कुन महिनामा जन्मिएको मान्छेको स्वभाव कस्तो? पढौँ..

धर्मग्रन्थहरुले र ज्योतिष शास्त्रले विभिन्न महिनामा जन्मेका मानिसहरुको जन्म महिना अनुसार बेग्लै स्वभाव हुने गरेको जनाउँछ । कतिपय ज्योतिष शास्त्रका विषय हामीसँग मिल्न पनि जान्छ । जसकारण, अधिकांश मानिसहरु यसमा विश्वास गर्छन् ।

के तपाईंलाई पनि आफ्नो र आफूनिकट रहेकाहरुको स्वभाव र विशेषता बारे चासो छ?। आउनुस्, ज्योतिष शास्त्रानुसार कुन महिना जन्मिएका मानिसको स्वभाव कस्तो हुन्छ, जानौँः

वैशाखः वैशाख महिनामा जन्मिएका मानिसहरू कर्मशील र आकर्षक हुन्छन् । उनीहरुको दिल ठूलो हुन्छ र मृगका जस्ता नयन हुन्छ । ज्योतिष शास्त्रानुसार बैशाख महिनामा जन्मनेहरु सूर्य भगवानको कृपाले गर्दा सधै साहसी र भाग्यमानी हुन्छन् । सुनमा सुगन्ध भनेझै कला, साहित्यमा रुचि राख्ने उनीहरुलाई व्यापार व्यवसायबाट राम्रो लाभ हुन्छ । प्रेम गरेका व्यक्तिलाई सोचेभन्दा बढी माया गर्ने यिनीहरुको जीवन सुखमय बित्छ । लापरवाही गर्ने बानिको कारण उच्च सफलतामा समस्या पर्ने गर्छ । घमण्ड नियन्त्रण गरेर अगाडि बढ्नु राम्रो हुन्छ ।

जेठः ज्योतिष शास्त्रानुसार जेठ महिनामा जन्मनेहरु बुद्धिमान, मिजासिलो, दिर्घायु र धनवान हुन्छन । परिस्थितिलाई नियन्त्रण गर्न सक्ने यिनीहरु घरमा भन्दा प्रदेशमा खुशी हुन्छन । बौद्धिक क्षमता प्रयोग गरी सजिलै नाम र खुशी आर्जन गर्ने हुनाले उनीहरुको जीवन इच्छा अनुसार चल्छ । धर्मप्रतिको गहिरो आस्था र बिश्वास हुन्छ ।मिजासिलो स्वभावको कारण जता गए पनी साथी छिट्टै बनाउँछन । साथिको सहयोगले सफलता शिखर छुन सक्छन । शारीरिक रुपमा बलिया तर स्वास्थ्य स्थिति भित्री रुपमा कमजोर हुन्छ । खानपानमा ध्यान दिनपर्छ। प्रायः आफ्नै तालमा रमाउने उनीहरु अरुलाई हुकम लगाउने स्वभावका हुन्छन । वैवाहिक जीवन निकै रोमान्चित हिसाबले बिताउँछन । यद्यपि, म जस्तो कोहि छैन, मैले गरेको सबै ठिक अरु गलत भन्ने स्वभाव हुँदा कोही पनि उनीहरुसँग लामो समय टिक्न नसक्लान् । सफलता छिट्टै हात पार्ने उनीहरु असहायलाई सहयोग गर्ने स्वभावका हुन्छन ।

असारः उनीहरु सकारात्मक सोच भएका हुन्छन् । मेहनति र सुन्दर अनुहारका साथै धर्ममा बिश्वास राख्ने हुन्छन । ज्योतिष शास्त्रानुसार धन नास हुनाले यिनीहरु पीडित हुन्छन । नयाँ–नयाँ ठाउँ घुम्न रुचाउने यिनीहरु साहित्य, संगीतमा रुचि राख्छन । उनीहरु स्वतन्त्रता मन पराउने कारण दबाबमा काम गर्न रुचाउँदैनन् । वैवाहिक र प्रेम जीवन सुखमय बिताउन सक्ने उनीहरुको दिल सफा हुन्छ । धैर्यतालाई पालना गर्ने खालका हुन्छन । परिवारका सदस्यको विषेश ख्याल गर्ने उनीहरु आफ्नो पनि उत्तिकै ख्याल गर्ने हुन्छन । मीठो खाने, राम्रो लगाउने इच्छा राख्ने गर्छन ।

