nepali cricket match Archives - Jankari Kendra

ओमानमाथि सहज जित निकाल्दै नेपाल फाइनलमा

जानकारी केन्द्र — Sun, 07 Jun 2026 05:00:46 +0000

काठमाडौं । सिंगापुरमा भइरहेको एसियन गेम्स पुरुष क्रिकेट छनोटको सेमिफाइनलमा नेपालले ओमानमाथि सहज जित निकाल्दै फाइनलमा प्रवेश गरेको छ ।
सिंगा ओभल ग्राउन्डमा आइतबार विहान भएको खेलमा नेपालले ओमानमाथि ८ विकेटको जित हासिल गरेको हो । ओमानले दिएको ९५ रनको सामान्य लक्ष्य नेपालले ९.२ ओभरमा २ विकेटको क्षतिमा पूरुा गर्‍यो ।
नेपालका लागि लोकेश बमले सर्वाधिक ४४ रन बनाएर अविजित रहे । रोहित पौडेल २१ रनमा अविजित रहे । त्यसअघि कुशल भुर्तेलले २० अनि आसिफ शेखले १ रन बनाए ।
त्यसअघि टस जितेर पहिले ब्याटिङ गरेको ओमानले १९.४ ओभरमा अलआउट हुँदै ९४ रन बनाएको थियो । ओमानका लागि कप्तान सुफिया मेहमुदले सर्वाधिक ३८ रन बनाए । जुबेर अली अकबरले २२ रन बनाए ।
नेपालका लागि करण केसीले ३ विकेट लिए । सोमपाल कामी, सन्दीप लामिछानेले २-२ विकेट लिए । शाहब आलम, दीपेन्द्रसिंह ऐरी, कुशल मल्लले १-१ विकेट लिए ।
नेपालले फाइनलमा हङकङ र मलेसियाबीचको विजेतासँग खेल्नेछ । हङकङ र मलेसियाबीच दिउँसो सवा १२ बजेदेखि खेल हुनेछ ।

The post ओमानमाथि सहज जित निकाल्दै नेपाल फाइनलमा appeared first on Jankari Kendra.

भुर्तेलको कीर्तिमानी शतकमा चीनमाथि नेपालको २२१ रनको शानदार जित

जानकारी केन्द्र — Sun, 31 May 2026 08:32:40 +0000

काठमाडौं । नेपाली पुरुष क्रिकेट टोलीले एसियन गेम्स छनोट प्रतियोगितामा चीनमाथि २२१ रनको शानदार जित दर्ता गरेको छ। कुशल भुर्तेलको विस्फोटक शतक र बलरहरूको उत्कृष्ट प्रदर्शनमा नेपालले एकतर्फी जित हासिल गरेको हो।
नेपालले दिएको ३१४ रनको विशाल लक्ष्य पछ्याएको चीन १९.२ ओभरमा ९२ रनमै समेटियो। चीनका लागि झेङ सेनिजानले सर्वाधिक ३१ रन बनाए भने जिआनहो दुले १७ र तियान सेंकुनले १२ रन जोडे। अन्य कुनै ब्याटरले दोहोरो अंकको स्कोर बनाउन सकेनन्।
नेपालका लागि कुशल मल्लले ३ विकेट लिए। सन्दीप लामिछाने र सोमपाल कामीले समान २–२ विकेट झारे भने नन्दन यादवले १ विकेट हात पारे।
यसअघि टस हारेर पहिले ब्याटिङ गरेको नेपालले निर्धारित २० ओभरमा २ विकेट गुमाएर ३१३ रनको विशाल योगफल खडा गरेको थियो। यो नेपालले टी–२० अन्तर्राष्ट्रिय क्रिकेटमा बनाएको दोस्रो ठूलो स्कोर हो। यसअघि नेपालले मंगोलियाविरुद्ध ३१४ रन बनाएको थियो।
नेपालको विशाल स्कोरमा कुशल भुर्तेलले ४३ बलमा १२९ रनको विस्फोटक इनिङ्स खेले। उनले ५ चौका र १६ छक्का प्रहार गरे। यस्तै कुशल मल्लले ४७ बलमा ८५ रन बनाए भने कप्तान रोहित पौडेल २१ बलमा ६९ रन जोड्दै अविजित रहे।
भुर्तेलले खेलको नवौं ओभरमा लगातार ६ छक्का प्रहार गर्दै विशेष कीर्तिमान पनि बनाए। उनी एक ओभरमा ६ छक्का प्रहार गर्ने नेपालका दोस्रो तथा विश्व क्रिकेटका छैटौं खेलाडी बने।
चीनका लागि मा कुइनचेन र डेंग जिंकीले समान १–१ विकेट लिए ।
यस जितसँगै नेपालले एसियन गेम्स छनोट प्रतियोगितामा सुखद सुरुआत गर्दै आफ्नो दाबेदारी बलियो बनाएको छ।

The post भुर्तेलको कीर्तिमानी शतकमा चीनमाथि नेपालको २२१ रनको शानदार जित appeared first on Jankari Kendra.

