jankari kendra Archives - Jankari Kendra

२०८३ जेठ २४ गते आइतबार, यस्तो रहेको छ तपाईको आजको राशिफल

जानकारी केन्द्र — Sat, 06 Jun 2026 12:20:14 +0000

मेष राशि –
व्यावसायिक काममा फाइदा उठे पनि तत्काल खर्च समेत गर्नुपर्ला । अप्रिय समाचारले मन खिन्न रहला । आफूलाई कमजोर भएको अनुभूति हुनेछ । महत्वाकांक्षी योजना गोप्य राखेर अघि बढ्‌दा फाइदा हुनेछ । काममा परिवारजनको सहयोग जुटाउन सक्दा फाइदा होला । पशुधन र जमिनबाट सामान्य लाभ मिल्नेछ । मातृशक्तिबाट पनि लाभ उठाउन सकिनेछ ।
वृष राशि –
विगतका निर्णयले काम बिग्रन सक्छ । बेसुरमा वचन दिने बानीले दुःख पाइनेछ । मान्यजनको सुझावप्रति विश्वास नलाग्न सक्छ । काममा मातापिताको सहयोग प्राप्त होला । प्रतिष्ठित काम गर्ने मौका छ । अरूलाई प्रभावित पारेर काम लिन सकिने छ । कीर्तिमानी काम सम्पादन होला । दाम, इनाम र प्रतिष्ठा कमाउने बेला छ ।
मिथुन राशि –
गरी आएको कामलाई निरन्तरता दिन सकिनेछ । आश्वासन दिएर झुक्याउनेहरूले सताउनेछन्, सचेत रहनुहोला । विभिन्न सहयोग र उपहार पाइनेछ । आम्दानी बढ्ने र उठ्नुपर्ने रकम हातलागी हुने समय छ । पैत्रिक सम्पत्तिको उपयोगबाट थप लाभहुन सक्छ । नयाँ ज्ञान सिक्ने मौका छ । कृषि तथा पशुपालनमा कम र व्यापारमा प्रशस्त फाइदा हुने देखिन्छ ।
कर्कट राशि –
सुखदुःखमा साथ दिनेहरू प्रशस्तै भेटिनेछन् । कामको चाप र थकाइबाट मुक्त रही विश्राम पाइनेछ । परिवारजनको साथले नयाँ आशा पलाउनेछ । समयमा होश नपुग्नाले खर्च मात्र हुनेछ । प्रलोभन देखाउनेहरूले फसाउन सक्छन् । खर्च गरेर पनि त्यति फाइदा उठाउन नसकिएला । ठूलो प्रयत्न गर्दा पनि उपलब्धि उठाउन मुस्किल पर्नेछ ।
सिंह राशि –
प्रेम र मित्रताको बन्धन कसिनुका साथै दाम्पत्य सुखमा रमाउने समय छ । अतिथिका रूपमा सम्मान पाइने समय छ । रमाइलो यात्राको समेत मौका छ । शुभचिन्तकहरूको सुझावलाई बेवास्ता गर्दा दुःख पाइनेछ । परिवारजनबाट टाढिनुपर्ला । आफ्नै कमजोरीले विवादमा परिनेछ भने स‌द्विचारले अभिप्रेरित हुनेहरूलाई फाइदा हुनेछ ।
कन्या राशि –
बन्धुबान्धव, इष्टमित्रसँग असमझदारी बढ्न सक्छ । न्यून उपलब्धिमा चित्त बुझाउनुपर्ने समय छ । नयाँ काममा हात हाल्न केही समय पर्खदा राम्रो हुनेछ । श्रमको उचित मूल्यांकन हुनेछ । पढाइमा ...

The post २०८३ जेठ २४ गते आइतबार, यस्तो रहेको छ तपाईको आजको राशिफल appeared first on Jankari Kendra.

२०८३ जेठ २३ गते शनिबार, हेर्नुहोस आज कुन राशिलाई कति लाभ ?

