इटालीको हेलिकोप्टर दुर्घटनामा ७ जनाको मृत्यु

जानकारी केन्द्र । शनिबार भएको इटालीको हेलिकोप्टर दुर्घटनामा ७ जनाको मृत्यु भएको छ ।

विहानै एयर ट्राफिकबाट हराएको उक्त हेलिकोप्टरलाई दिनभरी खोजी गरिएको थियो । साँझ मात्र फेला परेको हेलिकप्टर दुर्घटनाग्रस्त अवस्थामा रहेको उद्धारकर्मीले बताए । दुर्घटनमा १ इटालियन पाइलट, ४ टर्कीका नागरिक र २ लेबनानका नागरिकले ज्यान गुमाएका हुन् ।

हेलिकोप्टर मध्य इटालियन क्षेत्रमा पर्ने एमिलिया रोमाग्ना नजिकैको एक पहाडको बाटो हुँदै उडेको जनाइएको छ । सोही पहाडको नजिक पुगेर हेलिकोप्टर दुर्घटनामा परेको थियो ।

यसैगरी, प्रारम्भिक अनुसन्धानका अनुसार मौसमको खराबीका कारण हेलिकोप्टर दुर्घटनामा परेको हो । उक्त घटना बारे प्रहरीले थप अनुसन्धान गरिरहेको जनाइएको छ ।