशमा २० हजार डलरसम्म लगानी गर्न पाउने appeared first on Jankari Kendra.

लण्डनमा ठगिन थाले नेपाली, सचेत रहन बेलायतस्थित नेपाली दूतावासको आग्रह

जानकारी केन्द्र — Mon, 05 Jan 2026 10:19:43 +0000

काठमाडौं । बेलायतमा ‘वर्क परमिट’ दिलाइदिने बहानामा ठगीका घटना बढेको भन्दै सचेत रहन लण्डनस्थित नेपाली दूतावासले आग्रह गरेको छ । दूतावासले एक विज्ञप्ति जारी गर्दै कामका लागि प्रायोजक खोजिदिने बहानामा नेपालीहरू ठगीमा परेका गुनासो बढेकाले ठगीबाट बच्न आग्रह गरेको हो ।
ठगीमा परेको गुनासो गर्नेहरूमा नेपालबाट बेलायत आउन चाहनेहरुको सङ्ख्या धेरै रहेको दुतावासले जनाएको छ । कतिपय बेलायतमै रहेका तर कामको खोजी गरिरहेका नेपाली समेत ठगीमा परेको गुनासो बढिरहेको दूतावासले जनाएको छ ।
“ठगी गर्नेहरू कतिपय नेपाली मूलका व्यक्तिहरू नै रहेको बुझिएको छ भने चिनेजानेकै नेपालीहरूमार्फत तेश्रो मुलुकका व्यक्तिहरूसँगको सम्पर्कमा पुगी ठगीमा परेकाहरूको गुनासो पनि आएको छ”, विज्ञप्तिमा उल्लेख छ ।
यस्ता अपराधहरू नेपाल र बेलायत दुवै मुलुकमा दण्डनीय हुने हुनाले समस्या परेको खण्डमा नेपालका अनुसन्धान गर्ने निकायहरू तथा बेलायतमा रहेका स्थानीय प्रहरी एवं नेशनल एण्टी फ्रड नेटवर्क (एक्सन फ्रड) मा उजुरी गर्न समेत दूतावासको सुझाव छ ।
बेलायतका लागि कार्यवाहक नेपाली राजदूत विपिन दुवाडीले प्रमाणसहित आउने पीडितको न्यायको लागि सहजीकरण गर्न दूतावास तयार रहेको बताए । समस्यामा परेका नेपालीलाई दूतावासको इमेल वा ४४–७४०४९३९२७४ मा सम्पर्क गर्न दूतावासले आग्रह गरेको छ ।

The post लण्डनमा ठगिन थाले नेपाली, सचेत रहन बेलायतस्थित नेपाली दूतावासको आग्रह appeared first on Jankari Kendra.

आजको विदेशी मुद्राको विनिमयदर, कुन मुद्रा कतिमा हुँदैछ कारोबार ?

