jankarikendra news Archives - Jankari Kendra

एसईई नतिजा हेर्ने तरिका सार्वजनिक : एसएमएस, आईभीआर र वेबसाइटमार्फत नतिजा प्राप्त गर्न सकिने

जानकारी केन्द्र — Sun, 10 May 2026 14:31:45 +0000

काठमाडौं । राष्ट्रिय परीक्षा बोर्डअन्तर्गत परीक्षा नियन्त्रण कार्यालय, सानोठिमीले शैक्षिक सत्र २०८२ को माध्यमिक शिक्षा परिक्षा (एसईई) को नतिजा सार्वजनिक गर्ने तयारीसँगै नतिजा हेर्न सकिने विभिन्न माध्यमहरुको विवरण सार्वजनिक गरेको छ ।
कार्यालयले जारी गरेको सुचनाअनुसार नियमित तथा ग्रेडवृद्धि परीक्षाको नतिजा एसएमएस, आइभीआर सेवा तथा विभिन्न वेबसाइटमार्फत प्राप्त गर्न सकिने व्यवस्था गरिएको छ ।
एसएमएस र आईभीआरबाट नतिजा हेर्ने तरिका
परीक्षार्थीहरुले मोबाइलमार्फत एसएमएस पठाएर वा फोन गरेर आफ्नो नतिजा प्राप्त गर्न सक्नेछन् ।
नेपाल टेलिकम : १६०० (SMS, USSD र IVR सेवा)
जानकी टेक्नोलाजी : ३५००१ (SMS सेवा )
एम्ब्सिन गुरु : ३१०६९ (SMS सेवा )
वेबसाइटमार्फत नतिजा हेर्ने सुविधा
इन्टरनेट प्रयोगकर्ताका लागि विस्तृत नतिजा र मार्कसिट हेर्न विभिन्न सरकारी तथा निजी वेबसाइटहरु उपलब्ध गराइएको कार्यालयले जनाएको छ । प्रमुख वेबसाइटहरु निम्नानुसार छन् :
आधिकारीक सरकारी वेबसाइट :
www.see.gov.np
www.neb.gov.np
नेपाल टेलिकम :
www.see.ntc.net.np
अन्य वेबसाइटहरु
www.ekantipur.com
www.see.edusanjal.com
Khalti.App
त्यस्तैगरी निमा एजुकेशन, फोनिक्स एजुकेशन, एम्बिसन गुरु, मेरो स्टडी र इन्द्रेणी टाइम्सका प्लेटफर्महरु
परीक्षा नियन्त्रण कार्यालयले नतिजा सार्वजनिक भएपछि आधिकारिक माध्यमबाट मात्र नतिजा हेर्न तथा अनावश्यक भ्रममा नपर्न विद्यार्थी र अभिभावकलाई आग्रह गरेको छ ।

The post एसईई नतिजा हेर्ने तरिका सार्वजनिक : एसएमएस, आईभीआर र वेबसाइटमार्फत नतिजा प्राप्त गर्न सकिने appeared first on Jankari Kendra.

सहकारीले मुलधनभन्दा बढी ब्याज लिन नपाउने

जानकारी केन्द्र — Sat, 02 May 2026 05:43:21 +0000

काठमाडौं । सहकारी क्षेत्रलाई व्यवस्थित बनाउन सरकारले नयाँ व्यवस्था लागु गरेको छ । अब सरकारी संस्थाहरुले ऋणीबाट लिने ब्याज रकम मुल ऋण (साँवा) भन्दा बढी हुन नपाउने कानुनी प्रावधान ल्याइएको छ ।
सरकारद्वारा जारी सहकारी सम्बन्धि अध्यादेशमा यस्तो व्यवस्था समेटिएको हो । विगतमा केही सरकारीहरुले अत्याधिक ब्याज, जरिवाना र शुल्क थपेर ऋणीहरुलाई आर्थिक रुपमा झन् समस्या पार्दै आएको गुनासो बढेपछि सरकारले यसलाई नियन्तण गर्न कदम चालेको छ ।jan
नयाँ व्यवस्थाअनुसार, कुनै व्यक्तिले सहकारीबाट लिइको ऋणको कुल ब्याज रकम उसले लिएको साँवा रकमभन्दा बढी असुल गर्न पाइने छैन् । उदाहरणका लागि, यदि कसैले एक लाख रुपैयाँ ऋण लिएको छ भने ,समय जति लागे पनि वा अतिरिक्त शुल्क जोडिए पनि उसले ब्याजको रुपैयाँभन्दा बढी तिर्नु पर्ने छैन ।
यस कदमले विशेष गरी निम्न आय भएका ऋणीहरुलाई राहत पुग्ने अपेक्षा गरिएको छ ।

The post सहकारीले मुलधनभन्दा बढी ब्याज लिन नपाउने appeared first on Jankari Kendra.