एसियन गेम्स छनोटमा कुशल भुर्तेलको ऐतिहासिक कीर्तिमान

जानकारी केन्द्र — Sun, 31 May 2026 06:17:37 +0000

काठमाडौं । नेपाली राष्ट्रिय क्रिकेट टोलीका विस्फोटक ओपनर कुशल भुर्तेलले एसियन गेम्स छनोट प्रतियोगिताअन्तर्गत चीनविरुद्धको खेलमा ऐतिहासिक उपलब्धि हासिल गरेका छन्। उनले एकै ओभरमा लगातार ६ छक्का प्रहार गर्दै नेपाली क्रिकेटमा नयाँ कीर्तिमान कायम गरेका हुन्।
भुर्तेलले इनिङ्सको नवौं ओभरमा विपक्षी बलरका सबै ६ बललाई सीमा रेखापार पठाउँदै दुर्लभ उपलब्धि आफ्नो नाममा दर्ज गरे। क्रिकेट इतिहासमा एकै ओभरमा ६ छक्का प्रहार गर्ने खेलाडीको सूचीमा उनी नेपालका दोस्रो खेलाडी बनेका छन्।
यसअघि सन् २०२३ मा एसीसी प्रिमियर कपअन्तर्गत कतारविरुद्धको खेलमा दीपेन्द्रसिंह ऐरीले अन्तिम ओभरमा लगातार ६ छक्का प्रहार गर्दै यस्तो कीर्तिमान बनाएका थिए।
चीनविरुद्धको खेलमा भुर्तेलको आक्रामक ब्याटिङले नेपाललाई बलियो अवस्थामा पुर्याएको थियो। उनको यो उपलब्धिलाई नेपाली क्रिकेट इतिहासको स्मरणीय क्षणका रूपमा हेरिएको छ।

The post एसियन गेम्स छनोटमा कुशल भुर्तेलको ऐतिहासिक कीर्तिमान appeared first on Jankari Kendra.

टी–२० विश्वकपको तयारीका लागि २४ खेलाडीको नाम सार्वजनिक

जानकारी केन्द्र — Mon, 22 Dec 2025 08:00:53 +0000

काठमाडौं । आगामी माघ २५ गतेदेखि फागुन २४ गतेसम्म भारत र श्रीलंकामा आयोजना हुने आइसीसी टी–२० विश्वकपका लागि नेपालले आजदेखि तयारी शुरू गर्दैछ । नेपाल क्रिकेट संघ (क्यान) ले यसअघि राष्ट्रिय टोलीमा रहेका खेलाडी सहित अन्यलाई थप्दै २४ जनालाई प्रशिक्षणमा बोलाएको छ ।
१० दिनअघि सकिएको नेपाल प्रिमियर लिग (एनपीएल) सिजन २ को प्रदर्शनका आधारमा पनि खेलाडीलाई प्रशिक्षणमा बोलाइएको क्यानले जनाएको छ । रोहित पौडेल, कुशल भुर्तेल, आसिफ सेख, कुशल मल्ल, सन्दीप जोरा, दीपेन्द्रसिंह ऐरी, गुलशन झा, सोमपाल कामी, नन्दन यादव, सन्दीप लामिछाने, ललित राजवंशी, लोकेस बम, आरिफ सेख, आदील अन्सारी, करण केसी, साहब आलम, शेर मल्ल, विनोद भण्डारी, भीम सार्की, इशान पाण्डे, बसिर अहमद, प्रतिश जी सी, अविनाश बोहोरा, प्रतिष जीसी र रुपेश कुमार सिंह प्रशिक्षण क्याम्पमा परेका छन् ।
नेपालले भारतको मुम्बईमा आफ्नो समूह चरणका सबै खेल खेल्नेछ । नेपाल समूह सी मा इङ्ल्यान्ड, वेस्ट इन्डिज, बंगलादेश, इटालीसँग रहेको छ । नेपालले माघ २५ गते इङ्ल्यान्डसँग खेल्दै विश्वकपको शुरूवात गर्नेछ ।

The post टी–२० विश्वकपको तयारीका लागि २४ खेलाडीको नाम सार्वजनिक appeared first on Jankari Kendra.

