Share Market Archives - Jankari Kendra

नेप्सेमा सुधारभएसँगै ८.७८ अंकको वृद्धि, ३ अर्बभन्दा बढीको कारोबार

जानकारी केन्द्र — Tue, 05 May 2026 10:23:38 +0000

काठमाडौं । नेपालको शेयर बजारमा आज उत्साहजनक सुधार देखिएको छ। नेपाल स्टक एक्सचेञ्ज (नेप्से) परिसूचक ८.७८ अंकले वृद्धि हुँदै २७१२.८६ बिन्दुमा पुगेर बन्द भएको छ। आजको कारोबारमा ३३५ वटा कम्पनीका ७७ करोड ३४ लाख कित्ता शेयर किनबेच भएका छन्। कुल कारोबार रकम ३ अर्ब ४३ करोड ९० लाख ६८ हजार रुपैयाँ पुगेको छ, जसले बजारमा लगानीकर्ताको सक्रियता देखाएको छ।
उपसूचकतर्फ भने मिश्रित अवस्था देखिएको छ। ६ वटा उपसूचक ओरालो लाग्दा केही क्षेत्रमा दबाब देखिएको हो। यस्तै, कुल ७ कम्पनीको शेयर मूल्य घटेको उल्लेख छ। कारोबारका आधारमा मंगलबार १६२ कम्पनीको शेयर मूल्य बढेको छ भने ९० कम्पनीको मूल्य घटेको छ। साथै, १६ कम्पनीको शेयर मूल्य स्थिर रहेको छ।
बजारमा हरियाली देखिए पनि केही उपसूचकमा आएको गिरावटले लगानीकर्तालाई सतर्क रहन संकेत गरेको देखिएको छ।

The post नेप्सेमा सुधारभएसँगै ८.७८ अंकको वृद्धि, ३ अर्बभन्दा बढीको कारोबार appeared first on Jankari Kendra.

नेप्से परिसूचकमा ३४.६३ अङ्कको गिरावट

जानकारी केन्द्र — Mon, 04 May 2026 11:26:29 +0000

काठमाडौँ । नेपाल स्टक एक्सचेञ्ज (नेप्से) परिसूचक ३४ दशमलव ६३ अङ्कले घटेर दुई हजार ७०४ दशमलव ०८ बिन्दुमा कायम भएको छ । यो एक दशमलव २६ प्रतिशतको गिरावट हो ।
आज ३४१ कम्पनीको एक करोड ७४ हजार ५२४ कित्ता शेयर ६८ हजार ६३५ पटक खरिद बिक्री हुँदा रु चार अर्ब २६ करोड ५३ लाख ९० हजार २०४ बराबरको कारोबार भएको बताइएको छ ।
आजको कारोबारमा लघुवित्त समूह सामान्य अङ्कले बढेको छ भने अरु सबै समूहको उपसूचक घटेको छ । बैंकिङ शून्य दशमलव ८६, विकास बैंक दुई दशमलव १४, वित्त शून्य दशमलव ९६, होटल तथा पर्यटन एक दशमलव ३५, जलविद्युत् दुई दशमलव २३ र लगानी एक दशमलव ३६ प्रतिशतले घटेको छ ।
त्यस्तै, जीवन बीमा शून्य दशमलव ४९, उत्पादन तथा प्रशोधन दुई दशमलव दुई दशमलव ५४, म्युचुअल फन्ड शून्य दशमलव ६२, निर्जीवन बीमा शून्य दशमलव ९३, व्यापार एक दशमलव ३८ र अन्य समूह शून्य दशमलव ५० प्रतिशतले घटेको जनाइएको छ ।

The post नेप्से परिसूचकमा ३४.६३ अङ्कको गिरावट appeared first on Jankari Kendra.

नेप्सेमा १०.२५ अंकको गिरावट

जानकारी केन्द्र — Sun, 08 Feb 2026 09:54:08 +0000

काठमाडौं । नेपाल स्टक एक्सचेञ्ज (नेप्से) सूचक आइतबार १०.२५ अंकले घटेर २६९८.४४ बिन्दुमा कायम भएको छ। आज ३३० कम्पनीका २ करोड ६२ लाख ३६ हजार २०४ कित्ता शेयर किनबेच हुँदा कुल ११ अर्ब ६५ करोड ९७ लाख रुपैयाँ बराबरको कारोबार भएको छ।
कारोबारमा ११ उपसूचक घटेका छन् भने इन्भेष्टमेन्ट र अन्य समूहमा मात्र सामान्य सुधार देखिएको छ। यसदिन ८५ कम्पनीको शेयर मूल्य बढ्दा १६८ कम्पनीको घटेको र ७ कम्पनीको मूल्य स्थिर रहेको छ।

The post नेप्सेमा १०.२५ अंकको गिरावट appeared first on Jankari Kendra.