पश्चिमी, स्थानीय र न्यून चापीय क्षेत्रको प्रभावले देशभर बदली : धेरै स्थानमा वर्षा र हिमपातको सम्भावना

जानकारी केन्द्र — Thu, 30 Apr 2026 02:07:32 +0000

काठमाडौं । हाल नेपालमा पश्चिमी तथा स्थानीय वायुको प्रभावसँगै पूर्वी भूभाग नजिक रहेको न्यून चापीय क्षेत्र सक्रिय रहेको छ। यस प्रणालीका कारण देशका अधिकांश क्षेत्रमा मौसम बदली भएको छ भने केही स्थानमा वर्षा र हिमपातको सम्भावना देखिएको छ।
जल तथा मौसम पूर्वानुमान महाशाखाका अनुसार अहिले कोशी, मधेस, बागमती र गण्डकी प्रदेशका साथै देशका हिमाली र पहाडी भूभागमा सामान्यदेखि पूर्ण बदली रहेको छ। अन्य भूभागमा आंशिक बदली देखिएको छ।
आज दिउँसो कोशी, मधेस, बागमती, गण्डकी र लुम्बिनी प्रदेशसहित कर्णाली र सुदूरपश्चिमका पहाडी तथा हिमाली क्षेत्रमा बदली रहनेछ। यी प्रदेशका धेरै स्थानमा चट्याङ्गसहित मध्यम वर्षा हुने सम्भावना रहेको छ भने उच्च पहाडी तथा हिमाली क्षेत्रमा हिमपातको सम्भावना पनि छ।
विशेषगरी कोशी प्रदेशका पहाडी क्षेत्रमा एक–दुई स्थानमा भारी वर्षा हुन सक्ने जनाइएको छ। त्यस्तै तराईका केही क्षेत्रमा हावाहुरी चल्ने सम्भावना रहेकोले सतर्कता अपनाउन आग्रह गरिएको छ।
आज राति पनि देशका अधिकांश प्रदेशमा बदली कायम रहनेछ। कोशी, मधेस, बागमती र गण्डकीका धेरै स्थान तथा अन्य प्रदेशका केही स्थानमा चट्याङ्गसहित वर्षा र हिमपात हुने सम्भावना महाशाखाले जनाएको छ।

The post पश्चिमी, स्थानीय र न्यून चापीय क्षेत्रको प्रभावले देशभर बदली : धेरै स्थानमा वर्षा र हिमपातको सम्भावना appeared first on Jankari Kendra.

कक्षा १२ को परीक्षा आजदेखि : ४ लाख १८ हजार ८ जना विद्यार्थी सहभागी हुँदै, स्मार्ट घडी र मोबाइल लैजान निषेध

जानकारी केन्द्र — Mon, 27 Apr 2026 01:16:40 +0000

काठमाडौं । यस वर्षको कक्षा १२ को परीक्षा आजबाट सुरु हुँदैछ । परीक्षामा ४ लाख १८ हजार ८ जना विद्यार्थी सहभागी हुँदैछन् । आजबाट सुरु हुने परीक्षामा ५ हजार ३३९ विद्यालयका नियमिततर्फ ३ लाख ३२ हजार १७८ विद्यार्थीले परीक्षा दिँदैछन् ।
जसमध्ये १ लाख ७२,०१२ छात्र र १ लाख ६० हजार १३७ छात्रा र अन्य २९० परीक्षार्थीले सहभागी हुदैछन् । आंशिकतर्फ ५ हजार ८३० परीक्षार्थीहरू सहभागी हुनेछन् । यो वर्ष सबैभन्दा कम मनाङमा ३१ र सबैभन्दा बढी काठमाडौँ जिल्लाबाट ६४ हजार ३३ परीक्षार्थी सहभागी हुदैछन्।
यो वर्ष देशभर १ हजार ४२० र जापानमा १ समेत गरी कूल १ हजार ४२१ परीक्षा केन्द्र कायम गरिएको छ । सबैभन्दा बढी काठमाडौंमा १६१ र सबैभन्दा कम मनाङ र मुस्ताङ जिल्लामा १ –१ केन्द्र निर्धारण गरिएको बोर्डले जनाएको छ ।
प्रदेशगत रुपमा कोशी ६७ हजार ४९७, मधेस ६२ हजार ११४, बागमती १ लाख २० हजार ४७७, गण्डकीमा ३० हजार ५४६,लुम्बिनी ६९ हजार ४११, कर्णाली ३० हजार ४७९ र सुदूरपश्चिम प्रदेशमा ३७ हजार ४४५ र जापानमा ३९ जनाले परीक्षा दिँदै छन् ।
परीक्षा सञ्चालन अवधिभर केन्द्राध्यक्षबाहेक अरू कसैले पनि परीक्षा केन्द्रमा मोबाइल फोन लैजान पूर्ण निषेध गरिएको छ । परीक्षार्थीलाई परीक्षा हलभित्र मोबाइल फोन, स्मार्ट घडीलगायत इलेक्ट्रोनिक डिभाइस (लोडेड डकुमेन्ट नभएको क्याल्कुलेटरबाहेक) लैजान निषेध गरिएको बोर्डले जनाएको छ ।

The post कक्षा १२ को परीक्षा आजदेखि : ४ लाख १८ हजार ८ जना विद्यार्थी सहभागी हुँदै, स्मार्ट घडी र मोबाइल लैजान निषेध appeared first on Jankari Kendra.

घट्यो आज सुनचाँदीको मुल्य, कतिमा हुँदैछ कारोबार ?