एनपिएल : लुम्बिनी र विराटनगर भिड्दै

जानकारी केन्द्र — Thu, 11 Dec 2025 02:46:24 +0000

काठमाडौं । त्रिभुवन अन्तरराष्ट्रिय क्रिकेट रङ्गशाला जारी नेपाल प्रिमियर लिग (एनपिएल)अन्तर्गत दोस्रो क्वालिफायरमा आज अपराह्न ४ः०० बजे लुम्बिनी लायन्स र विराटनगर किङ्स भिड्दैछन् । पहिलो क्वालिफायरमा सुदूरपश्चिम रोयल्ससँग ७७ रनले पराजित भएपछि विराटनगरले दोस्रो क्वालिफायर खेल्ने मौका पाएको हो ।
लुम्बिनीले इलिमिनेटरमा काठमाडौँ गोर्खाजलाई ४ विकेटले हराएर दोस्रो क्वालिफायरमा पुग्न सफल भएको छ । लिग चरणमा लुम्बिनीले विराटनगरलाई ५ विकेटले हराएको हो । आज विजयी हुने टोली फाइनलमा पुग्ने भएकाले दुवै टोलीका लागि यो खेल महत्त्वपूर्ण छ । विजयी टोली उपाधिका लागि सुदूरपश्चिमसँग सामना गर्नेछ । फाइनल खेल यही मङ्सिर २७ गते हुनेछ ।

The post एनपिएल : लुम्बिनी र विराटनगर भिड्दै appeared first on Jankari Kendra.

एनपिएल : एलिमिनेटरमा काठमाडौं र लुम्बिनी भिड्दै

जानकारी केन्द्र — Wed, 10 Dec 2025 02:51:07 +0000

काठमाडौं । त्रिभुवन अन्तरराष्ट्रिय क्रिकेट रङ्गशाला जारी नेपाल प्रिमियर लिग (एनपिएल) अन्तर्गत इलिमिनेटरमा आज अपराह्न ४ः०० बजे काठमाडौं गोर्खाज र लुम्बिनी लायन्स भिड्दैछन् ।
काठमाडौं तेस्रो र लुम्बिनी चौथो स्थानमा छ । लिग चरणको खेलमा काठमाडौंले लुम्बिनीलाई २२ रनले हराएको थियो । आज जित्ने टोली दोस्रो क्वालिफायरमा विराटनगर किङ्ससँग भोलि खेल्नेछ । विराटनगर पहिलो क्वालिफायरमा सुदूरपश्चिम रोयल्ससंग पराजित भएको थियो ।

The post एनपिएल : एलिमिनेटरमा काठमाडौं र लुम्बिनी भिड्दै appeared first on Jankari Kendra.

एनपीएल लिगको अन्तिम खेल आज : कर्णाली याक्स र जनकपुर बोल्ट्स भिड्दै

जानकारी केन्द्र — Sun, 07 Dec 2025 06:07:17 +0000

काठमाडौं । नेपाल प्रिमियर लिग (एनपीएल) को लिग चरणको अन्तिम खेल आज कर्णाली याक्स र जनकपुर बोल्ट्सबीच हुने भएको छ। खेल दिउँसो साढे ३ बजेबाट सुरु हुनेछ।
दुवै टोली यस सिजनको प्लेअफ दौडबाट बाहिरिसकेकाले आजको खेलले समग्र लिग तालिकामा कुनै प्रभाव पार्नेछैन। कर्णाली र जनकपुरले यसअघिका ६–६ खेलमध्ये १–१ खेलमा मात्र जित दर्ज गरेका छन् भने ५–५ खेलमा हार बेहोर्नुपरेको छ। कर्णालीले आफ्नो एक मात्र जित लुम्बिनी लायन्सविरुद्ध हासिल गरेको थियो भने जनकपुरले चितवन राइनोजलाई पराजित गरेको थियो।
आजको खेल दुवै टोलीका लागि सम्मानजनक विदाइको अवसरका रूपमा हेरिएको छ। योसँगै कर्णाली याक्स, जनकपुर बोल्ट्स, चितवन राइनोज र पोखरा एभेन्जर्स प्लेअफ दौडबाट बाहिरिएका छन्।
प्लेअफमा सुदूरपश्चिम रोयल्स, विराटनगर किंग्स, काठमाडौँ गोर्खाज र लुम्बिनी लायन्स प्रवेश गरिसकेका छन्।

The post एनपीएल लिगको अन्तिम खेल आज : कर्णाली याक्स र जनकपुर बोल्ट्स भिड्दै appeared first on Jankari Kendra.