नेप्से आज घट्यो कि बढ्यो ?

जानकारी केन्द्र — Wed, 21 Jan 2026 09:58:29 +0000

काठमाडौं । मंगलबार उल्लेखनीय सुधार देखिएको शेयर बजारमा बुधबार भने करेक्सन देखिएको छ। लगानीकर्ताहरू नाफा बुक गर्नतर्फ आकर्षित हुँदा बजारमा केही गिरावट आएको हो। यद्यपि समग्र बजारमा सामान्य रूपमा सकारात्मक लय भने कायम नै रहेको देखिन्छ।
नेपाल स्टक एक्सचेञ्ज (नेप्से) परिसूचक बुधबार ९.४३ अंकले घट्दै २,७०५.३८ बिन्दुमा कायम भएको छ। यस दिन ३२४ कम्पनीका २ करोड १६ लाख ४१ हजार कित्ता शेयर किनबेच हुँदा कुल कारोबार रकम ८ अर्ब ९२ करोड ३६ लाख रुपैयाँ पुगेको छ।
क्षेत्रगत सूचकतर्फ वाणिज्य बैंक समूह ०.१८ प्रतिशत, विकास बैंक समूह ०.५९ प्रतिशत, फाइनान्स समूह १.६७ प्रतिशत तथा होटल तथा पर्यटन समूह १.८८ प्रतिशतले घटेको छ।
बुधबारको कारोबारमा ८२ कम्पनीको शेयर मूल्य बढेको छ भने १७४ कम्पनीको घटेको छ। ३ कम्पनीको शेयर मूल्य स्थिर रहेको नेप्सेले जनाएको छ।

The post नेप्से आज घट्यो कि बढ्यो ? appeared first on Jankari Kendra.

नेप्से परिसूचकमा ४२ अङ्कको वृद्धि

जानकारी केन्द्र — Tue, 20 Jan 2026 10:20:17 +0000

काठमाडौं । शेयर बजारमा आज उल्लेखनीय सुधार देखिएको छ । मंगलबार नेपाल स्टक एक्सचेञ्ज (नेप्से) ४२.२६ अंकले बढेर २७१४.८१ बिन्दुमा पुगेको छ । आज ३३९ कम्पनीको २ करोड ५१ लाख ८५ हजार कित्ता शेयर कारोबार हुँदा कुल कारोबार रकम ११ अर्ब ८५ करोड ८४ लाख रुपैयाँ पुगेको छ ।
यस दिन सबैजसो समूहमा हरियाली देखिएको छ । १३ उपसूचकमा वृद्धि देखिँदा वाणिज्य बैंक समूह १.२४ प्रतिशत, विकास बैंक समूह १.४५ प्रतिशत, फाइनान्स समूह ०.९७ प्रतिशत र होटल तथा पर्यटन समूह ३.३६ प्रतिशतले बढेको छ ।
कारोबारका आधारमा मंगलबार २२४ कम्पनीको शेयर मूल्य बढेको छ भने ३१ कम्पनीको घटेको छ । ५ कम्पनीको शेयर मूल्य भने स्थिर रहेको नेप्सेले जनाएको छ ।

The post नेप्से परिसूचकमा ४२ अङ्कको वृद्धि appeared first on Jankari Kendra.

नेप्से परिसूचकमा ३१ अंकको वृद्धि

जानकारी केन्द्र — Sun, 18 Jan 2026 11:31:16 +0000

काठमाडौं । नेपाल स्टक एक्सचेञ्ज (नेप्से) परिसूचक आइतबार ३१.१२ अंकले बढेर २६७२.५५ बिन्दुमा पुगेको छ। बजारमा व्यापक खरीद चाप देखिँदा समग्र कारोबार पनि उत्साहजनक बनेको हो।
आज ३३८ कम्पनीको १ करोड ६६ लाख ११ हजार कित्ता शेयर किनबेच हुँदा कुल ८ अर्ब ४० करोड २७ लाख ९७ हजार रुपैयाँ बराबरको कारोबार भएको छ।
यसदिन फाइनान्स र विकास बैंक समूहमा बलियो बुल देखिएको छ। फाइनान्स समूहको सूचक ५.७३ प्रतिशतले उक्लिएको छ भने विकास बैंक समूह ३.०३ प्रतिशतले बढेको हो। बजारका १३ वटै उपसूचक हरियालीमा बन्द भएका छन्।
कारोबार अवधिमा २२४ कम्पनीको शेयर मूल्य बढेको छ भने ३१ कम्पनीको घटेको छ। ५ कम्पनीको शेयर मूल्य स्थिर रहेको छ। आज सागर डिस्टिलरी, उन्नती सहकार्य, श्रीनगर र गोर्खाज फाइनान्सको शेयर मूल्यमा सकारात्मक सर्किट लागेको छ, जसले बजारमा लगानीकर्ताको मनोबल थप उच्च बनाएको छ।