जानकारी केन्द्र — Thu, 23 Apr 2026 05:49:48 +0000

काठमाडौं । नेपाली बजारमा आज सुन र चाँदीको मूल्य घटेको छ । नेपाल सुनचाँदी व्यवसायी महासंघका अनुसार आज सुनको मूल्य प्रतितोला १ हजार ८ सय रुपैयाँले घटेको छ ।
महासंघका अनुसार छापावाल सुनको मूल्य आज प्रतितोला २ लाख ९८ हजार ७ सय रुपैयाँमा कारोबार भईरहेको छ । बुधबार सुन प्रतितोला ३ लाख ५ सय रुपैयाँमा कारोबार भएको थियो । त्यस्तै, १० ग्राम सुनको मूल्य आज २ लाख ५६ हजार ९० रुपैयाँ कायम गरिएको छ ।
सुनसँगै आज चाँदीको मूल्य पनि घटेको छ। आज चाँदी प्रतितोला १ सय १० रुपैयाँले घटेर ५ हजार २० रुपैयाँमा कारोबार भइरहेको छ। बुधबार चाँदीको मूल्य प्रतितोला ५ हजार १ सय ३० रुपैयाँमा कारोबार भएको थियो । यस्तै, १० ग्राम चाँदीको मूल्य आज ४ हजार ३ सय ४ रुपैयाँ रहेको महासंघले जनाएको छ ।

The post घट्यो आज सुनचाँदीको मुल्य, कतिमा हुँदैछ कारोबार ? appeared first on Jankari Kendra.

आज हिमाल–पहाडमा बादल, तराईमा तातो लहरको सम्भावना

जानकारी केन्द्र — Thu, 23 Apr 2026 03:13:43 +0000

काठमाडौं । देशभर अहिले पश्चिमी तथा स्थानीय वायुको आंशिक प्रभाव देखिएको छ। यसका कारण हिमाली र पहाडी क्षेत्रहरूमा बादल लाग्ने अवस्था रहेको छ भने तराई क्षेत्रमा मौसम प्रायः सफा रहने देखिएको छ।
जल तथा मौसम विज्ञान विभागको मौसम पूर्वानुमान महाशाखाका अनुसार कोशी, गण्डकी र कर्णाली प्रदेशका केही स्थानमा मेघगर्जन र चट्याङसहित मध्यम खालको वर्षा तथा उच्च क्षेत्रमा हिमपात हुन सक्ने सम्भावना छ। त्यस्तै, मधेश प्रदेशसहित कोशी, बागमती, गण्डकी, लुम्बिनी र सुदूरपश्चिम प्रदेशका तराई क्षेत्र, उपत्यका र खोँचहरूमा तापक्रम बढ्ने र गर्मी महसुस हुने अनुमान गरिएको छ। विशेषगरी लुम्बिनी र सुदूरपश्चिमका तराई क्षेत्रमा तातो लहर चल्न सक्ने चेतावनी दिइएको छ।
आज रातिको अवस्थामा भने कोशी प्रदेशका हिमाली तथा पहाडी भूभाग र बागमती, गण्डकी तथा कर्णाली प्रदेशका हिमाली क्षेत्रमा आंशिक बदली रहनेछ। अन्य स्थानहरूमा मौसम सामान्यतया सफा रहने अपेक्षा गरिएको छ। साथै, कोशी प्रदेशका हिमाली क्षेत्रमा केही स्थानमा हल्का वर्षा वा हिमपात हुने सम्भावना रहेको मौसम विभागले जनाएको छ।

The post आज हिमाल–पहाडमा बादल, तराईमा तातो लहरको सम्भावना appeared first on Jankari Kendra.

देशभर मौसम बदली : पहाडमा चट्याङसहित वर्षा, हिमाली क्षेत्रमा हिमपातको सम्भावना

जानकारी केन्द्र — Sun, 19 Apr 2026 02:07:02 +0000

काठमाडौं । देशभर आज मौसममा आंशिकदेखि सामान्य बदली देखिएको छ। जल तथा मौसम पूर्वानुमान महाशाखाका अनुसार विशेषगरी पहाडी भूभागमा मेघगर्जन र चट्याङसहित हल्का वर्षा हुने सम्भावना रहेको छ भने उच्च हिमाली क्षेत्रमा हिमपातसमेत हुन सक्ने अनुमान गरिएको छ।
महाशाखा अनुसार, मधेश प्रदेशबाहेक अन्य सबै प्रदेशका पहाडी क्षेत्रमा छिटपुट वर्षा हुन सक्ने सम्भावना छ। कोशी, बागमती, गण्डकी र लुम्बिनी प्रदेशका पहाडी तथा हिमाली भूभागका केही स्थानमा मेघगर्जन र चट्याङसहित वर्षा हुन सक्ने देखिएको छ, जसले दैनिक जनजीवनमा आंशिक प्रभाव पार्न सक्छ।
त्यसैगरी कर्णाली र सुदूरपश्चिम प्रदेशका हिमाली क्षेत्रका एक–दुई स्थानमा हल्का वर्षासँगै हिमपातको सम्भावना रहेको छ। यी क्षेत्रका बासिन्दालाई चिसो बढ्न सक्ने भएकाले आवश्यक सतर्कता अपनाउन पनि सुझाव दिइएको छ।
हाल तराई क्षेत्रमा बिहानैदेखि आंशिक बदली देखिएको छ। दिनभर मौसम यस्तै रहने अनुमान गरिएको छ।
महाशाखाले मेघगर्जन र चट्याङको जोखिम हुने भएकाले खुला ठाउँमा अनावश्यक बस्न नहुने, सतर्क रहनु पर्ने र आवश्यक सुरक्षा उपाय अपनाउन सर्वसाधारणलाई आग्रह गरेको छ।

The post देशभर मौसम बदली : पहाडमा चट्याङसहित वर्षा, हिमाली क्षेत्रमा हिमपातको सम्भावना appeared first on Jankari Kendra.