जानकारी केन्द्र — Sat, 06 Jun 2026 01:21:58 +0000

मेष राशि –
अनुभवले ज्ञानको दायरा बढ्‌नेछ भने रचनात्मक कामले आम्दानीको दिगो स्रोत जुट्न सक्छ । स्थापित व्यवसाय, कृषिकर्म र उ‌द्योगधन्दालाई निरन्तरता दिन सकिनेछ । बिनाकारण अनेक चुनौती सामना गर्नुपर्ला । आयआर्जनका स्रोत प्रशस्तै भेटिनेछन् । व्यवसायमा सोचेभन्दा बढी सफलता मिल्नेछ।
वृष राशि –
पार्टी, पिकनिक वा खानपान समारोहमा सहभागी भइएला । कर्मयोगमा अभिवृद्धि हुनेछ । पैत्रिक सम्पत्तिमा विवाद आउनुका साथै दाजुभाइमा भागबन्डाको समय छ, व्यवसाय र कृषितर्फ लगनशीलताले ठूलो काम बन्न सक्छ । सहकर्मीहरूसँग प्रतिस्पर्धा बढ्‌नेछ । बिनाकारण आफन्तजनबाट टाढिनुपर्नेछ । मातापिताका बारेमा चिन्ता बढ्नेछ ।
मिथुन राशि –
प्रियजनसँग भेटघाट र प्रसन्नताको समय छ । विभिन्न उपहार समेत पाइएला। आतिथ्यपूर्ण सम्मान पाइनेछ । एक्लोपनाको अनुभूति हुनेछ । राहुको प्रभावले विवाद, धनहानि, लाञ्छना जस्ता समस्या आउन सक्छन् । पारिवारिक असमझदारी, बन्धुबान्धवसँग मनमोटाव र छटपटी बढ्‌ने देखिन्छ । सामाजिक प्रतिष्ठामा कमी आउनेछ ।
कर्कट राशि –
आँटले जटिल कामसमेत सम्पादन हुन सक्छ । आस मारेको काम बन्नाले उत्साह बढ्‌नेछ । वि‌द्यार्थीहरूमा पढाइलेखाइको स्तर खस्कनेछ । पारिवारिक समस्याहरू देखा पर्नेछन् । साझेदारीमा विवाद र पतिपत्नीमा असमझदारी बढ्नेछ । शिक्षा र साझेदारीमा फाइदा हुनेछ । परोपकार र मङ्गलमय काम सम्पादन गरिएला । मानसम्मान पाइनेछ ।
सिंह राशि –
प्रेम र मित्रताको बन्धन कसिलो हुनेछ । रमाइलो यात्राको अवसर जुट्न सक्छ । भ्रमणका बीच मानसम्मान पनि प्राप्त हुने समय छ । पेट र छातीसम्बन्धी समस्याले सताउन सक्छ । विद्यार्थीहरूका लागि अनुकूल समय छ । धेरै रोकिएका काम बन्नेछन् । बौद्धिक कार्यमा सफलता मिल्नुका साथै पढाइमा प्रगति हुनेछ । अतिरिक्त आम्दानी बढ्नेछ ।
कन्या राशि –
तर्कशक्ति बढ्‌नुका साथै बौद्धिक क्षमता प्रदर्शन गर्ने मौका आउला । प्रयत्न गर्दा अध्ययनका लागि विदेशयात्रा सम्भावना छ । नयाँ उ‌द्योग-धन्दाको थालनी गर्न सकिनेछ । समाजसेवा र परोपकारका कार्य गरिनेछ । आयआर्जनको कमीले ठूलो प्रगतिमा बाधा पुग्नेछ । उत्तम रोजगारी, नोकरीमा प्रवेश वा पदोन्नति सम्भावना छ । अनुकूल स्थानान्तरणको पनि योग छ ।
तुला राशि –
सहयोगीहरूको भावनालाई बेवास्ता गर्दा समस्या देखापर्नेछ ...

The post २०८३ जेठ २३ गते शनिबार, हेर्नुहोस आज कुन राशिलाई कति लाभ ? appeared first on Jankari Kendra.

२०८३ जेठ २० गते बुधबार, हेर्नुहोस आज कुन राशिलाई कति लाभ ?

जानकारी केन्द्र — Wed, 03 Jun 2026 00:30:58 +0000

मेष राशि
तपाईले चिताएको काममा सफलता नमिल्न सक्छ, साथीभाइहरु रुष्ट हुनेछन । प्रतिस्पर्धामा केही कमजोर सावित भइएला चिताएको काम पुरा कोष नहुन सक्छ । काममा कठिनाइ सहनु पर्ला होसीयारीपूर्वक काम गर्नु होला, यातायातका साधनबाट पनि जोग्गिनु होला ।
वृष राशि
आजको दिन तपाइको आयआर्जन सन्तोषजनक रहने छ, पारिवारिक समस्या पनि बढ्‌ने देखिन्छ । रुचिका विषयमा लगानी बढाउने समय छ नसोचेको ठाउबाट आम्दानी हुने दिन छ । सहयोगीहरूले काममा साथ दिनेछन्, अनौठो तरिकाबाट रुपैया पैसा प्राप्त हुने दिन रहेको छ ।
मिथुन राशि
काममा जोश जांगर आउनाले मन प्रफुल्ल होला, सेयरबजारका काममा पनि सफलता मिल्न सक्छ । व्यापार-व्यवसायमा लाग्नेहरूलाई विशेष फाइदा होला, आर्थिक लाभ हुने दिन छ । मनोरञ्जनात्मक तरिकाबाट काम बनी मन हर्षित हुनेछ, पुराना साथीभाइ संग पनि भेट होला ।
कर्कट राशि
वादविवादमा पर्न सकिन्छ एकदमै सावधान रहनु होला, अनायसै रुपैयापैसाको पनि क्षती हुने दिन छ । आफ्नै कमजोरीले विवादमा परिने योग छ, सचेत रहनुहोला साथै मनमा पिडाले पनि सताउने छ । परिवारजनमा असमझदारी बढ्‌नेछ, मान्यजन वा अभिभावक वर्ग रुष्ट हुन सक्छन् विचार गर्नु होला ।
सिंह राशि
काम तथा नोकरीमा झमेलाको सामना गनुपर्ने दिन छ, तर ब्यापारमा भने लाभ मिल्ला । कामको सन्दर्भमा प्रतिष्ठित व्यक्तित्वहरूसँग मित्रता बढ्नेछ, मानसम्मान पनि पाइएला । प्रतिष्ठित काम गरेर धेरैको मन लोभ्याउन सकिनेछ । आफ्नो क्षेत्रमा प्रभुत्व जमाउन सकिने छ ।
कन्या राशि
सोचेको काम बन्नाले मन हर्षित हुन्छ, मान्यजनको आगमन पनि हुन सक्छ । स्वादिष्ट भोजनको आनन्द पाइएला । आफन्त र मित्रहरूसँग भेटघाट र रमाइलो गरिने छ । मान-सम्मान बढ्नेछ । सुखको अनुभुति हुनेछ, सन्तान पक्षबाट सुखको समाचार सुन्न पाइने छ ।
तुला राशि
नोकरि तथा राजनितीमा गरेका प्रयासहरु फलदाइ रहनेछन, सामान्यतया दिन ठिकै छ । कला, साहित्य, मनोरञ्जन आदि क्षेत्रमा रुचि बढ्नेछ । पारिवारिक सुखसम्मृद्धिमा बृद्धि हुनेछ । कुनै नयाकामको स्रोत फेला पर्ने दिन छ, जागिरमा भने समस्या देखा पर्ने देखिन्छ ।
वृश्चिक राशि
स्वास्थ्यमा गडबडीको संकेत गर्दैछ, खानपिनमा एकदमै सावधान रहनु होला । सानातिना ...