सुदूरपश्चिमलाई हराउँदै विराटनगर क्वालिफायरमा

जानकारी केन्द्र — Sat, 06 Dec 2025 09:13:21 +0000

काठमाडौं । फाफ डु प्लेसी र सम हिजलेटको आक्रमक अर्धशतकमा विराटनगरले किंग्सले सिद्धार्थ बैँक नेपाल प्रिमियर लिग (एनपीएल) मा सुदूरपश्चिम रोएल्सलाई ६ विकेटले पराजित गर्दै ६ खेलको अपराजित यात्रामा ब्रेक लगाइदिएको छ ।
सुदूरपश्चिमले दिएको १४८ रनको लष्य विराटनगरले ११.५ ओभरमा ४ विकेट गुमाएर १५० रन बनाउदै पूरा गरेको हो । यो जितपछि ७ खेलमा ५ जितबाट १० अंक जोडेको विराटनगर अंकतालिकामा दोस्रो स्थानमा उक्लेको छ र अब पहिलो क्वालिफायरमा सुदूरपश्चिमसँगै खेल्ने पक्का भएको हो ।
७ खेलबाट ५ जित र २ हारको नतिजाबाट विराटनगर र काठमान्डुले समान १० अंक जोडेपनि नेटरनरेटमा विराटनगरले काठमान्डुलाई पछि पार्दै लिगमा दोस्रो भएको हो ।
यसअघि नै शीर्ष स्थानमा रहने पक्का भइसकेको सुदूरपश्चिमले आजको खेलमा स्कट कुगेलेइन क्रिस लिन जस्ता खेलाडीहरुलाई आराम दिएको थियो । टस हारेर पहिले ब्याटिङ गरेको सुदूरले १४७ रन बनाएको थियो । विराटनगरले उक्त लक्ष्य १३.५ ओभर अगाडि नै पूरा गरेमा काठमाडौंलाई पछि पार्दै दोस्रो हुने थियो ।
त्यही अनुसा फाफ डु प्लेसी र साम हिजलेटले आक्रमक ब्याटिङ गरेपछि १४८ रनको लक्ष्य विराटनगरले १३ ओभरमा २ विकेट गुमाएर पूरा गरेको हो ।
विराटनगरका लागि साम हिजलेटले सर्वाधिक ५१ रन बनाए भने डु प्लेसीले ५० रन बनाए ।
१४८ रनको लक्ष्य पछ्याउने क्रममा विराटनगरका लागि फाफ डु प्लेसी र साम हिजलेटले ओपनिङ गर्दै आक्रमक सुरुवात दिलाएका थिए । यो जोडीले पावरप्लेमा अहिलेसम्मकै कीर्तिमानी ८७ रनको साझेदारी गर्‍यो । यस्तै डु प्लेसीले १९ बलमै अर्धशतक बनाउँदै एनपीएलमा संयुक्त रुपमा दोस्रो छिटो अर्धशतक पूरा गरे । अर्धशतक प्रहार गरेलगत्तै अर्को बलमा उनी आउट भए । २० बल खेलेका डु प्लेसीले ५ चौका र ४ छक्का प्रहार गरे ।
यस्तै हिजलेट पनि अर्धशतक बनाएलगत्तै आउट भए । हिजलेटले २७ बल खेल्दै ३ चौका र ४ छक्का मदतमा ५१ रन जोडे ।
यस्तै वान डाउनमा ब्याटिङ गरेका मार्टिन गप्टिलले पनि आक्रमक ब्याटिङ गर्दै ९ बलमा २२ रन योगदान गरे । यसक्रममा उनले ३ ...

The post सुदूरपश्चिमलाई हराउँदै विराटनगर क्वालिफायरमा appeared first on Jankari Kendra.

