२०८२ सालमा तपाईको वार्षिक भाग्य यस्तो रहेको छ, हेर्नुहोस् राशिफल

मेष ( चु, चे, चो, ला, लि, लु, ले, लो, अ )
मेष राशिहरूको लागि यो साल सामान्य रहेको छ । वर्षभरि बृहस्पति वा केतुबाट राम्रो फल मिल्नेछ । लग्नबाट तेस्रो स्थानमा रहेको बृहस्पतिको प्रभावले पराक्रममा कमी ल्याउनेछ । शनिको आध्य साढे सातीले मन चिन्ताग्रस्त रहनेछ साथै प्रतिकूल प्रभाव पार्नेछ । शारीरिक पीडा वा व्यर्थको चिन्ता खप्नु पर्ला । पञ्चमेश केतुले सन्तानको शिक्षामा बाधा उत्पन्न गराउन सक्छ । गृहणीहरूको धर्म कर्ममा आस्था बढ्नेछ ।

वृष ( इ, उ, ए, ओ, वा, वि, वु, वे, वो )
वृष राशिहरूको लागि यो साल लाभप्रद रहेको छ । यो वर्ष शनि, राहु र गुरु अनुकूल भएकाले आर्थिक पक्ष राम्रो रहनेछ । राहु दशम स्थानमा भएको कारण धर्मकर्ममा मन नजाला । युवा वर्गलाई वैदेशिक यात्राको नवीन अवसर मिल्नेछ । कानुनी मुद्दा मामलाहरूमा विजयी भइनेछ । तीर्थस्थलहरूको भ्रमण हुनेछ । पारिवारिक समस्याहरूको समाधान हुनेछ भने जग्गा जमिनबाट राम्रो लाभार्जन गर्न सकिनेछ ।

मिथुन ( का, कि, कु, घ, ङ, छ, के, को, हा )
मिथुन राशि हुनेहरूको लागि यो वर्ष राम्रो रहनेछ । अध्ययन अध्यापनको कार्यमा विशेष सफलताका योग छन् । बृहस्पति, राहु, शनि र केतु प्रतिकूल भएकाले अव्यय कला तथा पाप शक्तिमा प्रवृत्त भइनेछ । सरकारी नोकरी आदिमा सफलता मिल्नेछ। धर्मस्त राहुले दुर्व्यसनमा फसाउन सक्ला, सावधान रहनुहोला । कार्य क्षेत्रमा विरोधीहरू सक्रिय रहनेछन् ।

कर्कट ( हि, हु, हे, हो, डा, डि, डु, डे, डो )
कर्कट राशि हुनेहरूको लागि यो वर्ष सामान्य फलदायी रहनेछ । गुरु र केतु शुभ रहनाले मान सम्मान बढ्नेछ । आकस्मिक धन लाभ हुनुका साथै सुख शान्तिमा वृद्धि हुनेछ । उच्च शिक्षाको लागि वैदेशिक यात्रा सफल रहनेछ । द्वादश स्थानको गुरुले धर्म कर्म प्रति नकारात्मक विचार उत्पन्न हुन सक्ला । आर्थिक उन्नति हुनेछ । जल सम्बन्धित व्यापारमा राम्रो स्थिति रहेको देखिन्छ । आत्मविश्वासमा वृद्धि र स्वास्थ्यमा राम्रो स्थिति रहेको देखिन्छ ।

सिंह ( मा, मि, मु, मे, मो, टा, टि, टु, टे )
सिंह राशिको लागि यो वर्ष मध्यम फलदायी रहनेछ । शनिको अढैया वा राहुको प्रभावले समाजमा जुठा आरोप लाग्न सक्ला । एकादशको गुरुले आयआर्जनमा विशेष लाभ दिनेछ । घरमा मांगलिक कार्यको शुभारम्भ हुनेछ । नोकरी वा पेशामा राम्रो सफलता मिल्नेछ । अधिकारी वर्गहरुबाट मान सम्मान पाइएला । ठेकापट्टाको कार्यबाट पनि लाभ आर्जन गर्न सकिनेछ ।

कन्या ( टो, पा, पि, पु, ष, ण, ठ, पे, पो )
कन्या राशि हुनेहरूको लागि यो वर्ष विशेष लाभदायी रहनेछ । बृहस्पति र राहुको अनुकूल प्रभावले शत्रु नाश हुनेछन् । गुरुको दशम स्थानमा गोचर हजुरको लागि मानसम्मान बढाउनेवाला रहनेछ । जीवनको मूल्यलाई लिएर केही मान्यता र धारणामा परिवर्तन हुन सक्छ । राजनीतिक क्षेत्रमा तपाईको मानसम्मान बढ्नेछ ।