The post २०८३ जेठ २० गते बुधबार, हेर्नुहोस आज कुन राशिलाई कति लाभ ? appeared first on Jankari Kendra.

२०८३ जेठ १२ गते मंगलबार, हेर्नुहोस आज कुन राशिलाई कति लाभ ?

जानकारी केन्द्र — Tue, 26 May 2026 01:04:33 +0000

मेष राशि–
बन्ने निश्चय भएको काम अचानक बिग्रन सक्छ। लगानी, दौडधुप, श्रम र प्रयत्नको उचित मूल्य नपाइने समय छ। आयआर्जनका स्रोत बढ्नेछन् भने व्यापारमा पनि बढी नै फाइदा हुनेछ । विभिन्न भौतिक साधनहरू जुट्नेछन् र प्रसन्नता पनि मिल्नेछ । आफन्तसँग असमझदारी बढ्न सक्छ । मेहनतले कीर्ति दिलाउनेछ।
वृष राशि–
प्राप्त न्यून उपलब्धिले मन बुझाउन नसकिएला। नयाँ काममा हात हाल्न केही समय पर्खंदा राम्रो हुनेछ। आम्दानी बढ्नेछ भने परिवारजनका आवश्यकता पूरा हुनेछन् । दिगो फाइदाका लागि लगानी बढाउन सकिनेछ । रमाइलो क्षणमा अचानक खिन्नता बढ्ने समय छ । सोचेको लाभ नमिल्न सक्छ ।
मिथुन राशि–
आफ्नो क्षेत्रमा प्रभुत्व जमाउन सकिनेछ। दाम, इनाम र प्रतिष्ठा कमाउने बेला छ। सामाजिक दायित्व बढ्नेछ। बौद्धिक कार्यबाट मनग्य धनलाभ हुनेछ। आफ्नो प्रतिभा धेरैलाई देखाउन सकिनेछ। गुरुजनको विशेष सहयोग जुट्नेछ भने अध्ययनमा प्रगति हुने समय छ। पहिलेको सम्झौता भंग हुन सक्छ।
कर्कट राशि–
भूमि, वाहन र पैत्रिक सम्पत्तिबाट लाभ मिल्नेछ। व्यापारमा पनि प्रशस्त फाइदा हुनेछ। प्रतिष्ठित काम गर्ने मौका छ। अरूलाई प्रभावित पारेर दाम, इनाम र प्रतिष्ठा कमाउने बेला छ। कामले कीर्तिमानी दिलाउने सम्भावना छ । सहयोगीहरूको भरपर्दा चिताएको काम नबन्न सक्छ, सजग रहनुहोला।
सिंह राशि–
भाग्यले सोचेभन्दा बढी नै फाइदा दिलाउन सक्छ। चुनौतीहरू स्वतः हट्नेछन् भने कर्मयोग र आम्दानीले पछ्याउनेछन्। कमजोरीले चिन्ता बढाउन सक्छ । अरूका लागि बुद्धि खर्चनुपर्नेछ। श्रम गरीकन मूल्य प्राप्त नहुने समय छ । स्वास्थ्यमा कमजोरी र उपचारमा खर्च हुने योग छ । मुख्य काममा बाधा हुने देखिन्छ ।
कन्या राशि–
प्रतिस्पर्धामा केही कमजोर सावित भइएला। आफन्तबाट समेत टाढिनुपर्ने समय छ। वैदेशिक क्षेत्रबाट भने सामान्य लाभ लिन सकिनेछ। प्रयत्न गर्दा मौकाको फाइदा लिन सकिनेछ । यात्रामा विशेष लाभ होला। शत्रु र रोगबाट छुटकारा मिल्ने समय छ। परिस्थितिले पनि अप्ठ्यारो मोडमा पुर्याउन सक्छ ।
तुला राशि–
व्यवसायमा लगानी बढाउनुपर्ने समय छ । आम्दानी प्रशस्तै बढ्नेछ । आतिथ्यपूर्ण सम्मान पाइएला। प्रेमको बन्धन कसिने बेला छ। दाम्पत्य जीवन सुखद तथा समृद्ध बन्ने समय छ। प्रतिस्पर्धीहरूले हार खानेछन् भने ईर्ष्या ...

The post २०८३ जेठ १२ गते मंगलबार, हेर्नुहोस आज कुन राशिलाई कति लाभ ? appeared first on Jankari Kendra.

२०८३ जेठ ०६ गते बुधबार, हेर्नुहोस आज कुन राशिलाई कति लाभ ?

