एजेन्सी । बलिउडमा कहिले कस्तो चलन आउँछ भन्न गाह्रो छ । आजकल बलिउडमा एउटा कुरा निकै चर्चामा छ र त्यो हो विवाहको शुभ मुहूर्त । हिन्दू रीतिरिवाज अनुसार विवाहको लागि सबैभन्दा उपयुक्त समय बिहान वा राति हो ।

प्रचलनका अनुसार, विवाह प्रायः बिहान वा राति हुने गर्दछ । तर अहिले बलिउडमा नयाँ चलन सुरु भएको छ । सेलिब्रेटीहरू अब रात दिन छोडेर साँझ अर्थात् अस्ताउने सूर्यको उज्यालोमा विवाह गर्छन् ।

अस्ताउँदो सूर्यको उज्यालोमा विवाह गर्ने पछाडि न त धेरै परम्परा छन् न कुनै विशेष चलन । यसको पछाडि क्यामेराको ‘क्लिक’ मात्र हुन्छ । यो के हो भनी सोचिरहनु भएको होला । हामी तपाईलाई बताउछौं कि साँझ त्यो समय हो जसमा खिचिएका तस्विरहरू धेरै सुन्दर र शानदार देखिन्छन् ।

अस्ताउँदो घामको सुस्त प्रकाश अनुहारमा पर्दा अनुहारमा चमक देखिने गर्छ । बलिउड स्टारहरु यो प्रकाशको लागि पागल भएका छन् र अहिले अधिकांश विवाह साँझमा भइरहेका छन् । बलिउड जोडीका केही तस्बिरहरूमा तपाईंले यसलाई राम्रोसँग देख्न सक्नुहुन्छ ।

दिपिका पादुकोण र रणवीर सिंहको विवाहको औपचारिक कार्यक्रम दिउँसो २ बजेदेखि सुरु भएको थियो । ४–५ बजेको बीचमा दम्पतीको विवाह भएको थियो । आलिया भट्ट र रणवीर कपुरले पनि १४ अप्रिल २०२२ मा दिनको ४ देखि ५ बजेको बीचमा विवाह गरेका थिए ।

दिया मिर्जाले पनि १५ फेब्रुअरी २०२२ मा व्यापारी वैभव रेखीसँग विवाह गरिन् । दम्पतीको विवाह पनि ५–६ बजेको बीचमा भएको थियो । कैटरीना कैफ(विक्की कौशलले ९ डिसेम्बर २०२१ मा दिउँसो ३स्३० देखि ३स्४५ बजेसम्म सात फेरा लिएर विवाह गरेका थिए ।

रमाइलो कुरा के छ भने कियारा(सिद्धार्थले अस्ताउँदो सूर्यको बीचमा जैसलमेरको सूर्यगढ प्यालेसमा सात फेरे गरेर विवाह गरेका थिए । फ्यानहरू यो जोडीको विवाहको तस्बिरको उत्सुकताका साथ प्रतीक्षा गरिरहेका छन् ।