तुला ( रा, रि, रु, रे, रो, ता, ति, तु, ते )
तुला राशि हुनेहरूको लागि यो वर्ष शुभ फलदायी रहनेछ । बृहस्पति वा शनिको अनुकूल प्रभावले अधुरा कार्य पूरा हुनेछन् । आर्थिक दृष्टिले यो वर्ष लाभपूर्ण रहनेछ । एकादश स्थानको केतुले आकस्मिक धन लाभ दिनेछ । गुरुको अनुकूलताको प्रभावले सबै कार्य पूरा हुनेछन् । सन्तान लाभको शुभ योग बनिरहेको छ । भूमि र भवन पनि जोड्न सक्नुहुनेछ ।

वृश्चिक ( तो, ना, नि, नु, ने, नो, या, यि, यु )
वृश्चिक राशि हुनेहरूका लागि यो वर्ष सामान्य रहेको देखिएको छ । बृहस्पति, शनि र राहुको प्रतिकूलताले कार्य क्षेत्रमा समस्या, राज्यबाट समस्या र भोगविलासिता र बाहन सुखमा कमी हुनेछ । बोलीमा कठोरता र सन्तानमा समस्या देखिन सक्छ। अज्ञात भय र मनमा चिन्ताको योग रहेको छ । नयाँ कार्य प्रारम्भ गर्नुभन्दा अघि अनुभवी जनहरूको सल्लाह अवश्य लिनुहोला ।

धनु ( ये, यो, भा, भि, भु, धा, फा, ढा, भे )
धनु राशि हुनेरूको लागि यो वर्ष मध्यम फलदायी रहनेछ । शनिको अढैयाको कारण विघ्न बाधाहरु आउनेछ । गुरुको सप्तम स्थानमा गोचर शुभ फलदायी रहनेछ । घर परिवारमा विवाह आदिको मांगलिक कार्य सम्पन्न हुनेछ । नजिकका व्यक्तिहरूबाट साथ मिल्नेछ । कार्य क्षेत्रमा प्रशंसाको पात्र बन्नुहुनेछ । राजनीतिक क्षेत्रमा हुनुहुन्छ भने विचार गरेर आफ्नो अभिव्यक्ति राख्नुपर्ने हुन्छ ।

मकर ( भो,जा,जि,जु,जे,जो,ख,खि,खु,खे,खो,गा,गि )
मकर राशि हुनेहरूको लागि यो वर्ष सामान्य रहेको छ । शनी शुभ फलदायी रहनाले सोचेको कार्य सिद्ध हुनेछ । यो वर्ष बृहस्पति हजुरको लागि प्रतिकूल प्रभावमा रहनेछ । संयमित भएर कार्य गर्दा मान सम्मान बढ्नेछ । शनिको अनुकूल प्रभाव सरकारी कार्य क्षेत्रमा पदोन्नतिका योग लिएर आउला । धन स्थानमा राहुको प्रभावले खर्चमा वृद्धि हुनेछ ।

कुम्भ ( गु, गे, गो, सा, सि, सु, से, सो, दा )
कुम्भ राशिहरूको लागि यो वर्ष सामान्य रहनेछ । पञ्चमेश बृहस्पति शुभ फलदायी रहनेछन् । नोकरी पेसामा उन्नति हुनेछ । गुरुको अनुकूल प्रभावले धर्म कर्ममा धेरै समय व्यतीत हुनेछ । मठ मन्दिर वा धार्मिक यात्राका योग छन् । शनि राहु केतुको प्रतिकूल प्रभावले मनमा शंकास्पद स्थिति उत्पन्न हुनेछ ।

मीन ( दि, दु, थ, झ, ञ, दे, दो, चा, चि )
मीन राशि हुनेहरूको लागि समय उत्तम रहनेछ । बृहस्पतिको अनुकूल प्रभावले मुद्दा मामलाहरूमा विजय पाइनेछ । द्वादश स्थानको शनिले वैदेशिक योग बनाउनेछन् । यात्रा गर्दा आफ्नो सामानको जिम्मेवारी स्वयं राख्नुहोस् । शनि र राहुको प्रतिकूल प्रभावले सोचेको कार्य समयमा सम्पादन नहोला । घर जग्गा जमिन वा वाहनमा वृद्धि हुनेछ । लग्नमा स्थित शनिले समाजमा अपयस दिलाउन सक्ला । नैतिक मूल्यलाई अगाडि राखेर कार्य गर्नुहोस् ।

– ज्यो. प.धर्मेन्द्र कृष्ण पौडेल