साउनः उनीहरु ठूलो शरीर भएका, शालिन स्वभावका हुन्छन । जीवनमा दुःख, कष्ट, सुख, सन्तोष बराबर हुन्छ । धन राशि हुँदा पीडित देखिए पनि परिस्थितिलाई सामना गर्न सक्छन् । गित, संगीत, कला, साहित्यको बिधामा नाम कायम गर्न सक्छ्न् । आफू इमान्दार भएका उनीहरु अरु पनि आफू जस्तै होउन् भन्ने चाहन्छन् । मायाप्रेमको बिषयमा खेलाडी जस्तो स्वरुप देखाउने हुँदा वैवाहिक जीवनमा खटपट भइरहन्छ । मपाँइत्व बढी भएका उनीहरुलाई अर्काले प्रशंसा गरिदिए मख्ख पर्छ्न । परिस्थिति सधै अनकुल नहुने हुँदा दुःखी हुन्छन । विलासी जीवन बिताउने शोख भएका उनीहरु अर्काको कुरा सुन्दैनन् । पैसाको लागि इष्ट मित्र, साथिभाई सबैलाई बिर्सन्छन् ।

भदौः उनीहरु दयालु, महत्वाकांक्षी र सरल स्वभावका हुन्छन । व्यवसायक चेत उच्च भएका हुनाले ठुलो लाभ लिन सक्छ्न् । विदेशमा व्यवसाय विस्तार गरे पनि साथीभाईको सहयोग, माया पाउँछन् । संघर्ष र मेहनतले गर्दा सुखमय जीवन बिताउन सफल हुन्छन् । उनीहरु हँसिला र कोमल मनका हुन्छन । त्यसैले दिन दःखीको सहयोगमा खटिन्छन । मीठो बोलिको प्रभावले सबैले यिनीहरुलाई प्रेम गर्छन । भदौ महिनामा जन्म लिनेहरुमा चाडै रिसाउने शंका गर्ने बानी हावी हुन्छ। आत्माविस्वास बलियो हुदैन । असल र खराब छुट्टाउन नसक्ने हुनाले धोका खान्छन् । भावुक हुने यिनीहरु चाडैं माया प्रेमको जालमा पर्छन् । इमानदारी र मिल्ने जीवन साथी प्राप्त गर्ने हुँदा जीवन बिताउन सजिलो हुन्छ ।

असोजः उनीह्रु कल्पनाशील जीवनमा कला, साहित्य, नृत्यमा रुचि राख्ने खालका हुन्छन् । कर्तव्यबोध गर्ने स्वभाव भएका यिनीहरु धनवान र सौभाग्यशाली हुन्छन् । आकर्षक सौन्दर्य भएका, मधुर मन भएका उनीहरु कम बोल्ने हुन्छन् । सफा मन भएका उनीहरुलाई परोपकारी कामले समुदायमा उच्च स्तरमा पु¥याउँछ । परिस्थिति अनुसार निर्णय लिने यिनीहरु रिसाउदैनन । शान्त आदत भएका यिनीहरु अर्काको मनको कुरा बुझ्छन । रमाइला भएका कारण जीवनसाथी, साथीभाई, घरपरिवारलाई खुसी राख्छ्न । माया प्रेमलाई इमान्दारिता पूर्वक कर्तव्य निभ्याउने हुँदा प्रेमीलाई खुसी राख्छ्न ।

कात्तिकः धनवान, परिश्रमी तर निर्णय क्षमता कम भएका हुन्छन । घमण्डले गर्दा समूदायमा मिल्न सक्दैनन् । अजिव स्वभावका यिनीहरु आकर्षक शरीर भएका हुन्छन् । अरुको कुरा सुनेर अगाडि बढ्ने हुँदा असफल हुन्छन । निरन्तर असफल हुँदा पनि आत्माविश्वास कमजोर हुँदै जान्छ तर पनि हार मान्दैनन् ।

