आज नेप्सेमा करेक्सन, १ अर्ब ६४ करोडमाथि कारोबार
काठमाडौं । आज बिहीबार सेयर बजारमा करेक्सन देखिएको छ । गत मंगलबारदेखि लगातार बढेको सेयर बजारमा आज करेक्सन देखिएको छ ।
आज सेयर कारोबार मापक नेप्से परिसूचक ५.८७ अंकले घटेर २०४४.७२ विन्दुमा पुगेको छ । नेप्से ०.२९ प्रतिशतले घटेको हो । सेन्सेटिभ परिसूचक भने ०.८६ अंकले बढेर ३९१.६४ विन्दुमा पुगेको छ ।
यस दिन जम्मा २२५ वटा कम्पनीको ३९ लाख ८ हजार ३ सय ९५ कित्ता सेयर कारोबार भई १ अर्ब ६४ करोड २६ लाख ४८ हजार ५ सय ८७ रूपैयाँको कारोबार भएको छ । त्यस्तै, कूल १३ उपसमूहमध्ये आज २ उपसमूहको सेयर बढेको छ भने बाँकी ११ उपसमूहको सेयर घटेको छ । बैंकिङ्ग र अन्य उपसमूहबाहेक बाँकी सबै उपसमूह घटेका छन् ।
बिहीबार पनि शिवम् सिमेन्टले १७ करोड ८० लाख एक हजार रूपैयाँले सर्वाधिक कारोबार गरेको छ ।
यसैगरी, आज सेन्ट्रल फाइनान्स कम्पनी लिमिटेडका लगानीकर्ताले सर्वाधिक कमाएका छन् । सेयरमूल्य ३.१६ प्रतिशतले बढेर ३ सय २६ रूपैयाँ पुगेको छ । आज १२ प्रतिशत आइसीएफसी फाइनान्स लिमिटेड डिबेञ्चर २०८३ को मूल्य सबैभन्दा धेरै घटेको छ । जहाँ सेयरमूल्य ६.७१ प्रतिशतले घटेर प्रतिकित्ता १ हजार ४६ रूपैयाँमा रोकिएको छ ।
नेपाल राष्ट्र बैंकले भोलि शुक्रबार मौद्रिक नीति सार्वजनिक गर्ने हुँदा लगानीकर्ताहरू नीतिगत परिवर्तनमा चासो लिएर बसेका छन् । यही परिवर्तनको आधारमा बजारको यात्रा तय हुनेछ ।
सम्बन्धित समाचार
आज एकैदिन सुनको मूल्यमा ६ हजार ३०० रुपैयाँको गिरावट
१२.७९ अंकले घट्यो नेप्से, ४ अर्ब ७५ करोडको कारोबार
नबिल बैंक नवौँ पटक बन्यो सबैभन्दा बढी कर तिर्ने बैंक
सुन र चाँदीको मूल्यमा गिरावट, सुन तोलामा १ हजार ९ सयले घट्यो
नेप्सेमा सामान्य सुधार, कारोबार रकम साढे सात अर्ब नाघ्यो
मंगलबार नेप्सेमा ६.६२ अंकको वृद्धि
ट्रेन्डिङ
क्यूजे मोटर नेपालद्वारा पारस खड्का ब्रान्ड एम्बेसडरको रूपमा नियुक्त
आज देखि काठमाडौँ उपत्यकामा पशु वधवाला तथा मासु जाँच ऐन लागू
स्थानीय तहको निर्वाचन चैत पहिलो साताभित्रै गराउने आयोगको तयारी
कृषि यान्त्रीकरण प्रदर्शनीको सपोर्टिङ पार्टनरमा थपिए ग्लोबल आइएमई बैंक र ओविफर्ट, प्रदर्शनीको तयारी तिब्र
२०८३ मंसिर ३ गते बिहिबार ,यस्तो रहेको छ तपाईको आजको राशिफल