एनपीएल सिजन२ मा सहभागी हुन नेपाल आइपुगे दक्षिण अफ्रिकी क्रिकेटर फाफ डुप्लेसिस

जानकारी केन्द्र — Tue, 02 Dec 2025 07:42:16 +0000

काठमाडौं । दक्षिण अफ्रिकाका दिग्गज क्रिकेटर फाफडुप्लेसिस नेपाल प्रिमियर लिग (एनपीएल) मा आफ्नो टोलीलाई मजबुत बनाउन नेपाल आइपुगेका छन्।उनको आगमनले लिग इतिहासकै सबैभन्दा ठूलो उत्साह पैदा गरेको छ। नेपाली दर्शकले लामो अन्तर्राष्ट्रिय अनुभव, नेतृत्वदायी क्षमता र उत्कृष्ट क्रिकेट कौशल भएका फाफको खेल घरेलू मैदानमै प्रत्यक्ष हेर्ने मौका पाउने छन्। फाफ जस्तो विश्वस्तरीय खेलाडीको उपस्थिति हेर्न फ्यान र खेलाडी दुवै उत्तिकै उत्साहित छन्।
दक्षिणअफ्रिकी राष्ट्रिय टोलीका पूर्वकप्तान फाफ, मैदानमा शान्त, धैर्यवान र योजनाबद्ध नेतृत्वका लागिविश्वभर सम्मानित छन्।उनले आफ्नो अन्तर्राष्ट्रिय क्रिकेट यात्रामा टेस्ट क्रिकेटमा ४०को औसतले ४,०००भन्दा बढी रन र वानडे क्रिकेटमा ४७को औसतले ५,५००भन्दा बढी रन बनाएका छन्। दबाबका क्षणमा पनि बुद्धिमानीपूर्ण रणनीतिका साथ उत्कृष्ट प्रदर्शन गर्ने क्षमताले गर्दा उनी दक्षिण अफ्रिकाका भरपर्दो टप(अर्डर ब्याट्सम्यान मध्ये एक मानिन्छन्।
फ्रेन्चाइज क्रिकेटमा पनि फाफको उपस्थिति सधैं प्रभावशाली रहँदै आएको छ। उनले इन्डियन प्रिमियरलिग (आईपीएल) मा चेन्नई सुपरकिंग्सको तर्फबाट खेल्दै दुईपटक उपाधि जिताउन महत्वपूर्ण भूमिका खेलेका छन्। १५० भन्दा बढी आईपीएल खेलमा उच्च स्ट्राइकरेट कायम राखेका फाफले उच्च दवाब युक्तखेलमा पनि शान्त र समय मिलाएर खेल्ने क्षमता राख्छन्। यही अनुभव र कौशलले गर्दा एनपीएलमा उनको योगदान महत्त्वपूर्ण रहनेछ। नेपाली दर्शकले फाफको चिनारी बनेको पावर–हिटिङ, उत्कृष्ट टाइमिङ र रणनीतिक सोचले भरिएका रोमाञ्चक क्षणहरू हेर्न सक्नेछन्।
फाफडुप्लेसिस एनपीएलमा सहभागी भएसँगै प्रतियोगिता नयाँ उचाइमा पुग्ने निश्चित छ।उनको उपस्थितिले खेलको स्तरवृद्धि गर्नुका साथै युवा नेपाली खेलाडीहरूका लागि ठूलो प्रेरणा बन्नेछ। यसले लिगको रौनक बढाउने मात्र होइन, नेपाली क्रिकेटको विकास र क्षमताप्रति अन्तर्राष्ट्रिय क्षेत्रको ध्यान पनि आकर्षित गर्नेछ। एनपीएलको दोस्रो सिजन फाफको आगमनसँगै अझ रोमाञ्चक, प्रतिस्पर्धात्मक र अविस्मरणीय बन्ने अपेक्षा गरिएको छ।
बिराटनगर किंग्सको बारेमा :
बिराटनगर किंग्स, नेपाल प्रिमियर लिग (एनपीएल) मा कोशी प्रदेशलाई प्रतिनिधित्व गर्ने क्रिकेट फ्रेन्चाइज हो। स्थानीय प्रतिभालाई उजागर गर्ने, खेल भावना बढाउने तथा फ्यान एवम्समुदाय सँग गहिरोरूपमा जोडिनु यस फ्रेन्चाइजको मुख्य उद्देश्य हो। बिराटनगर किंग्स कोशी प्रदेशलाई गौरवान्वित बनाउने लक्ष्यका साथ निरन्तर क्रिकेट विकासमा समर्पित रहेको बताइएको छ।

The post एनपीएल सिजन२ मा सहभागी हुन नेपाल आइपुगे दक्षिण अफ्रिकी क्रिकेटर फाफ डुप्लेसिस appeared first on Jankari Kendra.

