काठमाडौं । श्रीलंकामा हजारौं प्रदर्शनकारी प्रहरी अवरोध तोडेर राष्ट्रपति गोटाबाया राजापाक्षेको कोलम्बोस्थित सरकारी निवासमा प्रवेश गरेका छन् ।

उनीहरुले स्वीमिङ पुलमा पौडी खेल्नेदेखि लिएर किचनमा भएका खानेकुरा खाएका विवरण सार्वजनिक भएका छन् । सामाजिक सञ्जालमा सार्वजनिक भएका भिडियोहरूमा प्रदर्शनकारी राष्ट्रपतिको निवासभित्र छिरेपछि नाराबाजी गर्दै पिएको देखिन्छन् । त्यस्तै, प्रदर्शनकारीहरू किचनभित्र पसेर खानेकुरा खाएका देखिन्छन् । केहीले भने किचनमा ग्यास बालेर खानेकुरा पकाएका थिए । राष्ट्रपतिको कम्पाउन्डभित्र छिर्नेवित्तिकै केहीले स्वीमिङ पुलमा पौडी खेलेका थिए ।

सुरक्षाकर्मीले भने प्रदर्शनकारी प्रवेश गर्न थालेपछि राष्ट्रपतिलाई सुटुक्क भगाएर सेनाको मुख्यालयमा लगेका थिए ।