सीजी ब्रान्डद्वारा नयाँ वर्ष २०८३ लक्षित आकर्षक योजना “एक्सपेरियन्स लाइफ विथ सीजी” सार्वजनिक

जानकारी केन्द्र — Thu, 16 Apr 2026 12:20:45 +0000

काठमाडौँ। नेपालको अग्रणी र सर्वाधिक विश्वासिलो घरेलु उपकरण ब्रान्ड सीजीले नयाँ वर्ष २०८३ को सुखद आगमनसँगै आफ्नो नयाँ वार्षिक ब्रान्ड अभियान ”एक्सपेरियन्स लाइफ विथ सीजी” घोषणा गरेको छ। यस वार्षिक अभियान अन्तर्गत नयाँ वर्षलाई लक्षित गर्दै “भरोसा नेपालीको उत्सव नयाँ वर्षको” भन्ने विशेष नाराका साथ उपहार योजनाको भव्य सुरुवात गरिएको बताइएको छ।
कम्पनीका अनुसार, गत वर्ष सञ्चालित ”लेभलअप” अभियानमार्फत सीजीले नेपाली बजारमा प्रविधि र गुणस्तरको नयाँ मापदण्ड स्थापित गर्नुका साथै सोही अभियान अन्तर्गत कम्पनीले नेपाली ब्रान्डमै पहिलोपटक एआइ टिभी,एआई एयर फ्राइर, कराओके टिभी, र विशाल १००-इन्च टिभी जस्ता अत्याधुनिक उत्पादनहरू भित्र्याउँदै उपभोक्ताहरूलाई आफ्नो जीवनशैलीलाई अर्को स्तरमा पुर्याउन (लेभलअप) प्रोत्साहित गरेको छ ।
विश्व बजारमा प्रचलित उत्कृष्ट गुणस्तरका घरायसी उपकरणहरू, पारिवारिक मनोरञ्जनका साधनहरू तथा स्मार्ट घरेलु उपकरणहरू नेपाली ब्रान्डमार्फत नै नेपालमा उपलब्ध गराउनुले सीजीको उच्चस्तरीय उत्पादनहरूप्रतिको प्रतिबद्धतालाई थप प्रमाणित गरेको छ भने सोही सफलता र आम उपभोक्ताको उत्साहजनक प्रतिक्रियालाई मध्यनजर गर्दै यस वर्ष ”एक्सपेरियन्स लाइफ विथ सीजी” अभियानमार्फत ग्राहकहरूको जीवनशैलीलाई अझ आधुनिक, स्मार्ट र सहज बनाउने लक्ष्य लिइएको जनाइएको छ।
”एक्सपेरियन्स लाइफ विथ सीजी” अभियानका मुख्य पक्षहरूको कुरा गर्नुपर्दा यो अभियान वर्ष २०८३ भरि नै विभिन्न उत्सवहरूमा जारी रहनेछ। नयाँ वर्षको सुरुवातमा यसका प्रमुख विशेषताहरू यस प्रकार छन्ः
१.प्रिमियम जीवनशैलीको अनुभव: गत वर्षको प्रोत्साहन (इन्गेजमेन्ट) लाई यस वर्ष प्रत्यक्ष अनुभवमा बदल्दै सीजीले आफ्ना उच्च गुणस्तरका घरायसी उपकरणहरू, मनोरञ्जनका साधनहरू तथा स्मार्ट घरेलु उपकरणहरू मार्फत नेपाली घरहरूलाई थप सुविधायुक्त बनाउनुका साथै विशेष गरी मेरिडिया सेगमेन्टका उत्पादनहरूले ग्राहकलाई विश्वस्तरीय अनुभव प्रदान गर्ने कम्पनीको दाबी छ ।
२.नयाँ वर्ष विशेष उपहार योजनाः “भरोसा नेपालीको उत्सव नयाँ वर्षको” अन्तर्गत प्रत्येक खरिदमा आकर्षक निश्चित उपहारहरू र विशेष क्यासब्याक प्रदान गरिएको जनाइएको छ ।
३.बम्पर लक्की ड्र: नयाँ वर्षको खुसीयालीलाई थप उल्लासमय बनाउन सीजीका स्मार्ट घरेलु उपकरण खरिद गरी क्युआर कोड स्क्यान गरी आफ्नो विवरण दर्ता गर्नुपर्नेछ। यसरी दर्ता भएका ग्राहकहरू स्वतःलक्की ड्रमा सामेल हुनुका साथै भाग्यशाली विजेताहरूका लागि बम्पर उपहारको व्यवस्था गरिएको बताइएको ...

The post सीजी ब्रान्डद्वारा नयाँ वर्ष २०८३ लक्षित आकर्षक योजना “एक्सपेरियन्स लाइफ विथ सीजी” सार्वजनिक appeared first on Jankari Kendra.