एनपिएलमा आज दुई खेल हुँदै

जानकारी केन्द्र — Tue, 02 Dec 2025 02:54:28 +0000

काठमाडौं । राजधानीमा जारी दोस्रो संस्करणको नेपाल प्रिमियर लिग (एनपिएल) अन्तर्गत आज दुई खेल हुँदैछन् । त्रिभुवन विश्वविद्यालय अन्तरराष्ट्रिय क्रिकेट रङ्गशाला कीर्तिपुरमा बिहान ११ः४५ बजे हुने पहिलो खेलमा साविक विजेता जनकपुर बोल्ट्स र चितवन राइनोज भिड्दा अपराह्न ४ः०० बजे हुने दोस्रो खेलमा पोखरा एभेन्जर्स र कर्णाली याक्स आमनेसामने हुनेछन् ।
लगातार चार खेल हारेर पुछारमा रहेको जनकपुर बोल्ट्स यो खेल जितेर गणितीय हिसाबले भए पनि प्लेअफको दौडमा कायम रहन चाहन्छ । चार खेलबाट दुई खेल जितेको चितवन राइनोज भने यो खेल जितेर प्लेअफको सम्भावना बलियो बनाउन चाहन्छ ।
अपराह्न ४ः०० बजे हुने दोस्रो खेलमा पोखरा र कर्णालीबीच भिडन्त हुनेछ । दुवै टोलीका लागि यो खेल प्लेअफ पुग्न महत्त्वपूर्ण छ । चार खेलमा एक खेलमात्र जितेको पोखरालाई यो खेल जिते प्लेअफको यात्रामा पुग्न सहज हुनेछ ।

The post एनपिएलमा आज दुई खेल हुँदै appeared first on Jankari Kendra.

एनपिएलमा आज लुम्बिनी र पोखरा तथा सुदूरपश्चिम र जनकपुर आमनेसामने हुँदै

जानकारी केन्द्र — Sat, 29 Nov 2025 03:22:23 +0000

काठमाडौं । राजधानीमा जारी दोस्रो संस्करणको नेपाल प्रिमियर लिग (एनपिएल)मा आज पनि दुई खेल हुँदैछन् ।
त्रिभुवन अन्तरराष्ट्रिय क्रिकेट रङ्गशालामा ११ः४५ बजे हुने पहिलो खेलमा लुम्बिनी लायन्स र पोखरा एभेन्जर्स भिड्दा अपराह्न ४ः०० बजे साविक विजेता जनकपुर बोल्ट्स र साविक उपविजेता सुदूरपश्चिम रोयल्स खेल्नेछन् ।
रोहित पौडेलको कप्तानीमा रहेको लुम्बिनी चारमध्ये एक र कुशल भुर्तेलको कप्तानीमा रहेको पोखराले तीन खेलबाट एक खेल नै जितेको छ । लुम्बिनी अङ्क तालिकाको सातौँ र पोखरा छैटौँ स्थानमा छ । प्लेअफको सम्भावना जीवितै राख्न दुवै टोलीलाई यो खेल जित्नुपर्ने अवस्था छ ।
यस्तै अपराह्न हुने दोस्रो खेलमा जनकपुरले सुदूरपश्चिमको सामना गर्नेछ । तीन खेल खेलेर अङ्कविहीन अवस्थामा रहेको जनकपुर आजको जित निकाल्दै पहिलो जित निकाल्ने लक्ष्यमा छ । अङ्कतालिकाको पुछारमा रहेको जनकपुरले यो खेल नजिते प्लेअफ दौडबाट बाहिरिने सम्भावना छ।
यता अपराजित रहेको सुदूरपश्चिम भने चारवटै खेल जितेर अङ्क तालिकाको पहिलो स्थानमा छ । आजको खेल जितेर सुदूरपश्चिम प्लेअफमा स्थान सुरक्षित गर्न चाहन्छ । य सका साथै गत संस्करणको फाइनलमा जनकपुरसँग हारेको बदला समेत लिने दाउमा सुदूरपश्चिम रहनेछ । यो खेल निकै रोमाञ्चक हुने अनुमान गरिएको छ ।

The post एनपिएलमा आज लुम्बिनी र पोखरा तथा सुदूरपश्चिम र जनकपुर आमनेसामने हुँदै appeared first on Jankari Kendra.

