लक्ष्मी इ–मोबिलिटी र जीओ अटोमोबाइल्सले जिते केईको ‘मस्ट प्रमिसिङ पार्टनर’ अवार्ड  २०२५ 

काठमाडौं । लक्ष्मी इ–मोबिलिटी र जीओ अटोमोबाइल नेपालले ‘मस्ट प्रमिसिङ पार्टनर’ अवार्ड  २०२५ पाएका छन्।

नेपालका लागि केई गाडी आधिकारिक विक्रेता लक्ष्मी इ-मोबिलिटी र जीओ अटोमोबाइल्सले केई अटो मष्ट प्रमिसिङ अवार्ड प्राप्त गरेको छ। चीनको यिबिन सहरमा आयोजित कायी ग्लोबल बिजनेश कन्फ्रेन्स अवार्ड डिनरको अवसरमा लक्ष्मी इ-मोबिलिटी र जिओ अटोमोबाइल्सलाइ केई अटो मष्ट प्रमोसिङ अवार्ड प्रदान गरिएको हो।

लक्ष्मी इ–मोबिलिटी र जीओ अटोमोबाइललाई नेटवर्कभरिका ५० क्षेत्रीय वितरकहरूमध्ये उत्कृष्ट प्रदर्शन गर्ने वितरकहरूमा राखेको छ, जसले नेपाली बजारमा उनीहरूको बलियो वृद्धि क्षमता र प्रभावकारी उपस्थितिलाई प्रतिबिम्बित गर्दछ। यो कार्यक्रम अन्तर्राष्ट्रिय सहकार्यको उत्सव थियो, जसमा अन्तरदृष्टिपूर्ण छलफल, रणनीतिक नेटवर्किङ र रोमाञ्चक विश्वव्यापी साझेदारीहरू समावेश थिए।

चीनको यिविनमा भएको केई अटो ग्लोबल कन्फरेन्स अवार्ड समारोहमा यो अवार्ड नेपालमा कायीका गाडी बिक्री गर्ने यी दुई कम्पनीलाई दिइएको हो।

जीओ अटोमोबाइलको तर्फबाट प्रबन्ध निर्देशक आकाश गोल्छा र लक्ष्मी इ–मोबिलिटीको तर्फबाट लक्ष्मी ग्रुपका कार्यकारी निर्देशक निराकर श्रेष्ठलाई अवार्ड उपलब्ध गराइएको हो।

यस गतिलाई अगाडि बढाउँदै  केई नेपाली – लक्ष्मी ई-मोबिलिटी र जीओ अटोमोबाइल्स मार्फत – नेपाली उपभोक्ताहरूको विशेष आवश्यकता र प्राथमिकताहरू पूरा गर्न सोचविचार गरेर डिजाइन गरिएका नयाँ मोडेलहरूको रोमाञ्चक लाइनअप सुरु गर्ने तयारीमा रहेको बताइएको छ।

नयाँ प्रविधि र ग्राहकमैत्री सेवाको क्षेत्रमा गरेको योगदान तथा इलेक्ट्रिक गाडीको प्रवर्द्धनमा देखाएको अग्रगामी भूमिकालाई अवार्ड दिइएको उल्लेख गरिएको छ।

केई मोटर्स सन् २०१४ मा चिनियाँ अटोमोटिभ कम्पनी चेरी होल्डिङ ग्रुपको सहयोगमा स्थापना गरिएको थियो। कायीले एसयुभी, क्रसओभरका साथै विद्युतीय गाडी उत्पादन गरेको छ।

यो प्रतिष्ठित सम्मानले लक्ष्मी ई-मोबिलिटी र जीओ अटोमोबाइल्सको नेपाली बजारमा कायी सवारी साधनहरूको परिचय र प्रवर्द्धन गर्ने उत्कृष्ट प्रयास, साथै उनीहरूको बलियो वृद्धिको सम्भावना र ग्राहक सन्तुष्टिप्रतिको प्रतिबद्धतालाई प्रतिबिम्बित गर्ने जनाइएको छ।