४९९ रुपैयाँमै महिनाभर अनलिमिटेड डाटा दिने नेपाल टेलिकमको धमाकेदार नयाँ वर्ष अफर

जानकारी केन्द्र — Mon, 13 Apr 2026 06:37:07 +0000

काठमाडौँ । नयाँ वर्ष २०८३ को अवसरमा नेपाल टेलिकमले आफ्ना ग्राहकहरुका लागि आकर्षक डाटा अफर सार्वजनिक गरेको छ । प्रिपेड र पोस्टपेड दुवै प्रकारका प्रयोगकर्तालाई लक्षित गर्दै कम्पनीले दुई विशेष प्याकेज ‘न्यु इयर लाइट’ र ‘न्यु इयर प्रिमियम’ बजारमा ल्याएको छ ।
‘न्यु इयर लाइट’ प्याकेजअन्तर्गत ४९९ रुपैँयामा ग्राहकहरुले ३० दिनसम्म दैनिक ५ जीबी डाटा प्रयोग गर्न सक्नेछन् । दैनिक तोकएको सीमा सकिएपछि पनि इन्टरनेट सेवा रोकिने छैन बरु २ एमबीपीएसको गतिमा अनलिमिटेड डाटा चलाउन सकिने व्यवस्था गरिएको छ ।
त्यस्तै गरी ‘न्यु इयर प्रिमियम’ प्याकेज ६९९ रुपैयामा उपलब्ध हुनेछ भने जसमा प्रयोगकर्ताले प्रत्येक दिन १० जीबी डाटा पाउनेछन् । यो सीमा नाघेपछि ३ एमबीपीएस गतिमा निरन्तर इन्टरनेट सेवा उपयोग गर्न सकिने कम्पनीले जनाएको छ ।
यो अफर चैत ३० गतेदेखि सुरु भई वैशाख २ गतेसम्म मात्र खरिदका लागि खुला रहनेछ । दुवै प्याकेजको मान्य अवधि भने ३० दिन रहनेछ । पोस्टपेड ग्राहकहरुको हकमा भने खरिद गरिएको प्याकेजको शुल्क मासिक रेन्टलमै समावेश हुने व्यवस्था मिलाइएको छ ।
कम्पनीका अनुसार नयाँ वर्षको अवसर पारेर सुलभ र गुणस्तरीय इनटरनेट सेवा उपलब्ध गराउने उद्धेश्यले यो योजना ल्याइएको हो । इच्छुक ग्राहकहरुले १४१५११# डायल गरेर वा नेपाल टेलिकमको मोबाइल एपमार्फत सहज रुपमा प्याकेज सक्रिय गर्न सक्नेछन् ।

The post ४९९ रुपैयाँमै महिनाभर अनलिमिटेड डाटा दिने नेपाल टेलिकमको धमाकेदार नयाँ वर्ष अफर appeared first on Jankari Kendra.

Nepal telicome Archives - Jankari Kendra

४९९ रुपैयाँमै महिनाभर अनलिमिटेड डाटा दिने नेपाल टेलिकमको धमाकेदार नयाँ वर्ष अफर