जानकारी केन्द्र — Tue, 19 May 2026 13:45:34 +0000

मेष राशि–
अधिकारका लागि केही संघर्ष हुन सक्छ। आँटेका काममा बाधा पुर्याउनेहरू प्रशस्तै हुनेछन्। फजुल खर्च पनि बढ्नेछ। मेहनतले विशेष उपलब्धि आर्जन हुनुका साथै मान-सम्मान समेत प्राप्त हुने समय छ। सहयोगीहरू जुट्नाले उत्साह जाग्नेछ।
वृष राशि–
स्वास्थ्य प्रतिकूल रहे पनि हिम्मतले काम लिनुका साथै भैपरी आउने समस्या सुल्झाउन सकिनेछ। आस मारेको कामले उत्साह जगाउनेछ। प्रयत्न गर्दा लक्ष्यमा पुग्न सकिनेछ। मेहनतले प्रतिस्पर्धाको दौड जिताउन सक्छ। स्वास्थ्यका लागि आहारविहारमा ध्यान पुर्याउनुहोला।
मिथुन राशि–
काम पूरा नभए पनि आंशिक फाइदा हुनेछ। सामाजिक उत्तरदायित्व वहन गर्दै पछि फाइदा हुने काम हात पार्ने मौका छ। प्रतिस्पर्धीहरूले अप्ठ्यारोमा पार्ने प्रयास गर्नेछन्। खर्च बढ्नेछ। परिस्थितिसँग सम्झौता गर्नुपरे पनि प्रतिष्ठा जोगाउन सफल भइनेछ ।
कर्कट राशि–
आयआर्जनका स्रोत बढ्नेछन् र दैनिक काममा पनि राम्रै फाइदा हुनेछ। चिताएको काम बन्नाले प्रसन्नता मिल्नेछ। काममा अवरोध आउन सक्छ। सन्तान वा अनुयायी र मातृशक्तिको सल्लाह, सहयोगले फाइदा हुनेछ ।
सिंह राशि–
कामको चाप र थकाइबाट मुक्त रही विश्राम पाइनेछ। परिवारजनको साथले उत्साह जगाउनेछ। कामका सहयोगीहरू पछि हट्नेछन् भने प्रतिस्पर्धीहरूले सताउन सक्छन्। आफ्ना योजनाहरू गोप्य राख्नुहोला। साथीभाइसँग सन्तुलित व्यवहार गर्नुहोला।
कन्या राशि–
अवसरका लागि जोखिमपूर्ण काममा जुट्नुपर्ने परिस्थिति आउन सक्छ। जिम्मेवारी प्राप्त भए पनि तत्काल फाइदा उठाउन नसकिएला। खानपानको असावधानीले स्वास्थ्य कमजोर बन्ला। पढाइलेखाइमा समय दिन नसकिएला। व्यावसायिक काममा पनि त्यत्ति फाइदा नहोला।
तुला राशि–
मेहनतको फल प्राप्त हुनेछ। परिवारजनका आवश्यकता पूरा हुनेछन्। दिगो फाइदा हुने काममा लगानी गर्ने मौका प्राप्त हुनेछ। शुभचिन्तकहरूको सुझावलाई बेवास्ता गर्दा दुख पाइनेछ। स्थायी सम्पत्तिमा पनि विवाद आउन सक्छ। बेसुरमा वचन दिने बानीले अप्ठ्यारो पार्न सक्छ।
वृश्चिक राशि–
विभिन्न सहयोग तथा उपहार प्राप्त हुने समय छ। आयआर्जन पनि राम्रै हुनेछ। सुखदुःखमा साथ दिनेहरू प्रशस्तै भेटिनेछन्। अरूको मात्र भर पर्नाले आफ्नो महत्वाकांक्षा पूरा नहुन सक्छ। शुभचिन्तकहरूको सुझावलाई बेवास्ता गर्दा दुःख पाइनेछ।
धनु राशि–
प्रेम र मित्रताको बन्धन कसिनुका साथै दाम्पत्य सुखमा रमाउने समय छ। रमाइलो यात्रा गर्ने अवसर जुट्न सकछ । लगनशीलताले प्रतिष्ठित काम गर्ने मौका दिलाउनेछ। बोलीको भरमा महत्वपूर्ण काम सम्पादन हुनेछ।
मकर राशि–
छर–छिमेकमा असमझदारी बढ्ने ...

The post २०८३ जेठ ०६ गते बुधबार, हेर्नुहोस आज कुन राशिलाई कति लाभ ? appeared first on Jankari Kendra.

एसईई नतिजा हेर्ने तरिका सार्वजनिक : एसएमएस, आईभीआर र वेबसाइटमार्फत नतिजा प्राप्त गर्न सकिने

जानकारी केन्द्र — Sun, 10 May 2026 14:31:45 +0000

काठमाडौं । राष्ट्रिय परीक्षा बोर्डअन्तर्गत परीक्षा नियन्त्रण कार्यालय, सानोठिमीले शैक्षिक सत्र २०८२ को माध्यमिक शिक्षा परिक्षा (एसईई) को नतिजा सार्वजनिक गर्ने तयारीसँगै नतिजा हेर्न सकिने विभिन्न माध्यमहरुको विवरण सार्वजनिक गरेको छ ।
कार्यालयले जारी गरेको सुचनाअनुसार नियमित तथा ग्रेडवृद्धि परीक्षाको नतिजा एसएमएस, आइभीआर सेवा तथा विभिन्न वेबसाइटमार्फत प्राप्त गर्न सकिने व्यवस्था गरिएको छ ।
एसएमएस र आईभीआरबाट नतिजा हेर्ने तरिका
परीक्षार्थीहरुले मोबाइलमार्फत एसएमएस पठाएर वा फोन गरेर आफ्नो नतिजा प्राप्त गर्न सक्नेछन् ।
नेपाल टेलिकम : १६०० (SMS, USSD र IVR सेवा)
जानकी टेक्नोलाजी : ३५००१ (SMS सेवा )
एम्ब्सिन गुरु : ३१०६९ (SMS सेवा )
वेबसाइटमार्फत नतिजा हेर्ने सुविधा
इन्टरनेट प्रयोगकर्ताका लागि विस्तृत नतिजा र मार्कसिट हेर्न विभिन्न सरकारी तथा निजी वेबसाइटहरु उपलब्ध गराइएको कार्यालयले जनाएको छ । प्रमुख वेबसाइटहरु निम्नानुसार छन् :
आधिकारीक सरकारी वेबसाइट :
www.see.gov.np
www.neb.gov.np
नेपाल टेलिकम :
www.see.ntc.net.np
अन्य वेबसाइटहरु
www.ekantipur.com
www.see.edusanjal.com
Khalti.App
त्यस्तैगरी निमा एजुकेशन, फोनिक्स एजुकेशन, एम्बिसन गुरु, मेरो स्टडी र इन्द्रेणी टाइम्सका प्लेटफर्महरु
परीक्षा नियन्त्रण कार्यालयले नतिजा सार्वजनिक भएपछि आधिकारिक माध्यमबाट मात्र नतिजा हेर्न तथा अनावश्यक भ्रममा नपर्न विद्यार्थी र अभिभावकलाई आग्रह गरेको छ ।

The post एसईई नतिजा हेर्ने तरिका सार्वजनिक : एसएमएस, आईभीआर र वेबसाइटमार्फत नतिजा प्राप्त गर्न सकिने appeared first on Jankari Kendra.

