नेपाली बजारमा केही दिन यता सुनको मुल्य बढ्ने क्रम जारी छ । बिहीबार प्रतितोला ८९ हजार रुपैयाँमा कारोबार भएको सुन शुक्रबार (आज) ९ सय रुपैयाँले बढेको हो ।

नेपाल सुनचाँदी व्यवसायी महासंघको अनुसार आज सुन प्रतितोला ८९ हजार ९ सय रुपैयाँमा खरिद विक्रि भएको छ । तेजाबी सुन बिहीबार ८८ हजार ५५० रुपैयाँमा कारोबार भएको आज ८९ हजार ४५० रुपैयाँमा कारोबार भएको छ । त्यस्तै, चाँदीको मुल्य भने स्थिर छ । आज तोलामा १२ सय ८० रुपैयाँमा कारोबार भएको महासंघले जनाएको छ ।