आज एनपीएलमा दुई खेल हुँदै

जानकारी केन्द्र — Fri, 28 Nov 2025 02:57:42 +0000

काठमाडौं । राजधानीमा जारी दोस्रो संस्करणको नेपाल प्रिमियर लिग (एनपिएल) अन्तर्गत आज पनि दुई खेल हुँदैछन् ।
त्रिभुवन विश्वविद्यालय अन्तरराष्ट्रिय क्रिकेट रङ्गशालामा पहिलो खेल ११ः४५ चितवन राइनोज र काठमाडौँ गोर्खाज तथा दोस्रो खेल अपराह्न ४ः०० कर्णाली याक्स र विराटनगर किङ्सबीच हुनेछ ।
चितवन चार अङ्कका साथ अङ्क तालिकाको तेस्रो स्थानमा छ भने काठमाडौँले खेलमा दुई अङ्क मात्र बटुलेको छ । तीन खेलबाट दुई अङ्क जोडेको कर्णालीलाई प्लेअफको यात्रालाई कायम राख्न जित्नैपर्ने दबाब छ।
अङ्क तालिकाको दोस्रो स्थानमा रहेको विराटनगरले चार खेलबाट छ अङ्क जोडेको छ । आजको खेल जितेमा उसको प्लेअफको यात्रा सहज हुनेछ ।

The post आज एनपीएलमा दुई खेल हुँदै appeared first on Jankari Kendra.

एनपिएल : आज दुई खेल हुँदै

जानकारी केन्द्र — Thu, 27 Nov 2025 02:03:03 +0000

काठमाडौं । राजधानीमा जारी दोस्रो संस्करणको नेपाल प्रिमियर लिग (एनपिएल)अन्तर्गत आज लुम्बिनी लायन्स र सुदूरपश्चिम रोयल्स तथा जनकपुर बोल्ट्स र पोखरा एभेन्जर्सबीच प्रतिस्पर्धा हुँदैछ ।
त्रिभुवन विश्वविद्यालयको अन्तरराष्ट्रिय क्रिकेट रङ्गशालामा पहिलो खेल ११ः४५ र दोस्रो खेल अपराह्न ४ः०० बजे हुनेछ । रोहितकुमार पौडेलको कप्तानीमा लुम्बिनी सुदूरपश्चिमलाई पराजित गर्ने लक्ष्यमा छ । तीन खेलमा एउटा मात्र जितेको लुम्बिनी अङ्क तालिकाको छैटौँ स्थानमा छ ।
दीपेन्द्रसिंह ऐरीको कप्तानीमा सुदूरपश्चिम लगातार तीन जितका साथ अङ्क तालिकामा शीर्ष स्थानमा छ । यो टोलीले ६ अङ्क बटुलेको छ । अनिल शाह नेतृत्वको साविक विजेता जनकपुर र कुशल भुर्तेलको कप्तानीमा पोखरा जित आफ्नो पोल्टामा पार्ने दाउमा छन् । यसअघि जनकपुर र पोखरा दुवै खेलमा पराजित भएका थिए ।

The post एनपिएल : आज दुई खेल हुँदै appeared first on Jankari Kendra.