सहकारीले मुलधनभन्दा बढी ब्याज लिन नपाउने

जानकारी केन्द्र — Sat, 02 May 2026 05:43:21 +0000

काठमाडौं । सहकारी क्षेत्रलाई व्यवस्थित बनाउन सरकारले नयाँ व्यवस्था लागु गरेको छ । अब सरकारी संस्थाहरुले ऋणीबाट लिने ब्याज रकम मुल ऋण (साँवा) भन्दा बढी हुन नपाउने कानुनी प्रावधान ल्याइएको छ ।
सरकारद्वारा जारी सहकारी सम्बन्धि अध्यादेशमा यस्तो व्यवस्था समेटिएको हो । विगतमा केही सरकारीहरुले अत्याधिक ब्याज, जरिवाना र शुल्क थपेर ऋणीहरुलाई आर्थिक रुपमा झन् समस्या पार्दै आएको गुनासो बढेपछि सरकारले यसलाई नियन्तण गर्न कदम चालेको छ ।jan
नयाँ व्यवस्थाअनुसार, कुनै व्यक्तिले सहकारीबाट लिइको ऋणको कुल ब्याज रकम उसले लिएको साँवा रकमभन्दा बढी असुल गर्न पाइने छैन् । उदाहरणका लागि, यदि कसैले एक लाख रुपैयाँ ऋण लिएको छ भने ,समय जति लागे पनि वा अतिरिक्त शुल्क जोडिए पनि उसले ब्याजको रुपैयाँभन्दा बढी तिर्नु पर्ने छैन ।
यस कदमले विशेष गरी निम्न आय भएका ऋणीहरुलाई राहत पुग्ने अपेक्षा गरिएको छ ।

The post सहकारीले मुलधनभन्दा बढी ब्याज लिन नपाउने appeared first on Jankari Kendra.

पश्चिमी, स्थानीय र न्यून चापीय क्षेत्रको प्रभावले देशभर बदली : धेरै स्थानमा वर्षा र हिमपातको सम्भावना

जानकारी केन्द्र — Thu, 30 Apr 2026 02:07:32 +0000

काठमाडौं । हाल नेपालमा पश्चिमी तथा स्थानीय वायुको प्रभावसँगै पूर्वी भूभाग नजिक रहेको न्यून चापीय क्षेत्र सक्रिय रहेको छ। यस प्रणालीका कारण देशका अधिकांश क्षेत्रमा मौसम बदली भएको छ भने केही स्थानमा वर्षा र हिमपातको सम्भावना देखिएको छ।
जल तथा मौसम पूर्वानुमान महाशाखाका अनुसार अहिले कोशी, मधेस, बागमती र गण्डकी प्रदेशका साथै देशका हिमाली र पहाडी भूभागमा सामान्यदेखि पूर्ण बदली रहेको छ। अन्य भूभागमा आंशिक बदली देखिएको छ।
आज दिउँसो कोशी, मधेस, बागमती, गण्डकी र लुम्बिनी प्रदेशसहित कर्णाली र सुदूरपश्चिमका पहाडी तथा हिमाली क्षेत्रमा बदली रहनेछ। यी प्रदेशका धेरै स्थानमा चट्याङ्गसहित मध्यम वर्षा हुने सम्भावना रहेको छ भने उच्च पहाडी तथा हिमाली क्षेत्रमा हिमपातको सम्भावना पनि छ।
विशेषगरी कोशी प्रदेशका पहाडी क्षेत्रमा एक–दुई स्थानमा भारी वर्षा हुन सक्ने जनाइएको छ। त्यस्तै तराईका केही क्षेत्रमा हावाहुरी चल्ने सम्भावना रहेकोले सतर्कता अपनाउन आग्रह गरिएको छ।
आज राति पनि देशका अधिकांश प्रदेशमा बदली कायम रहनेछ। कोशी, मधेस, बागमती र गण्डकीका धेरै स्थान तथा अन्य प्रदेशका केही स्थानमा चट्याङ्गसहित वर्षा र हिमपात हुने सम्भावना महाशाखाले जनाएको छ।

The post पश्चिमी, स्थानीय र न्यून चापीय क्षेत्रको प्रभावले देशभर बदली : धेरै स्थानमा वर्षा र हिमपातको सम्भावना appeared first on Jankari Kendra.

किङलङको नयाँ १६ सिटर भ्यान : सेग्मेन्टमै पहिलो ब्लेड ब्याट्रीसहित नेपालमा सार्वजनिक