जानकारी केन्द्र — Sun, 04 Jan 2026 03:43:46 +0000

काठमाडौं । नेपाल राष्ट्र बैंकले आज (आइतबार)का लागि विदेशी मुद्राको विनिमयदर निर्धारण गरेको छ । निर्धारित दरअनुसार अमेरिकी डलर एकको खरिददर १४४ रुपैयाँ ०२ पैसा र बिक्रीदर १४४ रुपैयाँ ६२ पैसा तोकिएको छ ।
यस्तै, युरोपियन युरो एकको खरिददर १६८ रुपैयाँ ७९ पैसा र बिक्रीदर १६९ रुपैयाँ ४९ पैसा, युके पाउण्ड स्ट्रलिङ एकको खरिददर १९३ रुपैयाँ ५१ पैसा र बिक्रीदर १९४ रुपैयाँ ३२ पैसा, स्वीस फ्रयाङ्क एकको खरिददर १८१ रुपैयाँ ५३ पैसा र बिक्रीदर १८२ रुपैयाँ २९ पैसा कायम गरिएको छ ।
अष्ट्रेलियन डलर एकको खरिददर ९६ रुपैयाँ ३८ पैसा र बिक्रीदर ९६ रुपैयाँ ७८ पैसा, क्यानेडियन डलर एकको खरिददर १०४ रुपैयाँ ९५ पैसा र बिक्रीदर १०५ रुपैयाँ ३९ पैसा, सिङ्गापुर डलर एकको खरिददर १११ रुपैयाँ ९३ पैसा र बिक्रीदर ११२ रुपैयाँ ४० पैसा तोकिएको छ ।
जापानी येन १० को खरिददर नौ रुपैयाँ १८ पैसा र बिक्रीदर नौ रुपैयाँ २२ पैसा, चिनियाँ युआन एकको खरिददर २० रुपैयाँ ५९ पैसा र बिक्रीदर २० रुपैयाँ ६८ पैसा, साउदी अरेबियन रियाल एकको खरिददर ३८ रुपैयाँ ४० पैसा र बिक्रीदर ३८ रुपैयाँ ५६ पैसा, कतारी रियाल एकको खरिददर ३९ रुपैयाँ ४० पैसा र बिक्रीदर ३९ रुपैयाँ ५७ पैसा कायम भएको छ ।
केन्द्रीय बैंकका अनुसार थाइ भाट एकको खरिददर चार रुपैयाँ ५८ पैसा र बिक्रीदर चार रुपैयाँ ६० पैसा, युएई दिराम एकको खरिददर ३९ रुपैयाँ २१ पैसा र बिक्रीदर ३९ रुपैयाँ ३८ पैसा, मलेसियन रिङ्गेट एकको खरिददर ३५ रुपैयाँ ५३ पैसा र बिक्रीदर ३५ रुपैयाँ ६७ पैसा, साउथ कोरियन वन १०० को खरिददर ९ रुपैयाँ ९६ पैसा र बिक्रीदर १० रुपैयाँ , स्वीडिस क्रोनर एकको खरिददर १५ रुपैयाँ ६० पैसा र बिक्रीदर १५ रुपैयाँ ६७ पैसा र डेनिस क्रोनर एकको खरिददर २२ रुपैयाँ ६० पैसा र बिक्रीदर २२ रुपैयाँ ६९ पैसा तोकिएको छ ।
राष्ट्र बैंकले हङकङ डलर एकको खरिददर १८ रुपैयाँ ४८ पैसा र बिक्रीदर १८ रुपैयाँ ...

The post आजको विदेशी मुद्राको विनिमयदर, कुन मुद्रा कतिमा हुँदैछ कारोबार ? appeared first on Jankari Kendra.

तराईमा हुस्सु र हिमालमा हिमपात : सतर्कता अपनाउन आग्रह

जानकारी केन्द्र — Sun, 04 Jan 2026 02:58:15 +0000

काठमाडौं । आज देशभर पश्चिमी वायूको प्रभाव रहेको छ । जल तथा मौसम विज्ञान मौसम पूर्वानुमान महाशाखाका अनुसार आज दिउँसो तराई भूभागका अधिकांश स्थानमा हुस्सु/कुहिरो रहनेछ।
कोशी प्रदेशका पहाडी तथा हिमाली भागका साथै गण्डकी र कर्णाली प्रदेशका उच्च पहाडी तथा हिमाली भागमा आंशिक बदली रही बाँकी भागमा मौसम सफा रहने महाशाखाद्वारा आज यहाँ जारी विज्ञप्तिमा उल्लेख छ । कोशी, गण्डकी र कर्णाली प्रदेशका उच्च पहाडी तथा हिमाली भागका एकदुई स्थानमा हल्का वर्षा र हिमपातको सम्भावना छ ।
त्यसैगरी महाशाखाले आज राति तराई भागका धेरै स्थानमा कुहिरो लाग्नेछ । कोशी प्रदेशका पहाडी तथा हिमाली भागमा आंशिक बदली रही बाँकी भागमा मौसम सफा रहने जनाएको छ । कोशी, गण्डकी र कर्णाली प्रदेशका उच्च पहाडी तथा हिमाली भागका एकदुई स्थानमा हल्का वर्षा र हिमपातको सम्भावना छ ।
आगामी २४ घण्टामा कोशी, बागमती, गण्डकी र कर्णाली प्रदेश उच्च पहाडी तथा हिमाली भागमा हल्का वर्षा र हिमपातको सम्भावना रहेको साथै तराई भागमा कुहिरोको समेत सम्भावना रहेको छ । यसको प्रभाव रहँदा दैनिक जनजीवन, पर्यटन, स्वास्थ्य तथा सडक यातायातमा आंशिक प्रभाव पर्ने देखिएकाले आवश्यक सतर्कता अपनाउन महाशाखाले अनुरोध गरेको छ ।

