‘देउवा गठबन्धनको होइन, कांग्रेसको सभापति हुनुपर्‍यो’ -शेखर समूह

काठमाडौं । कांग्रेस केन्द्रीय सदस्य गोविन्दराज पोखरेलले काठमाडौंको बत्तीसपुतलीमा रहेको अनुपम फुडल्यान्डमा सम्पन्न भेलाको निर्णय सुनाउँदै सभापति देउवाका काम कारबाही बारे छलफल भएको बताए । डा. कोइरालाले आफ्नो पक्षको नेताहरूलाई संस्थापन पक्षलाई दवाव दिन भेला गराएका थिए ।

“शेरबहादुर देउवा नेपाली कांग्रेसको भन्द्या पनि गठबन्धनको सभापति भएर हिड्नु भएको छ । कांग्रेसको सभापति भएको अनुभूति दिलाउन सक्नु भएको छैन,” भेलाले गरेको निर्णय सुनाउँदै पोखरेलले भने, “देउवा गठबन्धनको होइन, कांग्रेसको सभापति हुनुपर्‍यो भन्ने निर्णय गरेका छौं ।”

उनले पार्टीलाई विधि र विधानमा चलाउन दवाव दिने निर्णय भएको बताए । साथै, यसका लागि प्रदेश, जिल्ला र पालिका स्तरमा दवावमूलक कार्यक्रम गरिने बताए । बिहीबारदेखि शुरू भएको भेला शुक्रबार सम्पन्न भएको थियो ।