जानकारी केन्द्र — Mon, 27 Apr 2026 12:34:44 +0000

काठमाडौं । सीजी मोटर्सले अत्याधुनिक प्रविधि र दमदार प्रदर्शनसहितको किङलङ १६ सिटर इलेक्ट्रिक भ्यान औपचारिक रूपमा सार्वजनिक गरेको छ। यस नयाँ मोडेलले नेपालको व्यवसायिक विद्युतीय सवारी क्षेत्रमा नयाँ मापदण्ड स्थापित गर्ने अपेक्षा गरिएको बताइएको छ।
कम्पनीका अनुसार,लन्च कार्यक्रमका प्रमुख अतिथि वडा नं.३ का वडा अध्यक्ष प्रेम थापाले रिबन काटेर कार्यक्रमको औपचारिक उद्घाटन गरेका थिए । यस १६ सिटर भ्यानको मुख्य विशेषता यसको ७५.४१ किलोवाट आवर ब्लेड ब्याट्री हो भने यो यस सेग्मेन्टमै पहिलो रहेको जनाइएको छ। यो ब्याट्रीले उच्च सुरक्षा, लामो आयु र उत्कृष्ट रेंज प्रदान गर्दै दैनिक सञ्चालनलाई अझ विश्वसनीय बनाउँने बताइएको छ।
यससँगै १२० किलोवाटको शक्तिशाली मोटरले सशक्त परफर्मेन्स सुनिश्चित गर्छ भने आरामदायी र फराकिलो इन्टेरियरले यात्रुहरूको यात्रा अनुभवलाई अझ सहज र सुखद बनाउँने कम्पनीको विश्वास रहेको छ।
किङलङ सन् १९८८ मा चीनको सियामेनमा स्थापना भएको बस तथा कमर्शियल भेहिकल निर्माता कम्पनी रहेको छ। त्यस्तैगरी तीन दशकभन्दा लामो अनुभवसहित कम्पनीले बस, कोच र कमर्शियल भ्यान निर्माणमा विश्व बजारमा आफ्नो उपस्थिति बलियो बनाउँदै आएको बताइएको छ।
सीजी मोटर्सका अनुसार, यो सवारी नेपालमा बढ्दो इको–फ्रेन्डली, सुरक्षित, उच्च क्षमता र किफायती यातायात समाधानको आवश्यकतालाई ध्यानमा राखेर ल्याइनुका साथै नेपालभर किङलङले हालसम्म ५,००० प्लस युनिट बिक्री, २६० प्लस चार्जिङ स्टेशन, २० प्लस सर्भिस स्टेशन र १४ डिलर नेटवर्कमार्फत ग्राहकहरूलाई सेवा दिँदै आएको छ।
नयाँ किंगलङ्ग १६ सिटर रु. ७२ लाख ५० हजारको प्रारम्भिक मूल्यमा उपलब्ध छ भने जसले यातायात व्यवसायी र फ्लीट अपरेटरहरूका लागि आकर्षक विकल्प प्रस्तुत गर्ने जनाइएको छ ।

The post किङलङको नयाँ १६ सिटर भ्यान : सेग्मेन्टमै पहिलो ब्लेड ब्याट्रीसहित नेपालमा सार्वजनिक appeared first on Jankari Kendra.

लाइसेन्स छपाइमा तीव्रता : एक महिनामै ११ लाख लाइसेन्स छापिए

जानकारी केन्द्र — Mon, 27 Apr 2026 09:53:23 +0000

काठमाडौँ । सवारी चालक अनुमति पत्र (लाइसेन्स) छपाइ पछिल्लो समय उल्लेखनीय तीव्रता आएको छ । सुरक्षण मुद्रण केन्द्रले गत एक महिनाको अवधिमा मात्रै करिब ११ लाख लाइसेन्स छापेको जनाएको छ भने जुन यसअघिको पाँच महिनामा छापिएका लाइसेन्सको तुलनामा अत्यन्त उच्च प्रगति हो । यसअघि सोही केन्द्रले पाँच महिनामा जम्मा १ लाख लाइसेन्स मात्र छाप्न सकेको थियो ।
यातायात व्यवस्था विभागसँग भएको सम्झौताअनुसार ६ महिना भित्र १२ लाख लाइसेन्स छाप्ने लक्ष्य राखिएको थियो । केन्द्रका कार्यकारी निर्देशक देवराज ढुंगानाका अनुसार सम्भझौता अनुरुप आवश्यक सबै लाइसेन्स छपाइ समपन्न भइसकेको छ र अहिले छापिएका लाइसेन्सलाई प्याकिंग गर्ने काम जारी छ । त्यस्तैगरी छापिएका लाइसेन्ससम्बन्धी विवरण छिट्टै वेवसाइटमा सार्वजनिक गरिने तयारी भइरहेको उनले जानकारी दिएका छन् ।
सरकारले ट्रायाल पास गरी राजस्व बुझाएको २४ घण्टाभित्र लाइसेन्स छाप्ने नीति सारेपछि छपाइ प्रक्रिया थप तिव्र बनाइएको छ । यसै क्रममा बाँकी रहेका लाइसेन्सहरु पनि असार मसान्तभित्रै छापिसक्ने लक्ष्य राखिएको छ ।

The post लाइसेन्स छपाइमा तीव्रता : एक महिनामै ११ लाख लाइसेन्स छापिए appeared first on Jankari Kendra.

कक्षा १२ को परीक्षा आजदेखि : ४ लाख १८ हजार ८ जना विद्यार्थी सहभागी हुँदै, स्मार्ट घडी र मोबाइल लैजान निषेध

जानकारी केन्द्र — Mon, 27 Apr 2026 01:16:40 +0000

काठमाडौं । यस वर्षको कक्षा १२ को परीक्षा आजबाट सुरु हुँदैछ । परीक्षामा ४ लाख १८ हजार ८ जना विद्यार्थी सहभागी हुँदैछन् । आजबाट सुरु हुने परीक्षामा ५ हजार ३३९ विद्यालयका नियमिततर्फ ३ लाख ३२ हजार १७८ विद्यार्थीले परीक्षा दिँदैछन् ।
जसमध्ये १ लाख ७२,०१२ छात्र र १ लाख ६० हजार १३७ छात्रा र अन्य २९० परीक्षार्थीले सहभागी हुदैछन् । आंशिकतर्फ ५ हजार ८३० परीक्षार्थीहरू सहभागी हुनेछन् । यो वर्ष सबैभन्दा कम मनाङमा ३१ र सबैभन्दा बढी काठमाडौँ जिल्लाबाट ६४ हजार ३३ परीक्षार्थी सहभागी हुदैछन्।
यो वर्ष देशभर १ हजार ४२० र जापानमा १ समेत गरी कूल १ हजार ४२१ परीक्षा केन्द्र कायम गरिएको छ । सबैभन्दा बढी काठमाडौंमा १६१ र सबैभन्दा कम मनाङ र मुस्ताङ जिल्लामा १ –१ केन्द्र निर्धारण गरिएको बोर्डले जनाएको छ ।
प्रदेशगत रुपमा कोशी ६७ हजार ४९७, मधेस ६२ हजार ११४, बागमती १ लाख २० हजार ४७७, गण्डकीमा ३० हजार ५४६,लुम्बिनी ६९ हजार ४११, कर्णाली ३० हजार ४७९ र सुदूरपश्चिम प्रदेशमा ३७ हजार ४४५ र जापानमा ३९ जनाले परीक्षा दिँदै छन् ।
परीक्षा सञ्चालन अवधिभर केन्द्राध्यक्षबाहेक अरू कसैले पनि परीक्षा केन्द्रमा मोबाइल फोन लैजान पूर्ण निषेध गरिएको छ । परीक्षार्थीलाई परीक्षा हलभित्र मोबाइल फोन, स्मार्ट घडीलगायत इलेक्ट्रोनिक डिभाइस (लोडेड डकुमेन्ट नभएको क्याल्कुलेटरबाहेक) लैजान निषेध गरिएको बोर्डले जनाएको छ ।