मंसिरः सादाजीवन जिउने उनीहरु भलाद्मी, भाग्यशाली, घनिष्ट र परोपकारी हुन्छन । आकर्षक जिउडाल भएका हुन्छन् । जिद्दीपना भए पनि धन आर्जन भने सजिलै गर्छन । खर्चालु हुने हुँदा बचत गर्न सक्दैनन् त्यै पनि आर्जित सम्पत्ति प्रयोग गरि सुखद जीवन बिताउछन् । स्वतन्त्रता जीवन जिउन चाहाने यिनीहरु आफ्नै पारामा काम गर्न रुचाउँछन् ।ब्यबस्थापन मिलाउन सक्ने यिनीहरुलाई नेतृत्व गर्न कठिन पर्दैन । मायाको मामिलामा उतरचढाप झेल्नुपर्छ । एकपटक हृदयबाट प्रेम गर्न थालेपछि आफ्नो कर्तव्य नभुल्ने यिनीहरुले अथाह प्रेम गर्छन् । जस्तोसुकै परिस्थितिमा पनि हाँसीहाँसी सामना गर्ने क्षमता यिनीहरुमा हुन्छ । नकारात्मक पक्ष भनेको जिद्दी स्वभाव, अहंकारीपन हो रिस नियन्त्रण गरेर अगाडि बढ्दा राम्रो हुन्छ ।

पुसः सफा मन भएका उनीहरु कर्ममा विश्वास गर्छन् । साहसी कार्य गर्ने, आँटिला, जोसिला र महत्वाकांक्षी हुन्छन । सुख भोग गर्न मन पराउँछन । समूदायमा प्रतावी कर्मले सम्मान मिल्छ । साँचो र स्पष्ट किसिमका हुन्छन् । सहासिक यात्रा गर्न, घुम्न मन पराउछन् । वैवाहिक जीवन सुखमय र अरुको भलाइमा पृथक हुन्छन् । मिडियाकर्मी, सुरक्षाकर्मी जस्ता पेसामा सफल हुन्छन् ।

माघः जिद्दीपना र रुखो बोली हुन्छ । बौद्धिक क्षमता भएका हुन्छन साहित्यमा रुचि राख्छन । झ्वाट्ट हेर्दा निर्दयी देखिए पनि अरुको कुभलो चिताउदैनन् । बढी बोल्ने हुँदा विवादित बन्छन् । रमाइलोको लागि खर्च गर्छन प्रेम अटुट गर्ने स्वभावका हुन्छन् । नेतृत्व गर्ने क्षमता रहन्छ । इच्छा शक्ति बलियो हुन्छ । व्यापारबाट लाभ लिन्छन् ।

फागुनः मिलेको गोरो अनुहार भएका हुन्छन । धर्म, कर्ममा अत्यन्तै रुचि राख्छन् । फागुन महिनामा जन्म लिनेहरु तृष्ण बुद्धि भएका हुन्छन । प्राय समय वैदेशिक यात्रामा बिताउछन् । क्षमता प्रयोग गरेर जिम्मेवारी निभ्याउछन् । प्रेममा बढी तृप्त, मोजमस्तीमा रमाउने खालका हुन्छन् । दिलदेखि माया गर्ने हुँदा प्रेम र वैवाहिक दुबै जीवन सुखमय बित्छ । कुलतबाट टाढा बस्नु राम्रो हुन्छ । दोधारेपनले गर्दा समस्या आउँछ । जीवनमा ठूलो आर्थिक संकट आउँदैन ।

चैत्रः ज्योतिष शास्त्रानुसार चैत्र महिनामा जन्मनेहरुको उच्च बौद्धिक क्षमता हुन्छ । रचनात्मक क्षेत्रमा बिशेष रुचि राख्छन । बिलक्षण प्रतिभाका यिनीहरु परिवारको बढी ध्यान राख्छन् । सुन्दर मुहार कृति भएका उनीहरु हँसिला हुन्छन । रिसाहा र अहंकारी स्वभावका हुन्छन ।