विराटनगर किंग्सले जनकपुर बोल्ट्सलाई ९ रनले हरायो

जानकारी केन्द्र — Mon, 24 Nov 2025 10:21:52 +0000

काठमाडौं । साविक विजेता जनकपुर बोल्ट्समाथि रोमाञ्चक जित निकाल्दै विराटनगर किंग्सले नेपाल प्रिमियर लिग (एनपीएल) दोस्रो संस्करणमा लगातार तेस्रो जित हात पारेको छ ।
विराटनगरले जनकपुर बोल्टसलाई जारी एनपीएलमा ९ रनले पराजित गरेको हो । साविक विजेता जनकपुरको यो लगातार दोस्रो हार हो ।
विराटनगरले दिएको १३६ रनको लक्ष्य पछ्याएको जनकपुर बोल्ट्सले पूरै २० ओभरमा खेल्दा ९ विकेट गुमाएर १२६ रन मात्र बनाउन सक्यो ।
जान निकोल लोफ्टी इटनले ४१ रन बनाउँदा लाहिरु मालिन्थाले २३, सञ्जय कृष्णमुर्तीले २०, आसिफ शेखले १३ रन जोडे।बलिङतर्फ विराटनगरका सन्दीप लामिछानेले चार, सुर्य तामाङले दुई तथा शुभम रन्जाने र मर्चान्ट डि लान्जले एक–एक विकेट लिए ।
त्यसअघि टस हारेर पहिले ब्याटिङमा उत्रिएको विराटनगरले २० ओभरमा ७ विकेटको क्षतिमा १३५ रन जोड्यो । उसका लागि बसिर अहमदले सर्वाधिक ३६ रन जोडे । यस्तै, लोकेश बमले २८, शुभम रन्जानेले १५, मार्टिन गप्टिलले १३, जर्ज मुन्सीले १० रन जोडे।
जनकपुरका संगीथ कुरेले ४ ओभरमा २६ रन खर्चेर दुई विकेट लिए भने रुपेश सिंहले २ ओभरमा १२ रन खर्चेर दुई विकेट लिँदा आदित्य महताले २ ओभरमा १६ रन खर्चेर एक विकेट लिए।
पहिलो खेलमा जनकपुर काठमाण्डु गोर्खाजसँग पराजित भएको थियो। विराटनगरले पहिलो खेलमा पोखरा एभेन्जर्सलाई तथा दोस्रो खेलमा काठमाण्डु गोर्खाजलाई हराएको थियो।

The post विराटनगर किंग्सले जनकपुर बोल्ट्सलाई ९ रनले हरायो appeared first on Jankari Kendra.

आज एनपीएलमा दुई खेल हुँदै

जानकारी केन्द्र — Sat, 22 Nov 2025 03:40:37 +0000

काठमाडौं । नेपाल प्रिमियर लिग (एनपीएल) क्रिकेटमा आज दुई रोचक खेल हुँदैछन्। पहिलो खेल कर्णाली याक्स र लुम्बिनी लायन्सबीच बिहान ११:१५ बजेबाट सुरु हुनेछ। जारी लिगमा लुम्बिनीले आफ्नो पहिलो खेल जितेको छ भने कर्णाली याक्स भने पहिलो खेलमै पराजित भएको थियो।
लुम्बिनी लायन्स रोहित कुमार पौडेलको कप्तानीमा खेल्दैछ। टोलीमा सन्दीप जोरा, विवेक यादव जस्ता राष्ट्रिय खेलाडी साथै थोमस ड्राका, डार्सी सर्ट, गुलबदीन नाइब, जेजे स्मिथ र रुबेन ट्रम्पलम्यान जस्ता अन्तर्राष्ट्रिय खेलाडी रहेका छन्।
त्यस्तै, कर्णाली याक्स सोमपाल कामीको कप्तानीमा मैदान उत्रनेछ। टोलीमा गुलशन झा, नन्दन यादव, पवन सराफ जस्ता राष्ट्रिय खेलाडीसमेत छन्। विदेशी खेलाडीमा जयकिशन कोलसावाला, म्याक्स ओ’डाउड, प्रियांक पञ्चाल, मार्क वाट र नाजिबउल्लाह जद्रान खेल्नेछन्।
आजको दोस्रो खेल काठमाडौँ गोर्खाज र विराटनगर किङ्सबीच दिउँसो ३:३० बजेबाट हुनेछ। काठमाडौँ गोर्खाजले यसअघि २ खेलमा एक जित र एक हार हात पारेको छ भने विराटनगरले आफ्नो पहिलो खेलमै जीत हासिल गरेको थियो।
काठमाडौँ गोर्खाज कर्ण केसीको कप्तानीमा खेल्दैछ। टोलीमा भीम सार्की, शाहब अलाम, मोहमद आदिल आलम जस्ता राष्ट्रिय खेलाडी तथा मार्वे गेरार्ड इरासमस, जोन एन्ड्र्यु सिम्पसन र मिलिन्द कुमार जस्ता विदेशी खेलाडी छन्।
विराटनगर किङ्स सन्दीप लामिछानेको कप्तानीमा मैदानमा उत्रिनेछ। टोलीमा लोकेश बम, प्रतिश जिसी जस्ता राष्ट्रिय खेलाडी छन् भने विदेशी खेलाडीमा जर्ज मुन्सी, मार्टिन गप्टिल, शुभम सुबहस रंजने, मर्चेन्ट डी लंगे, फाफ डु प्लेसिस र साम्युएल डाली हीजलेट रहेका छन्।
आजका दुवै खेलले अंक तालिकामा महत्वपूर्ण प्रभाव पार्ने अपेक्षा गरिएको छ।

The post आज एनपीएलमा दुई खेल हुँदै appeared first on Jankari Kendra.