The post नेप्से परिसूचकमा ३१ अंकको वृद्धि appeared first on Jankari Kendra.

चार अंकले बढ्यो नेप्से

जानकारी केन्द्र — Thu, 08 Jan 2026 11:20:41 +0000

काठमाडौं । नेपाल स्टक एक्सचेञ्ज (नेप्से) परिसूचक आज ४.५९ अंकले बढेर २६४०.५४ बिन्दुमा कायम भएको छ । आज ३२८ कम्पनीका १ करोड ४ लाख ३१ हजार ७६० कित्ता शेयर किनबेच हुँदा ४ अर्ब ९० करोड ८० लाख रुपैयाँ बराबरको कारोबार भएको हो ।
यसदिन ७ उपसूचक बढेका छन् भने ६ उपसूचकमा गिरावट आएको छ । कुल १२९ कम्पनीको शेयर मूल्य बढेको छ, ११५ कम्पनीको घटेको छ भने १५ कम्पनीको शेयर मूल्य स्थिर रहेको छ।

The post चार अंकले बढ्यो नेप्से appeared first on Jankari Kendra.

नेप्से परिसूचकमा २८ अंकको वृद्धि

जानकारी केन्द्र — Mon, 05 Jan 2026 09:56:20 +0000

काठमाडौं । नेपाल स्टक एक्सचेञ्ज (नेप्से) सोमबार २८.७३ अंकले बढेर २६३९.३७ बिन्दुमा पुगेको छ। आज ३३५ कम्पनीको १ करोड २४ लाख ५९ हजार कित्ता शेयर किनबेच हुँदा ६ अर्ब ४७ करोड ३७ लाख रुपैयाँको कारोबार भएको छ।
कारोबार दिनभर १३ वटै उपसूचक हरियाली भएका छन्। २१४ कम्पनीको शेयर मूल्य बढ्दा ३७ कम्पनीको घटेको छ भने ८ कम्पनी स्थिर रहे। यसदिन ६ कम्पनीमा सकारात्मक सर्किट लागेको छ।

The post नेप्से परिसूचकमा २८ अंकको वृद्धि appeared first on Jankari Kendra.

आज नेप्से घट्यो कि बढ्यो ?

जानकारी केन्द्र — Wed, 31 Dec 2025 11:07:19 +0000

काठमाडौं । साता कारोबारको तेस्रो दिन अर्थात् बुधबार शेयर बजार सामान्य अंकले बढेको छ । नेपाल स्टक एक्सचेञ्ज (नेप्से) परिसूचक १०.८७ अंकले उक्लिँदै २६३३.७६ बिन्दुमा कायम भएको छ ।
यसअघि सोमबार भारी गिरावट आएको बजार बुधबार सुधार देखिँदा लगानीकर्तामा केही राहत मिलेको छ । बजार बढेसँगै कारोबार रकम पनि वृद्धि भएको छ । आज बजारमा कारोबार भएका ३४२ कम्पनीको १ करोड १९ लाख कित्ता शेयर खरिद–बिक्री हुँदा कुल ५ अर्ब १३ करोड ४८ लाख रुपैयाँको कारोबार भएको छ ।
नेपाल राष्ट्र बैंकले शेयर बजारमैत्री नीति अपनाएको र अर्थमन्त्रालयले पनि बजारसम्बन्धी विषयमा सकारात्मक कदम चालेको देखिएको छ । साथै राजनीतिक स्थिरता, नीतिगत सुधार र बैंक ब्याजदर न्यून बिन्दुमा रहेकाले शेयर बजारले नयाँ यात्रा तय गर्ने विश्वास लगानीकर्तामा बढेको छ ।
बुधबार कारोबार भएका सबै उपसूचकमा हरियाली छाएको छ । बैंकिङ, म्यानुफ्याक्चरिङलगायतका सूचक सर्वाधिक बढेका छन् । यस दिन १६३ कम्पनीको शेयर मूल्य बढ्दा ८९ कम्पनीको घटेको छ ।

The post आज नेप्से घट्यो कि बढ्यो ? appeared first on Jankari Kendra.