नयाँ उद्देश्य, लक्ष्य र मूल्यमान्यताका साथ अघि बढ्दै नबिल बैंक

जानकारी केन्द्र — Wed, 15 Apr 2026 13:01:27 +0000

काठमाडौं । नबिल बैंक लिमिटेडले नयाँ वर्ष २०८३ को सुरुवातसँगै चार दशकदेखिका आफ्ना लक्ष्य, उद्देश्य र मूल्यमान्यतालाई पुनर्परिभाषित गरेको छ । यी पुनर्परिभाषित उद्देश्यले विश्वास, उत्थानशीलता र तयारीप्रति बैंकको प्रतिबद्धतालाई पुन: पुष्टि गरेको बैंकले जनाएको छ।
नबिल बैंकले ‘नेपालको सबैभन्दा विश्वासिलो एवम् भरपर्दो र भविष्यका लागि तयार बैंक बन्ने’ उद्देश्य लिएको छ। ‘विश्वस्तरीय नेपाली बैंक बन्ने ध्येयका साथ, उद्देश्यबाट प्रेरित, विश्वास, अनुशासन र अनुपालनमा आधारित, नवीनताद्वारा सञ्चालित, सुशासन, वातावरणीय, सामाजिक र प्रशासनिक दायित्वले निर्देशित र भविष्यका लागि तयार नेतृत्वको सिर्जना गर्दै, सेवाग्राहीलाई प्राथमिकता दिँदै उत्कृष्टता प्रदान गर्न प्रतिबद्ध,’ बैंकको पुनर्परिभाषित लक्ष्य रहेको बताइएको छ।
बैंकिङ प्रणाली द्रुत गतिमा परिवर्तन भइरहेको समयमा दीर्घकालीन मार्गचित्रको आवश्यकता महसुस गर्दै बैंक रूपान्तरणको बाटोमा अग्रसर भएको बैंकका प्रमुख कार्यकारी अधिकृत मनोजकुमार ज्ञवालीले बताए।
‘सेवाग्राहीकेन्द्रित विश्वस्तरको नेपाली बैंक बन्ने उद्देश्यका साथ हामीले बैंकको उद्देश्य, लक्ष्य र मूल्यमान्यतालाई पुनर्परिभाषित गरेका छौं,’ ज्ञवालीले भने। रूपान्तरित मूल्यमान्यतामा सेवाको उत्कृष्टतालाई मानकका रूपमा लिएको बताउँदै उनले भने, ‘डिजिटल माध्यमलाई प्राथमिकता दिँदै, मानव स्रोत र नेतृत्व विकासमा निरन्तर लगानी गर्दै जवाफदेहिता र सहकार्यको बलियो संस्कृतिलाई बढावा दिनेछौं।’
बैंकले आफ्ना मूल्यमान्यतालाई पाँच ‘टी’ का स्तम्भमार्फत अभिव्यक्त गरेको छ– विश्वास , पारदर्शिता, प्रतिभा , प्रविधि र रुपान्तरण। यी मूल्यमान्यता पञ्चतत्त्व दर्शनमा आधारित भएको उल्लेख गर्दै बैंकले धरतीले विश्वासलाई, पानीले पारदर्शितालाई, आगोले प्रतिभालाई, वायुले प्रविधिलाई र आकाशले रूपान्तरणलाई प्रतिनिधित्व गरेको बताएको छ। यी तत्त्व मिलेर बैंकको संस्कृति, निर्णय प्रक्रिया र दीर्घकालीन विकासलाई निर्देशित गर्ने सन्तुलित र एकीकृत संरचना प्रदान गर्ने बैंकले विश्वास लिएको छ।
ग्राहकको बदलिँदो अपेक्षा, डिजिटल प्रविधिको विकास, कृत्रिम बुद्धिमत्ता (आर्टिफिसियल इन्टेलिजेन्स)को बढ्दो भूमिका, दिगोपनालगायत आवश्यकताका आधारमा आफूलाई परिमार्जित गर्न लागेको बैंकको भनाइ छ।
गुणस्तरीय बैंकिङ सेवामा सबै पुस्तालाई समेट्ने उद्देश्यका साथ बैंकले आफ्नो स्लोगनलाई ‘सँधैं सँगै अघि’ बनाएको छ। उत्थानशीलता, प्रशासनिक अनुशासन र न्यायसंगत विकास आफ्नो प्रतिबद्धता रहेको जनाउँदै बैंकले आफ्ना सेवाग्राही, सरोकारवाला र बृहत्तर समुदायप्रतिको जिम्मेवारी रहेको पनि जनाएको छ।
नबिल बैंकले देशभर २६८ शाखा सञ्जालसहित ३१८ एटिएम ...

The post नयाँ उद्देश्य, लक्ष्य र मूल्यमान्यताका साथ अघि बढ्दै नबिल बैंक appeared first on Jankari Kendra.

अत्याधुनिक फिचरसहित पोको एक्स-८ सिरिज नेपालमा सार्वजनिक, कति पर्छ मुल्य ?

