रोकिएन नेप्सेको ओरालो यात्रा, कुन कम्पनीका लगानीकर्ता आज अत्याधिक घाटामा?

काठमाडौं । आज बुधबार पनि शेयर बजार ओरालो लागेको छ ।

शेयर कारोबार मापक नेप्से परिसूचकको अनुसार आज २९.८९ अंकले घटेर १९६६.३७ विन्दुमा झरेको छ । नेप्से १.५० प्रतिशतले घटेको हो । साथै, सेन्सेटिभ परिसूचक पनि ४.६० अंकले घटेर ३७८.९० विन्दुमा झरेको छ ।

आज कूल २२९ वटा कम्पनीको ४१ लाख ८२ हजार ३ सय ६९ कित्ता शेयर खरिदबिक्री भई १ अर्ब ४९ करोड १७ लाख ५८ हजार ८ सय १७ रूपैयाँ बराबरको कारोबार भएको छ ।

स्टकका अनुसार कारोबार भएका कूल १३ उपसमूहमध्ये आज सबै उपसमूहको शेयर घटेको छ ।

बुधबार नेपाल टेलिकमले १२ करोड ५७ लाख १४ हजार रूपैयाँले सर्वाधिक कारोबार गरेको छ ।

आज सीवाइसी नेपाल लघुवित्त वित्तीय संस्था लिमिटेड र आँधिखोला लघुवित्त वित्तीय संस्था लिमिटेड गरी २ लघुवित्तको शेयरमूल्यमा सकारात्मक सर्किट लागेको हो ।

यसैगरी, आज बलेफी हाइड्रोपावर कम्पनी लिमिटेडका लगानीकर्ता सबैभन्दा धेरै घाटामा परेका छन् ।