दिदीको अश्लील भिडियो बहिनीको मेसेन्जरमा पुगेपछि…

काठमाडौं । नेपाल प्रहरीको साइबर अपराध ब्यूरोले साइबर अपराधमा संलग्न भएको आरोपमा ३१ वर्षीय सरोज कटवाललाई पक्राउ गरेको छ । भोजपुरको षडानन्द नगरपालिका ५ स्थायी घर भई हाल काठमाडौंको बौद्ध नयाँ बस्तीमा बस्दै आएका कटवाललाई बिहीबार पक्राउ गरिएको हो ।

कटवालले पीडित महिलासँग सम्बन्धमा रहँदा खिचिएका अश्लील भिडियोहरू सम्बन्ध बिग्रिएपछि पीडितकी बहिनीलाई पठाएका थिए । यस विषयमा उजुरी परेपछि अनुसन्धान गर्दा घटनामा कटवालको संलग्नता पुष्टि भएको प्रहरीको विज्ञप्तिमा उल्लेख छ । कटवालविरुद्ध काठमाडौं जिल्ला अदालतबाट ५ दिनको म्याद लिई थप अनुसन्धान भइरहेको प्रहरीले जानकारी दिएको छ ।