जानकारी केन्द्र — Wed, 15 Apr 2026 09:21:21 +0000

काठमाडौं । नेपालका लागि पोकोको आधिकारिक विक्रेता टेलिटकले नेपाली बजारमा आफ्नो बहुप्रतिक्षित पोको एक्स-८ सिरिज अन्तर्गत दुई स्मार्टफोन पोको एक्स-८ प्रो ५ जि र एक्स-८ प्रो म्याक्स ५ जि सार्वजनिक गरेको छ।
कम्पनीका अनुसार, पोको एक्स-८ प्रो ५ जि मा फ्ल्यागसिप डाइमेनसिटी ८५००-अल्ट्रा प्रोसेसर छ भने जसले उत्कृष्ट प्रदर्शनसँगै ब्याट्री पनि कम खपत गर्नुका साथैयसमा ६५०० एमएएच पावरको ठूलो ब्याट्री, १०० वाट हाइपरचार्ज र २७ वाट रिभर्स चार्जिङ सुविधा उपलब्ध छ। त्यस्तै गरी ५० मेगापिक्सल मुख्य क्यामेरा, ८ मेगापिक्सेल अल्ट्रावाइड क्यामेरा र २० मेगापिक्सेलको फ्रन्ट क्यामेरा भएकाले तस्विर खिच्दा वा भिडियो बनाउँदा उत्कृष्ट अनुभवको महसुस गर्न सकिने बताइएको छ।
डिस्प्लेमा ६.५९ इन्चको १.५के रेजोलुसनसहित १२० हर्ज अल्ट्रा-ब्राइट एमोलेड स्क्रिन भने जसमा उच्च ब्राइटनेस र डिमिङको फिचरसमेत उपलब्ध रहेको जनाइएको छ। यसबाहेक पोको एक्स-८ प्रो ५जि मा आइपी ६८ को रेटिङको सुविधा भएकाले पानी र धुलोबाट बचाउनुका साथै लामो समयसम्म टिकाउ राख्न मद्दत गर्ने कम्पनीको विश्वास छ ।
त्यस्तै पोको एक्स-८ प्रो म्या क्स ५जि मा फ्ल्यागसिप डाइमेनसिटी ९५००एस चिपसेट जडान गरिनुका साथ यसमा ८५०० एमएएच क्षमताको शक्तिशाली ब्याट्री, १०० वाट हाइपरचार्ज, २७ वाट रिभर्स चार्जिङको सुविधा भएकाले दुई दिनसम्म ब्याट्री टिक्न सक्ने कम्पनीको दाबी छ।
यस स्मार्टफोनमा ६.८३ इन्चको १.५ के १२० हर्ज अल्ट्रा-ब्राइट एमोल्ड डिस्प्ले रहेको छ भने ५० मेगापिक्सेल मुख्य क्यामेरा, ८ मेगापिक्सेल अल्ट्रा-वाइड क्यामेरा र २० मेगापिक्सेल फ्रन्ट क्यामेरा रहेको कम्पनीले जनाएको छ। यसमा पनि आइपी ६८ डस्ट तथा वाटर रेसिस्टेन्सको सुविधासँगै स्प्ल्याश, ड्रप, बेन्ड र प्रेसरबाट थप सुरक्षा प्रदान गर्ने बताइएको छ।
टेलिटकका कार्यकारी निर्देशक प्रतीक जालानले भने, “पोको एक्स-८ सिरिज केवल गेम खेल्नेका लागि मात्र होइन, यो उनीहरूका लागि डिजाइन गरिएको हो जसले हरेक कुरामा उत्कृष्टता खोज्ने गर्छन्। यसमा रहेका असाधारण फिचरहरू फ्ल्यागसिप स्तरको प्रोसेसिङ पावर, आकर्षक डिस्प्ले, टिकाउसहितको डिजाइन, क्रिएटिभिटी र विश्वसनीयतालाई सन्तुलनमा राख्ने छ। यसमा डुअल-लेन्स क्यामेरा, डाइनामिक आरजीबी लाइटिङ र हाइपर एआईको सहयोगमा उच्चस्तरको तस्विर खिच्न सकिनेछ।”
कम्पनीका ...

The post अत्याधुनिक फिचरसहित पोको एक्स-८ सिरिज नेपालमा सार्वजनिक, कति पर्छ मुल्य ? appeared first on Jankari Kendra.

ह्वात्तै बढ्यो सुनचाँदीको मूल्य, कतिमा हुँदैछ कारोबार ?

जानकारी केन्द्र — Wed, 01 Apr 2026 07:19:15 +0000

काठमाडौं । नेपाली बजारमा आज सुनचाँदीको मूल्य ह्वात्तै बढेको छ । छापावाल सुनको मुल्य प्रतितोला ७ हजार ४ सय रुपैयाँले बढेको छ भने चाँदी तोलामा रु १ सय रुपियाँले बढेको छ । नेपाल सुनचाँदी व्यवसायी महासंघका अनुसार सुन प्रतितोला २ लाख ९७ हजार ६०० रुपैयाँमा कारोबार भइरहेको छ। मंगलबार सुनको मूल्य तोलामा २ लाख ९० हजार २ सय रुपैयाँमा कारोबार भएको थियो ।
यस्तै, आज चाँदी प्रतितोला ४ हजार ९ सय ४५ रुपैयाँमा कारोबार भइरहेको महासंघले जनाएको छ। मंगलबार चाँदीको मुल्य तोलामा ४ हजार ८ सय ४५ रुपैयाँमा कारोबार भएको थियो ।

The post ह्वात्तै बढ्यो सुनचाँदीको मूल्य, कतिमा हुँदैछ कारोबार ? appeared first on Jankari Kendra.

कालिन्चोक हाइड्रोपावरको आईपीओ चैत २२ देखि खुला, सर्वसाधारणलाई कति ?

