अनेरास्ववियु प्रदर्शनमाः पेट्रोलियम पदार्थको मूल्य घटाउन माग

काठमाडौं । आज विहान अनेरास्ववियु उपत्यका विशेष कमिटीको आयोजनामा नेपाल आयल निगमको केन्द्रीय कार्यालय अगाडि विरोध प्रदर्शन गरिएको हो । अन्तर्राष्ट्रिय बजारमा पेट्रोलियम पदार्थको मूल्य घटे पनि नेपालमा नघटाइएको भन्दै कार्यकर्ताहरुले सरकारविरुद्ध प्रदर्शन गरेका हुन् ।

अनेरास्ववियुले पेट्रोल, डिजेल र खाना पकाउने ग्यासको अन्तर्राष्ट्रिय बजार मूल्य घटे अनुसार समायोजन गर्नुपर्ने माग गरेको छ । प्रदर्शनकारीहरुले प्रधानमन्त्री शेरबहादुर देउवाविरुद्ध नाराबाजी गर्दै राजीनामाको माग गरेका थिए ।

नेपाल आयल निगमले भारतीय आयल कर्पोरेसनले पठाएको मूल्य अनुसार मूल्य समायोजन गर्दै आएको छ । मूल्य बढेर आउँदा बढाउने र घटेर आउँदा घटाउने स्वचालित प्रणाली लागू हुँदै आएको छ । तर यसपाली भने आयल निगम घाटामा रहेको कारण नघटाउने निर्णयमा छ ।