The post तराईमा हुस्सु र हिमालमा हिमपात : सतर्कता अपनाउन आग्रह appeared first on Jankari Kendra.

नेपाल विद्युत् प्राधिकरणमा २६० भन्दा बढी पदका लागि आवेदन खुल्यो

जानकारी केन्द्र — Fri, 02 Jan 2026 09:08:54 +0000

काठमाडौं । नेपाल विद्युत् प्राधिकरणले २६० भन्दा बढी कर्मचारी भर्नाका लागि आवेदन खुलाएको छ । प्राधिकरणले अधिकृतदेखि सहायक स्तरसम्मका विभिन्न पदमा दरखास्त आह्वान गरेको हो ।
विज्ञापनअनुसार अधिकृतस्तरका सहनिर्देशकदेखि वातावरणविदसम्म १३२ जना तथा सहायकस्तरका मिटर रिडिङ सुपरभाइजर, सुपरभाइजर र लेखापाल पदमा १३० जनाका लागि आवेदन आह्वान गरिएको छ ।
योग्यता पुगेका इच्छुक उम्मेदवारले माघ १० गतेभित्र अनलाइनमार्फत आवेदन दिन सक्ने प्राधिकरणले जनाएको छ ।
यसैगरी, प्राधिकरणले ज्येष्ठता, कार्यसम्पादन मूल्यांकन र कार्यक्षमता मूल्यांकनका आधारमा हुने बढुवाका लागि पनि विभिन्न पदमा आवेदन खुलाएको जानकारी दिएको छ ।

The post नेपाल विद्युत् प्राधिकरणमा २६० भन्दा बढी पदका लागि आवेदन खुल्यो appeared first on Jankari Kendra.

सुनको मूल्य तोलामा २ हजार ९ सयले बढ्यो, कतिमा हुँदैछ कारोबार ?

जानकारी केन्द्र — Fri, 02 Jan 2026 06:30:11 +0000

काठमाडौं । नेपाली बजारमा शुक्रबार सुनको मूल्यमा उल्लेख्य वृद्धि भएको छ । नेपाल सुनचाँदी व्यवसायी महासंघका अनुसार छापावाल सुनको मूल्य तोलामा २ हजार ९०० रुपैयाँले बढेको हो ।
बिहीबार तोलामा २ लाख ५९ हजार ६०० रुपैयाँ रहेको छापावाल सुनको मूल्य शुक्रबार बढेर तोलामा २ लाख ६२ हजार ५०० रुपैयाँ कायम भएको महासंघले जनाएको छ ।
यसैगरी, चाँदीको मूल्य पनि बढेको छ । बिहीबार तोलामा ४ हजार ४ सय १५ रुपैयाँ रहेको चाँदीको मूल्य शुक्रबार तोलामा ४ हजार ५ सय २५ रुपैयाँमा कारोबार भईरहेको छ ।

The post सुनको मूल्य तोलामा २ हजार ९ सयले बढ्यो, कतिमा हुँदैछ कारोबार ? appeared first on Jankari Kendra.