जानकारी केन्द्र — Sat, 28 Mar 2026 14:18:08 +0000

काठमाडौं । कालिञ्चोक हाइड्रोपावर लिमिटेडले सर्वसाधारणका लागि प्रारम्भिक सार्वजनिक निष्काशन (आईपीओ) चैत २२ गतेदेखि खुला गर्ने भएको छ ।
आयोजना प्रभावित स्थानीय बासिन्दा र वैदेशिक रोजगारीमा रहेका नेपालीहरूका लागि छुट्याइएको शेयर बाँडफाँट सम्पन्न गरेपछि कम्पनीले दोस्रो चरणमा सर्वसाधारणतर्फ आईपीओ निष्काशन गर्न लागेको हो। कम्पनीले जारी पूँजी ५५ करोड रुपैयाँको २५ प्रतिशत बराबर १३ करोड ७५ लाख रुपैयाँको १३ लाख ७५ हजार कित्ता शेयर निष्काशन गर्न अनुमति पाएको थियो। यसमध्ये ५ लाख ५० हजार कित्ता स्थानीय बासिन्दा र ८२ हजार ५०० कित्ता वैदेशिक रोजगारीमा रहेका नेपालीहरूलाई छुट्याएर बाँडफाँट गरिसकेको बताइएको छ।
अब कम्पनीले सामूहिक लगानी कोषका लागि ४१ हजार २५० कित्ता र कर्मचारीका लागि १६ हजार ५०० कित्ता सुरक्षित राखी बाँकी ६ लाख ८४ हजार ७५० कित्ता शेयर सर्वसाधारणका लागि खुला गर्ने भएको हो। प्रतिशेयर १०० रुपैयाँ अंकित दरमा निष्काशन हुने यस आईपीओमा न्यूनतम १० कित्ता र अधिकतम १० हजार कित्तासम्म आवेदन दिन सकिनेछ। कम्पनीका अनुसार आईपीओ छिटोमा चैत २५ गतेसम्म र ढिलोमा २०८३ वैशाख ६ गतेसम्म खुला रहनेछ।
केयर रेटिङ्ग नेपालले कम्पनीलाई ‘केयरएनपी डबल बी’ इस्यूअर रेटिङ्ग प्रदान गरेको छ, जसले कम्पनीको वित्तीय दायित्व वहन क्षमतामा मध्यम जोखिम रहेको संकेत गर्दछ। आईपीओ निष्काशन तथा बिक्री प्रबन्धक आरबीबी मर्चेन्ट बैंकिङ लिमिटेड रहेको छ। लगानीकर्ताले सी–आस्बा प्रणालीमार्फत आस्बा सेवामा सहभागी बैंक तथा वित्तीय संस्थाबाट आवेदन दिन सक्नेछन् भने सीडीएस एण्ड क्लियरिङ लिमिटेडको ‘मेरो शेयर’ अनलाइन प्रणालीमार्फत पनि आवेदन दिन सकिने व्यवस्था गरिएको जनाइएको छ।
कम्पनीले सञ्चालन गरिरहेको ५ मेगावाट क्षमताको साँगु (सोरुन) खोला जलविद्युत आयोजना कुल १ अर्ब २० करोड रुपैयाँ लागतमा निर्माण भएको बताइएको छ। प्रतिमेगावाट लागत करिब २४ करोड १४ लाख रुपैयाँ रहेको यस आयोजनाको विद्युत उत्पादन अनुमतिपत्र अवधि अझै २९ वर्ष ५ महिना बाँकी रहेको छ। कम्पनीका अनुसार आयोजनाको साधारण लगानी फिर्ता अवधि ९.१९ वर्ष र छुट मूल्य (डिस्काउण्टेड) आधारमा १५.३६ वर्ष रहेको छ।
ऊर्जा क्षेत्रमा लगानीको अवसरका रूपमा हेरिएको यस आईपीओले विशेषगरी साना ...

The post कालिन्चोक हाइड्रोपावरको आईपीओ चैत २२ देखि खुला, सर्वसाधारणलाई कति ? appeared first on Jankari Kendra.

देशभर मौसम बिग्रँदैै : तीव्र हावाहुरी र वर्षाको चेतावनी , सतर्क रहन आग्रह

जानकारी केन्द्र — Fri, 20 Mar 2026 01:55:41 +0000

काठमाडौं । शुक्रबार दिउँसोदेखि शनिबार बिहानसम्म देशका विभिन्न भागमा मेघगर्जन, चट्याङसहित वर्षा र तीव्र हावाहुरीको सम्भावना रहेको बताइएको छ। विशेषगरी लुम्बिनी र कोशी प्रदेशमा हावाहुरीको जोखिम उच्च रहने मौसमविद्हरूले चेतावनी दिएका छन्।
जल तथा मौसम विज्ञान विभागका अनुसार बिहान ६ बजे जारी सूचनामा हाल सुदूरपश्चिम, कर्णाली, लुम्बिनी र कोशी प्रदेशमा सामान्यदेखि पूर्ण बदली रहेको जनाइएको छ। केही स्थानमा हल्का वर्षा र हिमपातसमेत भइरहेको छ।
शुक्रबार दिउँसोपछि सुदूरपश्चिम र कर्णालीका पहाडी तथा हिमाली क्षेत्रमा भारी वर्षा र हिमपात हुन सक्ने अनुमान गरिएको छ। त्यस्तै, दाङ र नेपालगञ्जसहित लुम्बिनी प्रदेशका तराई क्षेत्र तथा शनिबार कोशी प्रदेशका विराटनगर, धरान र धनकुटा आसपासका क्षेत्रमा तीव्र हावाहुरी चल्ने सम्भावना छ। हावाहुरीको गति झन्डै ११९ किलोमिटर प्रतिघण्टासम्म पुग्न सक्ने प्रक्षेपण गरिएको जल तथा मौसम विज्ञान विभागले जनाएको छ।
यसैबीच, राष्ट्रिय विपद् जोखिम न्यूनीकरण तथा व्यवस्थापन प्राधिकरणले सम्भावित जोखिमलाई मध्यनजर गर्दै सतर्कता अपनाउन आग्रह गरेको छ।
प्राधिकरणका अनुसार हावाहुरीका कारण रुख ढल्ने, कमजोर संरचना तथा छाना उड्ने, साथै विद्युत् र सञ्चार सेवा प्रभावित हुन सक्ने जोखिम रहेको छ। आवश्यक कामबाहेक बाहिर ननिस्कन, सुरक्षित स्थानमा बस्न र मौसमसम्बन्धी अद्यावधिक जानकारीमा ध्यान दिन सर्वसाधारणलाई आग्रह गरिएको छ।

