आदर्श लघुवित्तको आईपीओ बाँडफाँट

आदर्श लघुवित्त वित्तीय संस्थाले असार १ देखि ५ गतेसम्म जारी गरेको कुल ६७ हजार कित्ता आईपीओ सोमबार बाँडफाँट गरेको हो ।

गोला प्रथामार्फत भएको आईपीओ बाँडफाँटमा ६ हजार २६१ आवेदकले कम्पनीको सेयर हात पारेका छन् । त्यस्तै, ६ लाख ६८ हजार ३९१ जना आवेदकको हात खाली रहेको छ । जुन कुल आवेदनको अधिकतम ९९.६३ प्रतिशत हो ।

कम्पनीले आवेदनको अन्तिम दिनसम्म कुल १६ लाख ७४ हजार ६५२ जनाले कम्पनीको आईपीओका लागि आवेदन दिएको बतायो । सोमध्ये १६ लाख ७२ हजार ७९४ आवेदकको आवेदन स्वीकृत भएको थियो भने १ हजार ८५८ आवेदकको आवेदन रद्द भएको थियो । रद्द भएका १ हजार ८५८ आवेदकबाट २२ हजार ४४० कित्ता सेयरको माग परेको थियो ।

यसैगरी, सदर आवेदनमध्ये ६ हजार २६१ आवेदकले जनही १० कित्ताका दरले ६२ हजार ६१० कित्ता सेयर पाएका छन् । जहाँ थप ५ जनाले ११र११ कित्ता सेयर पाएका छन् । लघुवित्तले असार १ गतेदेखि ५ गतेसम्म कुल ६७ हजार कित्ता आईपीओ निष्काशन गरेको थियो । यसमध्ये ०.५ प्रतिशत अर्थात १ हजार ३५ कित्ता कर्मचारीहरुका लागि र ५ प्रतिशत अर्थात ३ हजार ३५० कित्ता सामूहिक लगानी कोषहरुलाई सुरक्षित गरिएको थियो ।

त्यस्तै, बाँकी ६२ हजार ६१५ कित्ता सेयर सर्वसाधारणका लागि बिक्री खुल्ला गरिएको थियो ।