कालीमाटीमा आज कुन तरकारीको मूल्य कति ?

जानकारी केन्द्र — Fri, 02 Jan 2026 03:31:57 +0000

काठमाडौं । कालीमाटी फलफूल तथा तरकारी बजार विकास समितिले आजका लागि कृषिउपजको थोक मूल्य निर्धारण गरेको छ ।
समितिका अनुसार गोलभेँडा ठूलो (नेपाली) प्रतिकिलो रु १२०, गोलभेँडा ठूलो (भारतीय) प्रतिकिलो रु १२०, गोलभेँडा सानो (लोकल) प्रतिकिलो रु ९०, गोलभेँडा सानो (टनेल) प्रतिकिलो रु ९०, गोलभेँडा सानो (भारतीय) प्रतिकिलो रु १००, गोलभेँडा सानो (तराई) प्रतिकिलो रु १००, आलु रातो प्रतिकिलो रु ३२, आलु रातो (भारतीय) प्रतिकिलो रु २७, प्याज सुकेको (भारतीय) प्रतिकिलो रु ५५ रहेको छ ।
यस्तै, गाजर (लोकल) प्रतिकिलो रु ८०, गाजर (तराई) प्रतिकिलो रु ७०, बन्दा (लोकल) प्रतिकिलो रु ४५, बन्दा (तराई) प्रतिकिलो रु ३५, बन्दा (नरिबल) प्रतिकिलो रु ४०, काउली स्थानीय प्रतिकिलो रु ७०, काउली स्थानीय (ज्यापू) प्रतिकिलो रु ८०, काउली तराई प्रतिकिलो रु ५५, रातो मूला प्रतिकिलो रु ४०, सेतो मूला (लोकल) प्रतिकिलो रु २५, सेतो मूला (हाइब्रिड) प्रतिकिलो रु ३०, भन्टा लाम्चो प्रतिकिलो रु ६०, भन्टा डल्लो प्रतिकिलो रु ७०, मकै बोडी प्रतिकिलो रु ६० कायम भएको छ ।
त्यसैगरी, मटरकोसा प्रतिकिलो रु ९०, घिउ सिमी (लोकल) प्रतिकिलो रु १००, घिउ सिमी (हाइब्रिड) प्रतिकिलो रु ९०, घिउ सिमी (राजमा) प्रतिकिलो रु १५०, टाटे सिमी प्रतिकिलो रु ७०, तिते करेला प्रतिकिलो रु ११०, लौका प्रतिकिलो रु ७०, परबर (तराई) प्रतिकिलो रु १६०, घिरौँला प्रतिकिलो रु ११०, फर्सी पाकेको प्रतिकिलो रु ४०, हरियो फर्सी (लाम्चो) प्रतिकिलो रु ४०, हरियो फर्सी (डल्लो) प्रतिकिलो रु ४०, सलगम प्रतिकिलो ९०, भिन्डी प्रतिकिलो ११०, सखरखण्ड प्रतिकिलो ८०, बरेला प्रतिकिलो रु ६०, पिँडालु प्रतिकिलो रु ९० र स्कुस प्रतिकिलो रु ३० कायम गरिएको छ ।
रायोसाग प्रतिकिलो रु ५०, पालुङ्गो प्रतिकेजी रु ७०, चमसुर प्रतिकिलो रु ८०, तोरीको साग प्रतिकिलो रु ५०, मेथीको साग प्रतिकिलो रु १००, हरियो प्याज प्रतिकिलो रु ६०, बकुला प्रतिकिलो रु ११०, तरुल प्रतिकिलो रु ७०, च्याउ (कन्य) प्रतिकिलो रु १२०, च्याउ (डल्ले) प्रतिकिलो रु ३५० र कुरिलो प्रतिकिलो रु २,२०० निर्धारण ...

The post कालीमाटीमा आज कुन तरकारीको मूल्य कति ? appeared first on Jankari Kendra.