The post देशभर मौसम बिग्रँदैै : तीव्र हावाहुरी र वर्षाको चेतावनी , सतर्क रहन आग्रह appeared first on Jankari Kendra.

चैत १२ देखि १४ सम्म देशभर एमएडब्लु वृद्धिको मेगा एक्सचेन्ज

जानकारी केन्द्र — Wed, 18 Mar 2026 12:16:44 +0000

काठमाडौं । एमएडब्लु वृद्धिले आफ्नो लोकप्रिय इभी ब्रान्डहरु दिपल, अवतार, नामी र सेरेसलाई एउटै प्लेटफर्ममा समेटेर नेपालकै सबैभन्दा ठूलो मेगा एक्सचेन्ज कार्निभल आयोजना गर्ने तयारी गरेको छ । आगामी १२ चैतदेखि १४ चैतसम्म देशैभरि आयोजना हुने मेगा एक्सचेन्ज कार्निभल डिजाइन र प्रविधिमा अब्बल इभीमा अपग्रेड हुने सबैभन्दा उत्तम समय हुने बताइएको छ ।
मेगा एक्सचेन्जमा ग्राहकले प्रत्यक्ष नगद बचत, पुराना गाडीहरुको उच्चतम मूल्यांकन, उत्कृष्ट एक्सचेन्ज बोनस, निःशुल्क बिमा तथा चार्जर प्याकेज र नेपालकै सबैभन्दा लामो एक्सटेन्डेड वारेन्टी जस्ता सुविधा प्राप्त गर्नेछन् ।
नेपालमा दिगो यातायाततर्फको रुपान्तरण तीव्र बन्दै गइरहेको अवस्थामा एमएडब्लु वृद्धि नविन तथा ग्राहक केन्द्रित पहलमार्फत इभीको स्वामित्वलाई सहज बनाउन प्रतिबद्ध रहेको जनाइएको छ । बढ्दो इन्धन मूल्य, वातावरणीय सचेतना तथा आकर्षक एक्सचेन्ज सुविधाका कारण यो कार्निभल इभीमा अपग्रेड गर्ने सबैभन्दा उपयुक्त अवसर बनेको कम्पनीको दाबी छ ।
काठमाडौं उपत्यकामा यो कार्यक्रम ग्राहकको सहजताका लागि गैरीधारास्थित सिल्भरओक बैंक्वेट, ललितपुर पुल्चोकस्थित संस्कार फाइन एन्ड डाइन र भक्तपुर राधेराधेस्थित हेरिटेज प्लायलेसमा आयोजना गरिनेछ । उपत्यकाबाहिर भने यो कार्यक्रम दिपल, नामी तथा सेरेसका सम्बन्धित सोरुमहरुमा आयोजना हुनेछ जसले देशभरका ग्राहकलाई यो अभुतपूर्व अवसरको फाइदा उठाउन सहज बनाउनेछ ।
यी आकर्षक अफरहरुका अतिरिक्त कार्यक्रमा रोबोटिक सो, किड्स जोन, विभिन्न खेल तथा खानाको स्टलहरु जस्ता मनोरञ्जनात्मक गतिविधिहरु पनि समावेश गरिनेछ जसले सम्पूर्ण परिवारका लागि रमाइलो र अन्तरक्रियात्मक अनुभव प्रदान गर्ने बताइएको छ ।

The post चैत १२ देखि १४ सम्म देशभर एमएडब्लु वृद्धिको मेगा एक्सचेन्ज appeared first on Jankari Kendra.

घट्यो सुनचाँदीको मुल्य, कतिमा हुँदैछ कारोबार ?

जानकारी केन्द्र — Wed, 18 Mar 2026 06:41:44 +0000

काठमाडौं । आज सुनचाँदीको मुल्य घटेको छ । नेपाली बजारमा आज सुनको मुल्य प्रतितोला २ हजार २ सय रुपैयाँ र प्रतिचाँदी तोला १ सय ८५ रुपैयाँ घटेको हो ।
नेपाल सुनचाँदी व्यवसायी महासंघका अनुसार आज सुनको मुल्य प्रतितोला ३ लाख ७ हजार ७ सय रुपैयाँमा कारोबार भईरहेको छ । मंगलबार ३ लाख ९ हजार ९ सय रुपैयाँमा कारोबार भएको थियो ।
त्यस्तै आज चाँदीको मुल्य प्रतितोला ५ हजार १ सय ५० रुपैयाँमा कारोबार भईरहेको महासंघले जनाएको छ । मंगलबार चाँदी तोलामा ५ हजार ३ सय ३५ रुपैयाँमा कारोबार भएको थियो ।

The post घट्यो सुनचाँदीको मुल्य, कतिमा हुँदैछ कारोबार ? appeared first on Jankari Kendra.