नेप्से आज घट्यो कि बढ्यो ?

जानकारी केन्द्र — Sun, 28 Dec 2025 11:23:06 +0000

काठमाडौं । नेपाल स्टक एक्सचेञ्ज (नेप्से) आइतबार ४७.५५ अंकले बढेर २६३३.४२ बिन्दुमा कायम भएको छ। आज नेप्सेमा ३२८ कम्पनीको १ करोड ३४ लाख ६८ हजार कित्ता शेयर किनबेच हुँदा कुल ५ अर्ब ५३ करोड १३ लाख रुपैयाँ बराबरको कारोबार भएको हो।
यसदिन सबै १३ वटै उपसूचकमा हरियाली आएको छ। वाणिज्य बैंक समूह १.६६ प्रतिशत, विकास बैंक समूह २.२८ प्रतिशत, फाइनान्स समूह २.७० प्रतिशत र होटल तथा पर्यटन समूह १.३८ प्रतिशतले बढेका छन्।
कारोबारका क्रममा २३८ कम्पनीको शेयर मूल्य बढेको छ भने २१ कम्पनीको घटेको छ।

The post नेप्से आज घट्यो कि बढ्यो ? appeared first on Jankari Kendra.

नेप्से परिसूचकमा उच्च अङ्कको गिरावट

जानकारी केन्द्र — Sun, 03 Aug 2025 11:28:45 +0000

काठमाडौं । साताको पहिलो दिन नेप्से परिसूचक ६३ अंकले घटेको छ। गत शुक्रबारको तुलनामा २.८ प्रतिशतले घटेर २८५८.९० बिन्दुमा रोकिएको हो ।
आज ३१९ कम्पनीको तीन करोड २२ लाख ६० हजार कित्ता सेयर खरिद बिक्री भएको छ । जसअनुसार कारोबार रकम १३ अर्ब सात करोड ५० लाख रुपैयाँ भएको छ । अघिल्लो दिन १५ अर्बभन्दा धेरैको सेयर कारोबार भएको थियो।
आज नेप्सेका सबै १३ वटा समूहकै सूचकमा गिरावट आएको छ। लघुवित्त र अन्य समूह सर्वाधिक तीन प्रतिशतभन्दा धेरैले घट्दा बैंक, लगानी, जीवन बिमा र उत्पादन तथा प्रशोधन समूह दुई प्रतिशतभन्दा धेरैले घटेका छन्।

The post नेप्से परिसूचकमा उच्च अङ्कको गिरावट appeared first on Jankari Kendra.

नेप्से परिसूचकमा २७ अंकको वृद्धि

जानकारी केन्द्र — Thu, 10 Jul 2025 10:30:37 +0000

काठमाडौं । नेपाल स्टक एक्सचेञ्ज (नेप्से) परिसूचक बिहीबार २७.१५ अंकले बढेर २७३३.०६ बिन्दुमा पुगेको छ। आजको कारोबारमा ३१२ वटा कम्पनीका कुल २ करोड ६४ लाख ७० हजार कित्ता शेयर खरिद–बिक्री भएका छन्। यसबाट कुल कारोबार रकम ९ अर्ब ६८ करोड २४ लाख ८८ हजार रुपैयाँ पुगेको नेप्सेले जनाएको छ।
बजार समूहगत सूचकांक हेर्दा वाणिज्य बैंक समूहमा सर्वाधिक ३.१५ प्रतिशतले वृद्धि देखिएको छ। त्यसैगरी विकास बैंक समूह १.२३ प्रतिशतले, माइक्रोफाइनान्स समूह १.७५ प्रतिशतले, फाइनान्स समूह ०.७४ प्रतिशतले, होटल तथा पर्यटन समूह ०.२६ प्रतिशतले, इन्भेष्टमेन्ट समूह ०.१९ प्रतिशतले र जीवन बीमा समूह पनि ०.१९ प्रतिशतले बढेका छन्।
यता, व्यापार समूह र केही माइक्रोफाइनान्स कम्पनीको शेयर मूल्य भने घटेको देखिएको छ। कारोबार रकम, सूचकांक वृद्धिदर तथा समूहगत वृद्धिले लगानीकर्तामा सकारात्मक सन्देश प्रवाह भएको देखिन्छ।

The post नेप्से परिसूचकमा २७ अंकको वृद्धि appeared first on Jankari Kendra.