The post कक्षा १२ को परीक्षा आजदेखि : ४ लाख १८ हजार ८ जना विद्यार्थी सहभागी हुँदै, स्मार्ट घडी र मोबाइल लैजान निषेध appeared first on Jankari Kendra.

गोदरेज रेफ्रिजरेटर : टिकाउपन र विश्वसनीयताको नयाँ मापदण्ड नेपाली बजारमा

जानकारी केन्द्र — Fri, 24 Apr 2026 11:45:22 +0000

काठमाडौं । नेपाली उपभोक्ताका लागि टिकाउपन र विश्वसनीयता सधैं पहिलो प्राथमिकता रहँदै आएको छ। यही आवश्यकतालाई केन्द्रमा राख्दै लामो इतिहास बोकेको भारतीय ब्रान्ड गोदरेजले आफ्ना उच्च गुणस्तरका रेफ्रिजरेटरमार्फत नेपाली बजारमा बलियो उपस्थिति बनाएको बताइएको छ। नेपालमा सिजी इलेक्ट्रोनिक्स मार्फत उपलब्ध यी उत्पादनहरू विशेषगरी नेपालको अनियमित विद्युत आपूर्ति, भोल्टेज उतारचढाव तथा दीर्घकालीन प्रयोगलाई ध्यानमा राखेर डिजाइन गरिएको कम्पनीले जनाएको छ।
गोदरेजको विश्वसनीयता केवल दाबीमा सीमित नरहि ब्रान्डले हालै इन्डिया मस्ट ट्रस्टेड ब्रान्ड २०२६/२७ को उपाधि प्राप्त गरेको छ भने जसले यसको गुणस्तर र उपभोक्ता विश्वासलाई अझ मजबुत बनाउँने बताइएको छ।
यी रेफ्रिजरेटरहरू इन्भर्टर कम्प्रेसर प्रविधिसँग सुसज्जित छन् भने जसले खानाको मात्रा र तापक्रम अनुसार आफैं समायोजन गर्दै ऊर्जा बचत गर्नका साथै दीर्घकालीन कार्यक्षमता सुनिश्चित गर्ने जनाइएको छ। कम्पनीका अनुसार, प्रत्येक युनिटलाई ५० डिग्री सेल्सियससम्मको उच्च तापक्रममा परीक्षण गरिएको र जसले कठोर वातावरणमा पनि भरपर्दो प्रदर्शन दिन्छ।
स्वास्थ्य सुरक्षालाई ध्यानमा राख्दै, गोदरेजले आफ्नो प्याटेन्टेड नानो शील्ड टेक्नोलाजी समावेश गरेको छ, जसले खाद्य पदार्थको सतहमा रहेका ९५ प्रतिशत भन्दा बढी कीटाणु तथा भाइरस नष्ट गर्ने कम्पनीको दाबी रहेको छ । महामारीपछिको समयलाई मध्यनजर गर्दै यो सुविधा उपभोक्ताबीच विशेष आकर्षणको केन्द्र बनेको बताइएको छ।
कम्पनीका अनुसार ४–इन–१ कन्वर्टिबल मोडले प्रयोगकर्तालाई आवश्यकताअनुसार फ्रिजरलाई फ्रिजमा रूपान्तरण गर्न वा बिदाको समयमा फ्रिजको केही भाग बन्द गर्न अनुमति दिन्छ भने यसले ऊर्जा खपत घटाउनुका साथै कम्प्रेसरको आयु लम्ब्याउँछ।
ऊर्जा दक्षता र ताप संरक्षणका लागि, २.२४ इन्च मोटाइको पीयूएफ इन्सुलेसन प्रयोग गरिनुका साथै जसले बिजुली अवरोध भएको अवस्थामा पनि २४ घण्टासम्म चिसोपन कायम राख्न सहयोग पुर्‍याउँने कम्पनीको विश्वास रहेको छ।
कम्पनीका अनुसार,गोदरेज रेफ्रिजरेटरको विशेषताको कुरा गर्नुपर्दा बिल्ट–इन स्टेबिलाइजरसहित आएको यस उपकरणले ११० र १६० भोल्टसम्मको भोल्टेजलाई सुरक्षित रुपमा व्यवस्थापन गर्नुका साथै २.२४ इन्च पीयूएफ इन्सुलेसनका कारण लामो समयसम्म करिब २४ घण्टासम्म चिसोपन कायम रहन्छ । इन्भर्टर कम्प्रेसरले कम ऊर्जा खपत गर्दै शान्त रुपमा सञ्चालन हुने सुनिश्चित गर्छ भने नानो शील्ड टेक्नोलाजीले ९५ प्रतिशत भन्दा बढी ...

The post गोदरेज रेफ्रिजरेटर : टिकाउपन र विश्वसनीयताको नयाँ मापदण्ड नेपाली बजारमा appeared first on Jankari Kendra.

घट्यो आज सुनचाँदीको मुल्य, कतिमा हुँदैछ कारोबार ?

जानकारी केन्द्र — Thu, 23 Apr 2026 05:49:48 +0000

काठमाडौं । नेपाली बजारमा आज सुन र चाँदीको मूल्य घटेको छ । नेपाल सुनचाँदी व्यवसायी महासंघका अनुसार आज सुनको मूल्य प्रतितोला १ हजार ८ सय रुपैयाँले घटेको छ ।
महासंघका अनुसार छापावाल सुनको मूल्य आज प्रतितोला २ लाख ९८ हजार ७ सय रुपैयाँमा कारोबार भईरहेको छ । बुधबार सुन प्रतितोला ३ लाख ५ सय रुपैयाँमा कारोबार भएको थियो । त्यस्तै, १० ग्राम सुनको मूल्य आज २ लाख ५६ हजार ९० रुपैयाँ कायम गरिएको छ ।
सुनसँगै आज चाँदीको मूल्य पनि घटेको छ। आज चाँदी प्रतितोला १ सय १० रुपैयाँले घटेर ५ हजार २० रुपैयाँमा कारोबार भइरहेको छ। बुधबार चाँदीको मूल्य प्रतितोला ५ हजार १ सय ३० रुपैयाँमा कारोबार भएको थियो । यस्तै, १० ग्राम चाँदीको मूल्य आज ४ हजार ३ सय ४ रुपैयाँ रहेको महासंघले जनाएको छ ।

The post घट्यो आज सुनचाँदीको मुल्य, कतिमा हुँदैछ कारोबार ? appeared first on Jankari Kendra.

आज हिमाल–पहाडमा बादल, तराईमा तातो लहरको सम्भावना

जानकारी केन्द्र — Thu, 23 Apr 2026 03:13:43 +0000

काठमाडौं । देशभर अहिले पश्चिमी तथा स्थानीय वायुको आंशिक प्रभाव देखिएको छ। यसका कारण हिमाली र पहाडी क्षेत्रहरूमा बादल लाग्ने अवस्था रहेको छ भने तराई क्षेत्रमा मौसम प्रायः सफा रहने देखिएको छ।
जल तथा मौसम विज्ञान विभागको मौसम पूर्वानुमान महाशाखाका अनुसार कोशी, गण्डकी र कर्णाली प्रदेशका केही स्थानमा मेघगर्जन र चट्याङसहित मध्यम खालको वर्षा तथा उच्च क्षेत्रमा हिमपात हुन सक्ने सम्भावना छ। त्यस्तै, मधेश प्रदेशसहित कोशी, बागमती, गण्डकी, लुम्बिनी र सुदूरपश्चिम प्रदेशका तराई क्षेत्र, उपत्यका र खोँचहरूमा तापक्रम बढ्ने र गर्मी महसुस हुने अनुमान गरिएको छ। विशेषगरी लुम्बिनी र सुदूरपश्चिमका तराई क्षेत्रमा तातो लहर चल्न सक्ने चेतावनी दिइएको छ।
आज रातिको अवस्थामा भने कोशी प्रदेशका हिमाली तथा पहाडी भूभाग र बागमती, गण्डकी तथा कर्णाली प्रदेशका हिमाली क्षेत्रमा आंशिक बदली रहनेछ। अन्य स्थानहरूमा मौसम सामान्यतया सफा रहने अपेक्षा गरिएको छ। साथै, कोशी प्रदेशका हिमाली क्षेत्रमा केही स्थानमा हल्का वर्षा वा हिमपात हुने सम्भावना रहेको मौसम विभागले जनाएको छ।

The post आज हिमाल–पहाडमा बादल, तराईमा तातो लहरको सम्भावना appeared first on Jankari Kendra.

देशभर मौसम बदली : पहाडमा चट्याङसहित वर्षा, हिमाली क्षेत्रमा हिमपातको सम्भावना

जानकारी केन्द्र — Sun, 19 Apr 2026 02:07:02 +0000

काठमाडौं । देशभर आज मौसममा आंशिकदेखि सामान्य बदली देखिएको छ। जल तथा मौसम पूर्वानुमान महाशाखाका अनुसार विशेषगरी पहाडी भूभागमा मेघगर्जन र चट्याङसहित हल्का वर्षा हुने सम्भावना रहेको छ भने उच्च हिमाली क्षेत्रमा हिमपातसमेत हुन सक्ने अनुमान गरिएको छ।
महाशाखा अनुसार, मधेश प्रदेशबाहेक अन्य सबै प्रदेशका पहाडी क्षेत्रमा छिटपुट वर्षा हुन सक्ने सम्भावना छ। कोशी, बागमती, गण्डकी र लुम्बिनी प्रदेशका पहाडी तथा हिमाली भूभागका केही स्थानमा मेघगर्जन र चट्याङसहित वर्षा हुन सक्ने देखिएको छ, जसले दैनिक जनजीवनमा आंशिक प्रभाव पार्न सक्छ।
त्यसैगरी कर्णाली र सुदूरपश्चिम प्रदेशका हिमाली क्षेत्रका एक–दुई स्थानमा हल्का वर्षासँगै हिमपातको सम्भावना रहेको छ। यी क्षेत्रका बासिन्दालाई चिसो बढ्न सक्ने भएकाले आवश्यक सतर्कता अपनाउन पनि सुझाव दिइएको छ।
हाल तराई क्षेत्रमा बिहानैदेखि आंशिक बदली देखिएको छ। दिनभर मौसम यस्तै रहने अनुमान गरिएको छ।
महाशाखाले मेघगर्जन र चट्याङको जोखिम हुने भएकाले खुला ठाउँमा अनावश्यक बस्न नहुने, सतर्क रहनु पर्ने र आवश्यक सुरक्षा उपाय अपनाउन सर्वसाधारणलाई आग्रह गरेको छ।

The post देशभर मौसम बदली : पहाडमा चट्याङसहित वर्षा, हिमाली क्षेत्रमा हिमपातको सम्भावना appeared first on Jankari Kendra.